拱北 + 澳門遊

今日去左拱北「沁芳園」食午餐
雖然蔡欄介紹過
但係唔算好好味不過收到唔平


行左陣拱北就去左澳門關閘
第一之經關閘
澳門關排隊花好多時間
中國關好好多


之後行左去附近既「望廈山」公園

仲可以望到珠海拱北


跟住去左議事亭
已經有中秋飾品

去左間意大利餐廳食晚飯
d野食都幾好味
呢個係類似pizza既「火焰角」


仲見到奧運金牌得主訪澳既廣告


之後去「新葡京」睇下「祥雲火炬」


仲去埋「永利」睇吉祥樹

最後偷雞搭穿梭巴士返關閘

珠海遊

今日同輝仔、kinkin係珠海周圍行下
去左「川包子」食個午餐後
就行左去「九洲城」睇下野

其實佢係一個好雜既展覽館
10蚊人仔可以睇玉、石碑、旅遊、恐龍、藝術...
但係唔係個個都關珠海事
最值得既係睇佢既建築

之後去左「石景山」坐纜車同衝車

55蚊人仔包來回
雖然唔係自己控制速度
但係個衝車都好快
之後仲玩左小型賽車
25蚊玩5分鐘都已經好攰
都幾抵玩

係山頂公園有「海鵬」像

同山下面既「漁女」像成一對


之後都係「行」返酒店
雖然天氣好熱攪到成身濕晒
但係行海邊亦好舒服
仲見到好多新人影相


係海邊仲見到有條細「漁船」
見到佢有8蘿生豪
不過d海水就好灰...


夜晚去左「月季軒」食飯
之後仲去左「酒吧街」行下

仲見到個好攪笑既廣告

行碼頭

今日羅寶第一日到高欄
我地就一齊落去行一轉
近距離睇下個煤場

老闆

今日老闆黎左珠海開會
中午終於有機會去「金月軒」食飯
都成21個人
Simon話呢度係珠海中餐數一數二
的確好好味

夜晚就13個人去左「得月舫」食晚飯
見到「娃娃魚」好似石蜥蝪咁...
仲飲左8支紅酒

海泉灣 + D90

尋日中午第一次去「海泉灣」食飯
原來海泉灣係「中旅社」營運既
管理都幾好不過真係遠左d


係高氣壓同吹南風既影響下
雖然好熱但係有好好既藍天白雲
有機會真係要影多d相


今日終於係高欄港見到GM - Wilson Poon
原來佢都做左12年喇

聽日羅寶都到喇
到時食飯可以叫多d野食
中午仲會去見老闆

仲見到Nikon發佈左新機D90
有Live View
仲有少少奇怪既拍Movie同Face Detection
感覺就係將卡片機成功既野搬晒去DSLR
不過最好既就係Noise Control做得更好
可以去睇下d資料
http://www.nikonusa.com/Find-Your-Nikon/Product/Digital-SLR/25446/D90.html

儲互社旅行

今日去左儲互社旅行
景點包括西貢獅子自然教育中心、粉嶺牛牛樂園、黃帝詞
見到好多同事一家大細去旅行都幾開心
其實呢排少左影相
主要因為懶
支18-200壞左所以無左遠攝鏡
諗深一層真係要迫下自己用多d支12-24同50定焦
咁好彩今次竟然可以遇到隻唔走既燕子
用50mm唔裁相都可以有呢個效果

文軒仲同佢影左張合照
可以去睇下相
http://picasaweb.google.com/mmcity/080824

今晚就返左去珠海喇...

返港 + 環球批

今朝一起身開電視就見到改左3號風

即刻留意下幾時有船

點知一開機就停電

好彩叉左電同Lan線仲有電

見到有船就出去撲船飛

點知去到無乜人...

夜晚去左食環球批

唔算特別好食

不過見到幾多人買pizza唔買餐

其實半價買個pizza都唔算好貴

經過商場見到有「龍珠」扭蛋show

高欄港防風 + 九號風球

今朝雖然香港天文台一早就話八點前就會掛八號風
但係我地都要跟Horace返高欄
返到去見到已做好各防風措施
放吉箱係煤堆四周同貨倉門口擋風


係碼頭坐到12點幾就諗住盡快走
好快咁食完個飯
點知去到「珠海大橋」都係慢左一步
所以要走「江珠高速」再轉走「西部沿海」
結果要用3個半鐘先返到酒店
去左「斗門」再去「坦洲」經隧道再返「吉大」


返到酒店d風真係好大
見到酒店保安有兩面玻璃都爛左
所以所有人都要行地下停車場入酒店
渡輪就更係停航喇
滯留珠海...
不常見既9號風球

打風 - 鸚鵡

今次係短短既珠海之旅第二次打風
前日就話會去汕頭
尋日就話會去汕尾
今日就話會去珠海
最後各地既天文台都預計去珠海


聽日仲要返去高欄
有人話「珠海大橋」係打大風有可能會閂
仲有就係渡輪會停駛
好有可能星期五晚返唔到香港
仲有可能要留係高欄港遲d先有得返珠海市中心
同幾百萬打工人望相反
唔打風既可能性太低喇...

今日仲見到有兩部街車裝「木材」走

明碼實價

今日收工要搵財務Alex Wu車我地
去搵佢順便參觀下財務部
見到名副其實既「明碼實價」收費表

蜜蜂

尋日去洗手間既時候
係窗邊見到隻蜜蜂
視線跟住佢竟然發現有個蜂巢...
好危險

睇唔清楚可以放大黎睇

高欄第一天

今日終於去左珠海高欄港
係九洲港搭車去都要100分鐘左右
高欄港區四處都係地盤
而高欄港裏面第一期唔算好大
主要做Bulk Cargo

有木材


有煤、貨櫃、卷鋼等


第二期主樁就做好晒
但係橋面仲整緊
行政樓就要更長時間

地心探險記

今朝去左睇「地心探險記」
雖然套戲唔算長
故事亦都較誇張
但感覺上都幾好睇

意外

今朝要返公司見大佬
一入去就話叫我地返去係因為有「意外」
簡單黎講就即係加長個program到明年一月先完
月薪、年假、花紅都等出年先調整...

其實呢排都幾黑
上星期係珠海計錯數
星期五晚又計錯數
考英文又唔及格
返屋企HGC又上唔到網
跟住返公司收壞消息...

收工經過旺角消防局
見到有唔少鮮花追念殉職消防員

大家樂 + 鹿鳴春

今日最後一日係九洲
應該都係最後一日係大家樂食早餐
佢加到要16.5人仔食一個公司三文治
但係味道都係一般...


今晚飯團去左尖沙咀「鹿鳴春」食飯
味道都唔錯
每都只係165
比想像中平
不過一定要訂位

意外 + 矛屋飯

今個星期係係九洲港最後一個星期
所以要交d功課
去左影幾張相加係d功課度

臨走果時仲收到碼頭有件嚴重意外
有輛街車入錯波
結果後波撞到一個路過既司機
司機被夾左一夾
無外出血但係頭暈同周身痛
後來知道個司機有多處骨折
可以要長期休養
大家係七月都要小心d


今晚仲諗住臨走前請九洲港同事食飯
點知佢地靜靜地埋左單
去左間矛屋食野
係池邊勁多昆蟲
好多野食同杯水都有昆蟲飛入去...

福祿壽

今日去左超市隔離既「福祿壽」食野
個飯凍、餃子反熱、野食味道唔好
真係無下次...


之後仲去左超市幫ricky做格價問卷
有成200題真係好花時間
去到d舖頭d人又唔比做所以要偷偷地抄...

雲南米線

今晚去左食「雲南米線」
呢間野可以話係連鎖式既快餐店
但係就食米線、包、餃
價錢唔算貴之餘d野食都幾好食
可以返食多幾次

其實國內都有唔少呢類連鎖式食店
「真功夫」d湯都幾好飲

今日ricky話上星期horace問我地可唔可以早d去高欄
但係早幾日又唔知有幾大作用
打去問佢都好似無件事咁
都係照原定計劃下星期先去
6個幾星期係果邊已經好長喇...

中藥谷

今日去左「中藥谷」諗住浸下溫泉

但係原來原全唔係果回事

其實佢係「和田渡假村」既主題既「泳池」

入面都有唔同既熱水池

不過而家裝修緊...

80蚊都算幾貴

http://www.zhcmv.com/

浸完就行左去隔離「夢幻水城」同「圓明新園」門口影下相

因為時間同價錢關係所以都無入去行

http://www.lostcityzh.com/lostcity/

http://www.ymy.com.cn/ymy/

最近NDS仲出大兩隻我都想玩既game「三國志大戰-天」、「火炎之文章」

睇黎我要快d打完隻FFTA2先得

今晚仲睇埋蝙蝠俠2

講貓女同企鵝

拱北遊

今日去左拱北行下
先去「文華書城」買書同珠海地圖
再去「拱北口岸廣場」行下
呢個商場真係好大好多野
可以花上大半日

之後諗住行去海邊食野
經過有好多bar枱既店仔


結果行錯路
搭車返左去酒店附近食上海野
間野唔算好貴野食都ok
人流好快所以我諗佢都幾好賺

北京奧運開幕式

今日終於係中國既大日子
大家都好期待08年08月08日晚上08時08分的京奧開幕式
我就留左係珠海睇電視
條街比平日少左好多人
多數人都留係屋企睇電視
連Google首頁都轉為福娃奧運


可能因為開幕關係
好多店舖都早關門
結果只有去麥記食
又因為少人關係
好多野都係凍既...