Halloween

Our English Club held a Halloween Lunch Party today. Only 15 members joined our party but we still have fun with our Pumpkin Design and Pumpkin Bowling after a light refreshment.

今晚仲係十月飯團，去左栢麗酒店個cafe one食自助餐，食左兩份半邊龍蝦仔，三份刺身，點心同一大堆甜品，勁飽咁食足兩個幾鐘，都只不過係$166，超勁抵食

食好野

好耐都無打過波，今日終於再打下，一去到竟然見到讀書果時既floor-mate，原來佢去左船公司做，其實我都唔係好肯定係佢，只不過佢認到我，哈哈...

打完波有人請食好野，今次又可以食聖子王，真係好好食，仲有今日見既花螺係食咁多次最大隻既一次，感覺好食好多

合眾人之力清理完既草地

日落前的倒影

郊遊

今日去左影相，第一次去摩星嶺，果度既青年旅社都幾新，個景就真係幾無敵，可以見到貨櫃碼頭、青馬橋、廸士尼等地，可惜今日大煙霞，好多地方都睇唔清楚，一直到日落都唔清，只係影到日落前既倒影...

今日仲係第一次睇人除草，雖然比想像中無咁整潔，但係好多人也很努力了，人手除草嘛

天氣

呢幾日日間仍然好熱，但到入黑就開始涼少少，十月尾先開始有d秋意，終於可以開始大量戶外活動！

半天假

今個星期返b，終於可以訓返多少少，連續兩晚都訓成8個鐘，感覺好充實，個人爽曬，哈哈

不過今日返工之前，有幾個電話打黎，都心知不妙，落到街即克起步跑去車站，但係結果都係跑到大約一半路程就見到架車，之後都跑多幾步，但係都追唔到，結果又要行返轉頭去坐小巴

呢部就係我部相機喇，都算好輕便
今日放棄左去玩，結果可以換返訓返餐勁少少既

禮物

今年都叫做買左支閃燈比自己，跟住今日仲攞埋信用咭禮物 - 六百萬像素相機一部！原本只不過係一部五百萬像素相機，但係部機貨量不多，所以可以選六百萬或五百萬，無論像素、LCD大小、變焦距離、電池耐力等，都是六百萬像素那部強，但偏偏就是只可錄無聲短片，連呢部新機都無有聲短片，都係注定我唔會拍到有聲短片...

昨晚同小汶食完飯，今晚又同Tom、阿蕭同阿志食，原來我都仲有少少朋友，哈哈...

完全放假

今日真係放自己一日假，唔做任何關於公司o既野，唔睇公司電郵，起身就食下野，做d自己鐘意做既野 - 清理自己個位，丟左好多應該要丟既野，張枱整齊左，枱底少左野，書架又整齊左，感覺好左好多，個人都開心左，哈哈...

今日都收到朋友icq messages，阿zel、阿神、may、豪哥既sms，又有阿tom、ada、ivan、yan來電，仲有輝仔、peggie、栖、堅堅、彩珠一齊打邊爐，仲有蛋糕食，都幾好

聽日阿爸七十大壽，同佢食返幾餐勁o既！

終於放假

經過三號風同十一黃金週，連續工作八日後，聽日終於可以放返兩日假，休養一下，其實星期六已經想放假，但係點知有個同事要做手術，日期又改完又改，搞到個個d假期都亂曬，星期六無得放假之餘，今日都要返工，仲要唔係五點走得，總之呢排就真係好想訓返多d

唉...

有好多野想寫，但係太攰，太唔夠訓，都係遲d先寫

30/sep：終於試過marco bistro，玩新game
01/oct：打波、攞電腦，終於試過小肥羊
02/oct：原本諗住收九點，點知成十點三先走得
03/oct：想17返去訓，點知開會到六點幾，仲有一堆mail要覆

唉...

十一黃金週

今個星期真係做到心灰，上個星期就三號風球，下個星期就超級黃金週，d躉船就係咁要橋位，d船公司就係咁打電話黎追，d老闆就係咁問/閙，其他部門d人就係咁搵我地做野，係咪想我地死先... 完全做唔到野，今朝八點幾開個file做野，應該做45分鐘可以做完既野，結果要攪到成六點先send到比人

下風球的工作

今朝返去無耐，就聽到天文台已經取消所有風球，跟住就大伙兒打電話聯絡艇同船公司，但係我就無乜點幫手，因為要清返一個星期無做過既野，結果攪左成日，到五、六點先有間幫手，結果攪到成九點半先走...

不過都算好，叫做日間先下風球，如果係夜間，夜間就真係做到不似人形，仲要做完可能又要等第二日船公司改過曬d野，又要重頭做起

就係呢d躉船泊係避風塘唔靠泊碼頭，攪得無野可以做，但係又要積壓落去

SB-800
今日會出去幫人影相，出發之前終於幫我支燈影返張相

今朝一早約左人唔知醒，好彩都係遲左45分鐘，好耐都無打保齡，一打就打左四局，一百蚊都算唔係太貴，可以接受啦。
打完就食左個lunch，之後又打左半個鐘頭機，就趕去幫人影相，影相都用左支新燈好多，但係都係未太掌握到，要試多幾次先得

三號風球

今晚係呢個月最後一晚返B，亦都係第一次係躉船中心過三號風球，本來三號風球應該對大部份香港人黎講都係無影響，最多都係有小朋友讀幼兒園要早少少去接放學，但係對躉船黎講，原來三號風球既風力已經足夠令到大部份躉船靠泊不到碼頭，聽日一取消風球就大鑊...

原本仲想話呢個風球，風大雨不多，點知即刻聽到外面勁大雨聲。

話說呢個風既風力真係有返咁上下，成台岸吊都比風吹動，攪到有意外發生，兩部車損毁，仲有一個VIP既貨都損毁，真係多事之夜。

閃燈

星期二終於攞左兩張信用咭，可以實行我個買閃燈計劃，終於等到今日放假可以去買，出發之前既係上網睇下邊度平，邊支燈好啦，點知一睇就發現最近全球加價，一加加500，超灰，之前一日去過萬成問價都覺得有少少奇，點解好似加左300，原來真係加價，結果去到旺角，好有恒心咁問左大約十間舖頭，最平既行貨都要2730，結果都係去返萬成買，好貴... 2780大元，比之前貴左300，之後仲問阿店員，佢話佢地將新貨同舊貨混埋一齊賣，所以先賣呢個價，下個星期都有機會會加到3000，唉...

又放完假

好似無乜休息過就過左個中秋節，一早起身就同人食左個lunch，叫做補祝返個生日，跟住就去左玩card game，食埋個飯就成十一點，咁又完左一日，不過食飯個時講左好多健康野，聽到d朋友講練跑，覺得自己好唔健康，越聽越覺得自己無節制，所以都要跑返步，仲想去學游水

今朝起身仲要牙痛加眼痛，可能又係因為訓得唔夠，感冒又未清曬，睇黎都係要休息多d，做返多d運動先得

中秋節快樂

祝所有朋友中秋節快樂！

昨天一收工就去左舊同學屋企玩通頂，朝早先返屋企訓，原本仲諗住11點去打波，結果都係無去，仲要勁攰咁去左剪頭髮，之後仲要返工，所以今晚一定要訓返夠本

今日收到個舊朋友既sms，之前因為唔見左電話，所以無聯絡(件事好似上個星期都發生過，不過係我send sms比人)，節日都幾好，可以聯絡返d舊同學、舊朋友

迎月再前一晚

今晚係迎月前一晚，天文台話迎月同中秋天氣都唔係太好，叫市民今晚賞月，咁就要趁天氣好幫個天影返兩張相先喇，時間仲早，只係影到兩粒星，夜少少再試下

上堂

今晚第一次上返一d活動形式既堂，都幾開心，同學都好活躍，有講有笑，雖然得到既野唔係好實在，但係輕輕鬆鬆咁同人吹下水，聽下d所謂分析都幾好

諗返今朝，真係唔係好想返工，起身個人忽冷忽熱，洗完臉走出洗手間，塊臉又即刻出汗出到濕曬，就死咁滯，而家叫做好少少，唔知聽日點

打波

三個星期都無打過波，今日終於放低曬d野走左去打波，但係自己又感冒，打左個零鐘之後就頭暈，結果都係打唔得耐，下個星期又要返b，又要等多兩個星期先有得打

生日

今日一開icq，竟然發現有兩個人都係兩日後(9月15日)生日，連一個無提示既，即係竟然有3個我識既人係9月15日生日，識咁少人都可以有三個同一日，真係奇怪...

休息

原本諗住星期日都做少少公司野，所以昨天收工都拎左少少野返屋企，點知留左係朋友屋企，哈哈，結果真係可以休息返一整日，hea足全日，將好想睇既戲睇完，又睇多幾套漫畫，訓足十一個鐘，好耐都無試過咁休息，聽日又有能量做過

開會

今日返工要開一個好長既會，成個下午都無左，點知去到開會，人地一心諗住講system，我地就諗住講操作，結果去到只係坐，完全唔關我事，我地d野要另約下個星期再開會講，唉...

今日有朋友生日，send左個sms比佢，結果比佢問返轉頭我係邊個添，哈哈... 都幾「淤」

飯局

昨晚洗濕左個頭，結果一不做，二不休就去打埋份minutes先訓，攪到成點半，訓五個鐘又要起身做過野，超勁攰
一返到去，收到大老闆助手通知，今晚個判頭飯局叫埋我去，大鑊啦，原本想返屋企死訓，結果又唔得
今日下午有個會，由另外一位同事跟開，雖然佢前日已經叫我去，但係實在太多野要跟，我話唔去，佢就係咁叫我去，結果我都係無去，跟住佢又好似發脾氣咁，一於好少埋，我自已d會都唔迫佢去啦，佢個d會就叫我一齊去，咁我自已d野都唔知幾時可以做，最錯既就係一開始可能唔夠決絶咁話唔去，又學左野

低調生日食好野

昨日有好朋友生日，正日只可以食lunch，今晚終於可以食好野補祝，原本諗住三點半去到船公司開會，三個鐘乜都夠，七點食一定無問題啦，點知... 一開就開到八點，唉... 開完會仲要搵唔到西隧巴士，結果搵左成四個字，先搭地鐵去深水埗食好野，攪到成班人等我一個等到成八點十，勁唔好意思。不過今次有大大隻鮑魚食，一口要食好耐先食完，勁！

才華與表現

今日同個舊同學食飯，講開我地果班d女同學比男同學叻，已經有幾個係高級人仕，反觀自己仲係一個草根階層，做野又要吃力不討好
有時間都係要做返d有意義既野，唔好咁浪費時間先得

邵逸夫奬

今日下午去左科大聽邵逸夫奬天文學奬得主演講，今次係兩位教授共同得奬，先講的教授口音及方式比較難明，第二位就風趣得多了，但係都係有好多都聽唔明，只係大概明少少野

原本諗住一起身就可以整理返最近影既相，點知一睇返d電郵(開電腦第一樣做既野)，見到大老闆叫我準備d野比佢星期一開會，結果自己希望係佢走12點前比佢，如是者就係咪問、係咁打左d野比佢，後尾又見到之前仲欠佢少少野，結果又要做埋，攪到無時間做其他野，連個天文演講都差d遲左去，又準備唔到文件，唔可以一次過去科大買電腦

放鬆自己

今日一早就同人嘈，真係唔好彩，又好多好多野未做，枱頭開始失控，好多野都做唔切，原本最近都已經多野做，阿頭走埋仲衰多兩錢重，結果都唔算好遲走 - 八點，其實真係應該做埋d野先走，但係今個星期實在太攰，再唔休息多d就快頂唔順

都算係咁，係困苦中仲可以講下笑，比人問死得未，就彈左句「人終需要勇敢生存」黎答人地，真係中到連自己都忍唔住笑左出黎。跟住今晚同人吹開水，原來第二個部門今日又有人走，仲要有句「我只想身體健康」係辭職信度，又係要好中，好感慨，仲要多我成廿幾年既經驗同感情，其實佢都係一個好人，可惜係死亡更之下促使個人太攰太勞苦，更可惜既係，點解仲有d部門可以咁悠閒

聽日調左假，可以去聽天文野，都好耐無聽囉

補上

今日終於知道邊個補上做我地阿頭，但係都唔係操作部出身，點都有d問題，算啦，都係盡左力就算
原本諗住收工可以去打波，結果d野都係做到成七點半，都係無得打。都好彩可以去食好野，點知去到佢都差唔多收舖，結果食唔到鯪魚球粥，其他野唔係牛就係內臟，真係唔好彩

請辭

今朝出門口果時都好似有少少唔妥，結果只係唔記得帶電話，返到公司，見到老闆無食早餐，心裏面諗唔通仲未病好？點知返到office，大老闆黎左，仲叫我地入房，話比我地聽我地老闆昨日下午已經請辭，今日開始已經唔係公司員工！？都幾晴天霹靂，雖然之前已經有人提過，佢又放過大假，但係點都估唔到佢會粒聲唔出就咁走左，請辭都唔講聲比我地知，雖然都知佢壓力勁大，但係咁樣走法都有少少無雷，咁仲有好多好多野未做，亦都無人跟過，只係得佢知，有排跟...

又係補寫

哈哈，好多時發覺都係補寫個blog
話說上個星期原本返夜，但係因為好多日都有少少野做，所以星期一、二都要返早，星期三先算返夜，星期四、五都中午右左就返去，返去之前都仲係係屋企做野，攪到個夜乜都做唔到，仲要勁攰

星期六晚同人慶祝讀完個master，去左玩到成點，但係星期日返左去中學影相，原本以為只係樂隊採排，去影下都幾好，點知原來係中一家長日，勁多人

之後約左d暑期工fairwell，其實約左好耐，結果都係等到佢地完左成個暑期工先約到，雖然成個暑假都好似無乜幫到佢地，仲唔知有無得罪佢地，但係最少都玩得幾開心，仲玩左好耐都無玩過既大富翁，結果玩到夠鐘返工，有成三萬九，都有第二名，yeah！

最後返夜，都已經勁攰，連續兩晚都係每夜訓五個幾鐘，所以收工都好想死，返到屋企，用最快速度訓覺，結果又係訓五個半鐘又返早，今晚都係今d訓

攝影分享

今日去左葉青霖先生既相片分享會，見到好多好靚好有趣既組相(由幾張相紅組合成一張)，有好多唔同角度影既相，佢仲介紹左點樣可以影到一d曝光較長既方法，指出左影相要有生命力，特別係影人，唔好當左影商品，都幾好丫，可以睇多d專業攝影師既相，同聽多d佢用既技巧、心得。

最近好似大洗左，要節儉返d先得

放假

今日可以放假，但係聽日要返返工，仲要返夜，星期一又返早，等死
今日調左日假既主因都係想去聽野，我發覺好多講座都係星期六下午，下個星期又有一個，到時又要調，結果好似個個星期六、日都調假，好麻煩，最好都係返五日工，五日半都好d丫

方向

原本今日約左大老闆覆返一d提問，但係結果準備不足，又係遲d再約，諗深一層，好多野都係不斷咁拖，又加上好多大大小小既事湧埋黎，造成而家咁既局面，手 頭上勁多小事，但係每樣野都唔係難，只不過被d野拖住，再加上有d人又只係表達，講完就完，無論點無結論無提議，攪到成個部門風氣都唔好

買電腦

今日出左去幫家姐買電腦，去攞機果時，竟然見到佢用錯機箱，款同顏色都錯，結果佢話只係得呢款，咁換左個黑色既就算，點知換完之後，又發現佢無比磁碟機我，跟住又要打返去sale度先比返我，跟住又問我要唔要試windows，如果我唔試就走得，但係之前其實講好話連裝windows同其他野，跟住佢睇返張單先死死氣咁幫我裝返，之後仲要試唔到個硬碟，要攪到換左條SATA線先試到，真係一波幾折

昨晚收工去左睇電腦展，比想像中少人好多，唔係好迫，可能因為太大雨啦，結果買左叉電同耳筒，都唔係好電腦，哈哈... 之後仲去左睇band show，都幾好，可能都係因為大雨，好似話比上年少人

世界博覽2005

今日見到有人有個幾靚既電話繩，睇真d原來係Expo既紀念品，不過我都唔差，之前個friend送左個好靚既紀念品比我

20面骰同10面骰

今晚食飯唔記得講乜，講講下突然講骰，有人唔係好信有20面骰，等我影返張20面骰既相先，其實仲有100面骰，不過無買過

質問

今朝返工無耐，老闆就印左個新聞比我睇，一睇就知好大鑊，比人寫信去報紙話我地差，為影響香港經濟兩個主要因素其中之一，過多一個鐘左右，就比大老闆叫左去質問，問完一輪就叫埋其他同事一齊去比佢問，放我地返去做一陣野，跟住又再問過，如是者攪到成朝比人問，問到個人無曬心機，食完個飯，做埋d手尾，跟住準備個新流程，同d同事講又係咁反對，真係想死...

最近都真係幾多人，今晚同人補祝生日，同時又歡送一位舊同學去上海發展，真係好利害，可以係香港做野，開衝出香港去上港做管理層，同時覺得自己仲要加好幾倍努力！

返到屋企見到個blog多左幾個comments，睇完之後好難令我唔覺得係一d賣廣告既comments...

精句

今日收工同同事吹水，講講下習以為常，為人做的事變成應份時，竟然有句精句，確實字眼我都唔係好記得，但係大意係：
「你只係諗我無做d乜野，咁你又有無唸過你做過d乜野令我開心？」
真係好中，哈哈

今日同返d好耐無見既莊員食飯，比人話我約得好急，星期六/日約星期一食飯，但係又有八個人出到黎，都幾好彩。其實咁耐無見，約到幾多得幾多啦，要約齊人機會都幾微，今次就唔到咪下一次囉，只要有心，一定會再一齊吹下水，天南地北一下既

少量運動

最終都只不過係去左跑左幾個圈就體力不繼，而家d體能真係差左好多
身體都弱左，下個星期再去過先

雨過天晴

好！
竟然可以有一個無落雨既週日，一定要去做運動！

打風

今日終於掛上今年第一個1號風號，雖然唔係好大雨(上果排唔係打風d雨仲勁)，但係都已經令到個weekend無機會做運動，唉... 不如星期一先落雨啦

感冒

今朝一起身覺得好攰，返到公司就係咁流鼻，結果同事比左粒藥我食，點知... 食左之後就唔知自己做過乜，集中唔到精神，目光呆滯。
結果五點就走返屋企，訓左成個鐘先食飯，哈哈...

今日早左返屋企，結果係車見到好多同事，聽到又有一個同事辭職，其實我上個星期六食午飯果時見到佢，同佢講過下近期多人辭職，點知原來佢都有搵，仲要話比我知見唔到廣告，大話精！

今晚都係早少少訓...

加counter

今日終於試下加個counter係自己個blog度，雖然都知道無乜人黎，但係都叫做計下自己係唔係每個都黎嘛，哈哈...

high tea

今晚同舊同學慶祝生日，去左銅鑼灣邀月茶館食飯，其實係係網上搵野食見到介紹所以去試下，入到去，店面面積比想像中細，全店都好靜，跟住睇下d茶，有好多選擇，都幾特別，但係都幾貴，因為叫餐，每人都可以自選一種茶，但係限左係$90以下，丫... 原來都幾貴，一杯茶都可以賣呢個價，真係見識見識。
d野食都幾好食，不個6個人食，埋單要16xx，都幾貴，同介紹果個網頁講人均$101-$150相差幾遠，雖然幾貴，但係環境都幾好，店後去洗手間條路，唔係廚房而係一條小魚池，養左十幾條魚，格調都幾高。係就係幾貴，但係見識下呢d另類 high tea 都可以開下眼界o既

回想起昨日起身，見到有人用我 send 出去既電郵地址，竟然 copy 一次再 send 野比我個 list 既人，雖然內容都係一d攪笑野，但係有d比人偷用自己的 address book 既感覺，估唔到我個address book入面既人會咁做，感覺幾唔開心...

又生日

七月真係一個好多人生日既日子，昨晚參加舊同事生日會，結果玩到三點，今朝一早又去幫人影相，勁眼訓...
返屋企訓左一陣，夜少少再去舊同學補祝生日，哈哈...

低調生日

今日 D.S. 生日，雖然佢口口聲聲話自己低調處理生日，但係年年都攞假，哈哈！打完波去左食好野，諗住試下個「阿華田紅豆冰」會好正，點知... 又唔夠凍，杯野又無豆味，唉... 失望，不過炒聖子、倉魚同大蝦都好好食。

比人問我個遊記點，今個星期一定會攪好！

六合彩

今日六合彩開30周年金多寶，成45,000,000呀，所以特別去買左兩張電腦飛，一張比人，一張自己，結果頭奬無人中...

下期仲勁，成60,000,000，之前同個係馬會做既朋友講，佢話如果今日無人中，星期四就做死人... 唔知星期五又有無人中呢

藍天

天氣實在太好，以藍天為主題既行水塘出發！

見到一大堆馬騮，有騎有抱，好勁！

呢張被我選為主題相，哈哈！

再做運動

今日又再去打波，一個星期做兩次運動，都算唔錯，兩次都好熱，好似減肥咁

打完波再去食好野，今次第二次去增輝，西芹炒得好好食，d魚入口又清甜，正！
(不過今次d聖子差左少少，下次一係唔食，一食就一定要食返「聖子王」)

呢幾日真係幾熱，今晚一返到屋企終於落大雨...

做運動

好耐都無做運動，今日同舊同學打籃球，雖然只係打左一陣，但係都幾開心，下個星期再約過，哈哈... (因為對舊波鞋爛左，仲買左對新鞋，好好著)

星期日檔案

今日睇返兩節星期日檔案，一個係講「廸士尼樂園背後」，一個係講「阿咩吉場」。
睇完廸士尼果節，一方面提醒自己要點待人，一方面提醒自已要跳出，小心被人洗腦。
阿咩果個故事，其實之前都聽過相類似既事，總之人要正面，努力生活！哈哈...

月夜

今晚月色好好，特別影低。呢個係西面，所以好明顯可以知道而家係上弦月，從月球的圓缺可得知，而家大約係初八、九左右

決定

今日終於同老細講左唔轉部門，覺得對唔住新部門個老細，之前話想試，而家又反口。其實之前真係無諗過會係咁樣收場，不過，低線就係低線，如果定左低線之後，可以接受低過低線，咁樣低線己經收去意義，都係努力試下闖一闖，哈哈...

七月飯團

昨晚一班人去左布袋澳食飯，d野好好食，有講有笑都幾開心，好期待下次八月食團。見返d走左既同事都開心，希望今次去唔到既人下次去到啦...

今日去考左個測驗，自己寫野真係好差，不但字數不足，內容連自己都覺得不知所謂，真係要下下苦工，如果唔係遲d可能會變文盲。

中陷阱

最近部門比人投訴，雖然我地都成日比人投訴，但係今次就越攪越大，問左d同事發生左乜事，朝早問到既野竟然同收工前係唔同，結果比其他部門反問，真係無奈，結果聽朝又要再問過...

好彩老細醒起有疑點，突然之間覺得可能仲有d事有人無提過，令表面上同實際上有分別，聽日都係要小心d再問過

回歸八周年

今日回歸八周年紀念日，一早就係茶餐廳睇升旗，跟住訓左成日，睇新聞先知有回歸巡遊，浪費了觀賞及影相機會...

今晚仲睇左「頭文字D」，整體上都幾好，睇之前有人話睇過書既人話唔好，無睇過書既人話好，但係我都覺得幾好，改編都有心思，交代了不少東西，完結得也不錯，算得上是好片。

號外！？今日去左太古城睇恐龍化石，影左d相

天府峨眉龍，真係好大隻，高度去到三樓，一入太古城就見到

Salary Adjustment

Quite tired recently with a small study, some reports preparation and review and frontline operations. Luckily I can have a B-shift this week so that I can take more rest.

My boss suddenly phoned me in the morning when I was sleeping. He told me that the other boss wanted to talk to me and asked me to find he later. When I met he, I was surprised that I can have a salary adjustment because it is not a normal practice to have salary adjustment at the middle of a year. Although the adjustment is not very attractive, it is a breakthrough that I can have additional salary adjustment before the year-end review. But it also made me feel more problems with my transfer...

又食好野

今晚又約左d舊同事食飯，雖然只係得一半人有時間，但係都幾開心，特別係係呢排多野做既時間，間中輕鬆下都幾好。丫... 又食完飯又係去左星期一果間糖水舖食糖水，竟然係之前未去過，一去就係四日內去兩次。

今日終於搵過人事部，比人話唔應該問其他人人工，哈哈...
結果都係未有野睇住，都係要等一等

食好野

今晚有人請食好野，結果去左食海鮮，樣樣野都好好食，仲有勁平糖水同笑到標眼水既笑話，雖然要返屋企做野，但係都食得好開心
個「肥仔」笑話真係勁好笑，哈哈...

Father's Day

今日父親節，原本諗住早少少起身去飲早茶，結果都係因為唔夠訓既關係，訓到成十一點先起身，坐一陣就去左食午飯。
不過個午餐都幾好，去左食阿爸鐘意既潮州野，去到佢就同人講潮州話，結果我都係唔知佢講乜，但係佢都幾開心，跟住仲去買潮州餅食，都算唔錯，不過佢身體都唔係咁好，所以今日運動量都算好大。(因為無帶相機出去，所以返屋企先影左張潮州餅店既單張)
夜晚去左一間京滬小廚食飯，結果唔係好好食，下次唔會再去...

又問

今日又有問我係咪會轉部門，公司真無秘密？唔係！只不過係有好多多嘴既高級人士
我自己都未見到個待遇，未肯定，點解又會當係？d人仲要時間都知！唉...

雖然我覺得呢樣野唔係d乜野秘密，亦都唔係好介意比人知，只不過覺得d高級人士，唔肯定都攞黎講，如果我肯定的話，比我自己同人講都得掛...
. ."

尼羅河地圖

終於立心影左張尼羅河地圖，話說埃及之旅第一日抵達己是開羅晚上，第二日去Giza金字塔同獅身人面像，夜晚就搭火車到最南既地方-Aswan(右下圖左上角果度)，再搭飛機(0.5hr)去再南d一個神殿-Abu Simbel，跟住去返Aswan，沿住 River Nile 北上，四日三晚的船河經過 Kom-Ombo、Edfu、帝王谷、女王神殿、Luxor，跟住搭車(5hr)去左渡假區Hurghada(地圖紅海個'R'左邊)，果晚去左沙漠，第日出左去紅海，跟住第八日搭車(6hr)返開羅，食完飯去市集，跟住就去機場走喇...(遲d係自己個網頁先打返個詳細少少既遊記)

沙漠

阿布辛貝神殿

獅身人面像與金字塔

休息

今日好輕鬆咁留左係屋企，好耐都無咁輕鬆，有心情去整理下自己個位，雖然未執完，但係感覺都好左好多，下個星期父親節，再留係屋企繼續，哈哈...

I have visited a friend's blog last night and really think my blog doesn't have so much photos. Let me try to upload more photos in here later.

剪髮

星期日去左剪髮，好耐都無將頭髮剪到咁短，有人問咁解，我都無特別原因，只不過最近天氣很熱，又好無精神，所以試下剪短頭髮，可以訓多d，精神d

聽左方力申隻碟幾次，今晚先真正聽下d歌，原來隻碟都幾好，有幾隻歌都好好聽

今日仲去左考體能，發覺唔夠訓好辛苦，之後要休息好耐，睇黎真係要休息多d，放鬆d

賽馬會食午餐

今日第一次去沙田賽馬會食午餐，感覺無乜特別，都唔係好明點解有人會鐘意去呢一類地方，只係覺得自己一定唔會去，不會去見識下都好，唔洗第時咁大鄉里...
食飯果時仲要比人問問題，呢期咁唔夠訓，真係想死，結果都係不了了之，無乜點答過野

Nothing done

I found nothing I have done in office recently. Perhaps someone will ask, "Are you too lazy in working?" I may have to agree on it because I found I cannot complete a task very easy now. And really have to read book about efficiency improvement and mind opening, haha...

Perhaps the first thing should be "first thing first"

轉部門？

今朝早做左一個決定，去左搵第二個部門其中一個經理，睇下係咪真係可以轉部門，當做半個升識，結果佢都要問下人事部，不過唔緊要，我都諗左好耐先決定去搵佢，但係自己就要預備申請信，等佢問清楚係咪可以當升識咁過去...

今晚好難得咁同以前既同事一齊食飯，有第一代、第二代(自己)同第三代，雖然三代裏面只係走剩自已同另一個第二代，但係感覺都好開心，因為大家都有好既發展，第四代將會加入，不過我接觸佢地既機會將會好少。

釣墨魚

好耐都無去釣墨魚，今晚有機會同舊同學一齊去，但係實在太大風，隻船搖擺至很易令人暈的情度，水流亦非常急，令我地今晚一隻收鑊都無...

昨晚farewell一位同事，講左好多野，好似好耐都無試過同其他人講咁多野，感覺暢快！但係今日返工，又令到自己好攰...

失敗的一個午餐

今日學會攪左一個午餐，原本去旅行之前有人叫我負責攪，我都覺得無所謂，因為只係好少事，但係旅行返黎之後，仲有好多好多野未做，上司放大假，越黎越亂，自己仲要腸胃炎，真係禍不單行，結果攪到個午餐好差，最衰都係自己...

終於返來

上個月底去中山之前，電腦竟然死左，咁無辦法，唯有放完大假先叫朋友幫手整，上個星期四都整好左，但係個 web 同 ftp server 就未整到，仲 send 電郵去問 changeip.com ，點知今晚自己亂試，結果又比我發現，原來無左 www 就 connect 到...

雖然返左香港一個星期，但係都未有時間訓返夠，未整理相片(被好多人話)，未整理手信，仲有好多野係枱面，等死...

試鏡

今日終於買左支新鏡，Sigma 28-200mm F3.5-6.3
其實係買相機果時都已經想買，
但係星期六去旅行，所以有更大的理由
(比人話為左去旅行買添)

除左買鏡，仲買左想買好耐既 PL 鏡，
咁就緊係試鏡喇，唔係好識用 PL 鏡，
睇果時分唔到，要影左出黎先分到，點算？

可以去睇下試左乜 (不過唔係成日去到，要我有開機先得)
http://www.mmcity.myddns.com:8080/05-Apr-26/index.htm

結果又係乜都無做過，已經想訓... zzz.. zz.

Taking Taxi

There are many tasks need to be completed recently and I worked until 01:00 last night. As a result, I over-slept today! Luckily, a colleague phoned to me and alerted me this morning when he could not see me at the bus stop. I was shocked when I woke up this morning after looking at the clock in my room. It was 07:10!!! I rushed out of my home and got on a taxi. This is my first time to take taxi directly from my home to office. It cost me $90... So I escape from late report.

Before I left office today, I was stopped by another shocking news. My supervisor will take a long annual leave. This is not an usual annual leave and the GM of my department called me and another colleague to talk about this. And something would be happen later...

B shift

Although I am having B shift this week, I was back to office at very morning today. This is because there are IVE student attachment today and I would like to ask them for recording workloads of particular job position so that a more solid insufficient manpower conclusion can be draw. Therefore, I worked for a AB shift during my "B shift week".

Colleague's Wedding

I have joined a colleague's wedding party tonight. Actually, I meet many old colleagues in the party. The party is not only celebrate my colleague's wedding, but also serve as a un-union party for many old colleague.

I will start my B shift duty on tomorrow for the rest of this week. 10% additional allowance can be received. At the same time, the "scheduled working hour" is shorter than A shift. These are the main reasons why B shift is so attractive!

英文

今日睇英文show果時，又一次提醒自己英文實在很差，唔好話參與討論，好多時連睇都睇唔明，真係好差。
係睇show之後，又感受到其中一位同事，因工作關係攪到佢... 少左少少笑容

Unexpected expense

After a glass was broken (cup) in last month, My glasses (corrective glass) was broken again tonight. I cannot see anything without my glasses. I cannot read the words in front of a mini-bus even I sat at the second row. Actually, I have to move my head very close to my monitor now (typing the blog). This also cause an unexpected expense before my trip...

Too lazy

I am too lazy that did not write anything for more than a week!!!

Quite long time did not meet freinds and I really want to meet them more to share happiness and recent news. Started dating friend to have dinner on Sun and Mon and this is only a start! I will keep this monment on! At least I think I cannot be too lazy to lost all contact.

最近好攰，又唔夠訓，日日返公都唔知自己做緊乜、做過乜，咁樣都無事，哈哈！都真係要訓返多o的，因為個人已經無精神，所以今日去左剪髮，希望頭髮短o的，個人睇落去精神o的，呃得下人

03-Apr-05 北區公園

03-Apr-05 雲泉仙館

Photo Taking

Today I have joined the second outdoor activity of my photo taking class. There are 4 activities in this semester but I missed the first one because it crash with a seminar. I did not take so many photos this time because I am very tired. I feel very sleepy throughout the whole activity. So I did not selected the photos yet after I back my home. I think I will leave it until tomorrow, haha...

Gathering

I have joined a meeting and gathering tonight at Sheraton - Someplace Else. This is my first time to go to a lounge in hotel. I really think I lack of this kind of experience and knowledge of different social activitiy venues. I really need to try more on this kind of stuff.

Challenges

I have been transferred to my current section nearly one month. Nothing I could do in there so far. There are many outstanding challenges in the section such as staff issue, workflow redesign, guidelines and regulations set-up, etc. However, the first step I need to do is to gain familiar witht the new system so that I will not be deceived by others.

Management Seminar 2005

The SCD Management Seminar 2005 was held on 20-21/Mar in Macau. This is the first time I join this kind of seminar as a helper. The seminar is quite similar to some activities I held during my study. The most different things is all of the participants are managers. And our MD gave a fruitful speech for all of us!
Although all participants are managers, they enjoy the seminar just similar to all of us. Some of them are enjoy all programs very much while some of them are not willing to do anything in the one and half days. Anyway, the most impressive thing I got from the seminar is: I have to improve my English as soon as possible!!!

13-Mar-05 ­香港花卉展覽 2005

Broken Glass

A small crack was created accidentally by cleaning staff in a newly received glass two years before. When I had to move my thing to my new desk, I cannot find it again in the next day - Because the same thing happened more seriously this time! The whole glass was broken. Perhaps it should be broken when there was a crack. Perhaps it should not be used when there was a crack. Perhaps it should be protected as a special souvenir in my life...

Virus!?

I took nearly 2 hours to turn on my computer tonight. At the beganing, I could turn it on for 3 minutes and then it restarted itself again and again. I thought there are some loosen connections due to the high humidity so I unplugged and plugged all connections again.
After I plugged all connection, the situation got worse. My computer could not load the boost sector and showed a virus warning. Then I tried to unplug and plug the wire again. It turn on again! To place save, I scanned my computer once and it caused an hour again. It is quite difficult o turn on my computer tonight...

Memory

After most of the bosses had left their offices on Sat, I started to remove my things from my old seat. I found I had left many memories in there. Project papers, event souvenirs, photos, calendars and schedules, etc. All of them can recall my 2 years memories. I tried to sit in the old seat to call back my happiness and sadness. That is really difficult to forget...

I tried to join a travel agent talk today. Although I though it is useless and cannot provide me much benefit to join such kind of talk, I still went there because I did not experience it before. Even the result was similar to what I have expected. But I still think I got something from there and it is worth to spend sometimes to know more about the advertising method of travel agent. Haha...

New Job Appointment

I was transferred to another section today. Although my job title was changed, all terms and salary were remain unchanged. This is the third time the company offer an under-paid position to me. However, this also let me feel better if I leave it in short future. I really think I have to work harder in job hunting and escape from current company.

05-Feb-05 九龍寨城公園