除夕火鍋 + 倒數

今晚除夕約左文理同學黎屋企火鍋

有Peggie, Keith, Kin, Kit, Fai, candy

可能係淘大最後一次火鍋

之後去join bB會除夕倒數

一行大約80架車係九龍灣集合


之後拉龍去尖沙咀倒數

最後去了青衣觀景台影相

工展會

難得的假期同太太去工展會走一趟

入去前落微雨希望人少些

但進去後落大雨... 所以走了一會就全身濕透... 走了

華嫂午餐+升職消夜

今朝約左bB友去屏山華嫂食早+午餐

連Edward都係第一次去

今次好天又可以影下相

收工同同事去深水埗食消夜

無上次咁豪不過食物一D都唔差

差不多30人結果佢地玩到5點

聖誕遊戲日

今朝同太太去了睇子華洗禮


中午約了文軒一班人玩game

今次都算難得的齊人

仲有一大盒朱古力食

玩完仲去埋品香樓食晚飯

IE X'mas Party @ 小汶Home

話說呢間元朗王潘律師樓真係好過份
先用平價(4500賣樓)招客
跟住其他野貴返(買樓5500另加2000按揭再加幾百文件費)
而家仲要話我地無事先講明... 如果我地講左會唔做我地生意
仲要話做唔到... 話我地違反合約有機會比人告
而家突然又話可以做bridging load但係要加5000
為左唔想再怕佢過幾日又加乜費
我地決定轉律師！

夜晚約左IE同學去小汶屋企聚會

全程由小汶單人制作晚餐

賣相好味道佳

可惜太花時間感覺上少左時間一齊嘻嘻哈哈

前菜+湯

甜品

宜家早餐

尋日4點幾收到太太話律師樓話唔做得bridging load
跟住同經紀、律師樓、銀行係咁問係咁講
今朝繼續又聽佢地吹一大輪廢話都係無結論
都係要等下星期一先攪

一直以為「宜家」只係得午餐同晚餐

原來8點開始有早餐供應

10點正式開舖

今朝同bB會友食個早餐就去左影下相

簡簡單單都有6車

泉哥退休

不經不覺又到泉哥退休了

10年前入職時馬生及泉哥待我地真係幾好

繼之前馬生退休現在又到泉哥

祝願佢地退休生活愉快、身體健康

試新野-洋麵屋五右衛門

今日放假剛巧太太唔舒服

中午到了新開的洋麵屋五右衛門試下

貴得黎食物味道偏咸

應該唔會再去


最近可能成交上了田土廳

好以多左好多「朋友」寄信黎

BA Dinner

好耐都無同BA班同事食飯
今晚數工同佢地去左荃灣中國染廠新城食飯

估唔到佢地咁鐘意飲酒

9個人開左4支酒

走果時免停車場竟然送埋2GB USB

探Peggie

收工訓醒下午就去瑪麗探一下Peggie

唔經唔覺佢已經病左好耐

希望佢快D好返

Pokka Cafe

年半前買左既現金卷

今晚終於同太太去用埋

要係搬屋企盡量清屋企既食物...

Pokka cafe服務真係幾好

不過價錢始終偏貴

戲後午餐+Edward生日

今日中午去了奧海城同文軒Ronald食午餐

因為對少年pi唔大興趣所以無睇


晚上到九龍城同Edward慶祝生日

佢仲整左張掛畫比自己

內運車著火+宵夜

今晚有架內運車死火後著車突然著火

幸好有同事用滅火筒可以控制火勢最終滅火

收工同幾個DO加DM去宵夜

各自拎左好野出黎試

呢支白酒幾好飲


21年竹鶴入口好純

威士忌都係年份長既香純

懶惰了好幾個月

不經不覺已經好幾個月無更新
這幾個月都有不少事發生
有朋友結婚、有同事退休、買新相機、日本九州之旅、3日內賣買樓
希望記補返幾多得幾多

換油

今日收工去搵阿濤幫手換油

全合成連人工仲幫手清理埋引擎倉

收400真係算抵

換完架車爽返晒


雖然佢係整貨車

但好多b友都搵佢幫手

Alan家食大閘蟹

今日收工到了九龍城會合太太朋友

買了大閘蟹到Alan屋企食

第一次見自己整大閘蟹

原來都唔算好難

之後仲有湯圓食

多謝Emily同Alan招待

維修D70+探星B+bB小聚

今日帶D70去Nikon服飾中心維修

因為快門組件壞了報價竟然要1500

中心人員都叫我考慮下會維修還是買新機
因為買一部2手都只不過係2000

晚上到將軍奧探阿星個B

好成熟的一個B

3個月可以自已坐係度睇電視


之後再到土瓜灣同b會既人吹下水

小聚都有成10幾架出黎

華哥退休

這幾晚返通宵

今晚返工前去了LFW的退休晚宴

有好多唔同種類的紅酒

可惜要返工不可試飲

電腦節2012

今朝同文軒去電腦節走走

其實現在的電腦節吸引力已大減

或該說電腦需求已被平版電腦搶去不少

結果行了2個小時只買了電池及少量周邊產品

中環永樂園熱狗+金利來小菜

難得的星期六假期

今朝同太太出去四處走走

先到中環拎洗牙機維修

再到永樂園試下馳名熱狗王

不過覺得普普通通

之後再遊下中環Apple Shop

再諗住去海港城睇下叮噹

但太多人所以放棄了

下午返屋企等Eva們黎玩下再去三聖海鮮

但大家都太忙所以比預計時間遲

最後到金利來小菜就算了

game gathering

今次約係屯門玩game
最後只得3個人...

其實大家回覆都唔快

仲要無提及自己會遲到或早退

真係好難約...

試左玩4人軍棋都幾得意

九龍城遊

太太終於又立心練駕車

收工就與太太出發找地方練習

但最終找不到好地方還是到了九龍灣運動場

練習一會後就到九龍城食飯
飯後當然係甜品

今次試下皇室甜品

D冰都幾好食

台風「啟德」

今晚又打8號風球

晚上2215至第二日0620

幸好這個風雨量不多

所以吊機普遍都沒有問題可以順利開工

晚上嘗試用電話拍下閃電

但其實只拍到這樣...

預祝家姐生日

今日同家姐食飯預祝生日

一時忘了買蛋糕所以只買了個美心蛋糕頂住先

Bandai展 + 展生日飯

今日訓醒同文軒、Ronald去九展睇Bandai展

登記做會員仲送i-phone殼


夜晚約左小汶、Rio、Jeep 、Fony 、Gary幫阿展慶祝生日

我當然又暗地裏幫太太慶祝多次

探雪昕

今晚去了Emily&Alan舊居探雪昕
第一次去蘇屋村

都係有升落機既屋村


雪昕都幾喜歡玩玩具

新玩具-單車

今日去拎左信用卡送既單車

比想像中重好多... 17KG

所以要搭的士返屋企

拆開睇下都幾靚

太太生日

今日太太生日返夜所以放假一天

晚上去了「加太賀」食之前買左既團購10道菜

出奇地好味又多食物

如果2位女仕就未必可以食晒


之後返屋企前食甜品

因為兩口子所以沒有買蛋糕

改為食「心太軟」蛋糕

bB Club東九聚

今晚返馬鞍山食飯

哥哥幫太太買了生日蛋糕預祝生日


之後去將軍奧「聰嫂」同bB Club東九班人食糖水

呢間野D冰應該幾好食

下次要試下

公司包場睇戲 + 一壽司

今日第三個星期日公司包場睇戲

25蚊張飛選了睇蝙蝠俠

都幾好睇不過最好有睇之前「俠影之迷」及「黑夜之神」

無睇過就要更留心佢講乜

睇之前仲見到田亮出席活動


睇完去旺角食飯

途中見到「喜愛夜蒲2」角色做宣傳


好耐無食一壽司

感覺好似比以前無咁好味

還是要去尖沙咀會好些？

花月亭午餐

今日約左文軒傾下九州之旅

去左花月亭食午餐

個咖哩豬排好厚好好味

最終因為鐵路同自駕往返長埼差不多價錢

所以選擇自駕省回來回福岡的時間

差不多要訂酒店

意外 - 吊起車架

今晚有架街車無解鎖就埋位

結果吊起左車架還導致倒後鏡損毀

幸好司機無受傷