黑白相

甜品

南風的香港

下水禮 + 釣墨魚

尋日終於去左九龍公園游水
去到主池無開又勁多人
已經唔係好識游
睇黎要游返多d先得
(仲收到盒白之戀人做手信添)

尋晚仲去左釣墨魚
成個海都無乜收鑊(包括周圍既船)
我地條船諗住走果時都只係得4條
不過船家一開始煮我地就釣多4條
所以成船27個人分左8條墨魚...
(雖然應該唔叫釣，但係唔識打...)

喜訊

今日收到分別兩個朋友既結婚相
完全感受到佢地既喜悅
祝佢地同佢地既另一半永遠都開開心心

品香樓

尋晚去左好耐無去既品香樓
d野食都仲好好食
食左京都骨、大蝦伊麵、皇帝菜、西蘭花再送雞翼
埋單都只係每人60
正！

今日上藍卡堂
竟然有一號剎手教
結果有四份一人都訓左...

Sammi Concert

今晚去左睇Sammi演唱會

有時會有好多和音

都有幾個唔同既主題同服飾

但係感覺上都係比較商業

23:20完果時開晒燈都有一大班人唔願走

好無賴...

輕鬆

好耐都無同大佬食飯
今晚好開心咁去左「翡翠」食野
食完仲去「麻房」食雪糕
好輕鬆好開心

今日雖然大市微升
但係大部份細價股都跌
咁樣跌一跌又無左二千幾
哈哈...

補回

尋晚太多野要post
唔記得左仲有野...


星期一上堂都無講乜
主要講菲林沖晒有
1,顯影 2,急制 3,定影
仲有逼沖係將六分半鐘顯影時間加長
加一分鐘相等於高 100 ISO
不過會多左微粒

落堂仲見到有中大學生報係街頭發表意見

呢次個「情色版」事件唔知攪幾耐


仲有就係尋日一早返去見到有個spam mail
話有隻93會係呢個星期勁升133%
退住開黎睇個市價又真係似頭似路
但係無業績股價又飄忽
所以無買
點知收市勁升180%
但係同朋友講
「比我收多次類似既野都唔會買！」
因為無理據風險太多
可能有人係做條計出黎升股價！


如來公司仲有唔少人收到類似email

Long Time No See

好似好耐都無寫過野

主要係因為上星期太多特別野

自已都無心機做任何野

黑暗期過去... 希望以都好d啦

連續兩個星期日係屋企睇蜘蛛俠

今晚終於去左睇第三集

整體上都覺得唔錯
雖然個故事唔係好完整
e.g.好突然咁加左個馬高、沙人突然要求人地明白佢
仲有就係個故事簡介... 係錯既！

(等我加返之前幾日既野先)

外影

今日去左外影
今次係上中班第二次
不過自已第一次去
果model笑得好開心
仲有一個小朋友
所以影左比較多相
當然仲有我最鐘意既風景相啦！

d相仲未有時間整
所以相簿要遲d先有...
http://picasaweb.google.com.tw/mmcity/070513

家輝結婚

今晚去左家輝婚宴
都有4圍HIT人
原來都有成10個人過左去做
呢兩年真係太多人走
唔知不久將來仲有幾多...

添馬艦

今晚同小汶預祝生日

去唱k之前經過九龍公園

原來仲有455日北京奧運就開始喇！

順路睇下個添馬艦發展設計方案展覽

http://www.tamar.gov.hk/

自已覺得帆船珍珠設計外觀最特別

跟住仲可以試左個好特別既蛋糕...

上堂

今日係尾二既堂
都無乜講過野
最主要都只係睇阿sir既相
講左少少動態攝影
1,pan鏡時要於主體越過相機前完成曝光
2,要用手動對焦對主體將會到相機的最近距離
3,暗背景
4,使用單腳架

Router

呢兩日都比自己輕鬆一d
尋晚去左買router
終於可以幫自己部nds同wii上網
仲可以唔洗成日開電腦先share到internet比第二部電腦
不過佢認唔到個mobile harddisk
可能要買多個harddisk case

文軒仲買左部wii
而改改埋機另加一對手制都只係2350
比我買果時平好多呀...

夜攝

前晚去左夜攝

阿sir示範左「拉爆」、「飄移」、「電筒相」

以前可能都有試過玩

但係今次有人示範好似好d

跟住好好彩咁見到某大廈無開燈

所以影左張好靚既鐘樓相

呢排都比較唔夠訓

竟然有封信放左係枱面3日先開...

旅行相

尋晚仲趕工整埋d旅行相
攪到今日勁眼訓

http://picasaweb.google.com.tw/mmcity/070409Munich


http://picasaweb.google.com.tw/mmcity/070411London

由4046變到3362張
其實有d仲想delete...

今日同老闆開會
比佢問完野就哦左一輪
不過諗返轉頭都真係要努力d
近呢半年好似浪費左好多時間咁

今晚上堂阿sir又講返鐘頭
-微距：成像與實物大小一樣
-近攝：實物距離短於焦距
-構圖：
1, 黃金分割 - 相片瀏程於四點開始
2, 圖形 - 形成對比
3, 顏色 - 突出主體
4, 層次 - 表現空間

南丫島

今日去左南丫島行下

食左個好豐富既午餐

由榕樹灣行到去索罟灣就走

原來風車發電係係榕樹灣

無行過去就走左添...

跟住仲買埋ndsl

以後就可以一班人玩賽車喇 :)

旅行相

尋晚終於整下去旅行既相上網

http://picasaweb.google.com.tw/mmcity/070331Holland

http://picasaweb.google.com.tw/mmcity/070404Berlin

http://picasaweb.google.com.tw/mmcity/070406Praha

http://picasaweb.google.com.tw/mmcity/070408Rothenburg

但係都仲有慕尼黑同倫敦既相未攪掂

都仲要要努力少少

今日中信上牌

開市21%收市14%

比我想像中少

不過可以持一持、等一等

運動

今晚去跑返步

成四個星期無跑

跑少左都好攰...

之後去左德福食野

其實德福都好多時有特別野

荷里活

今晚去左荷里活睇「攪乜鬼大制作」

之前未睇過「攪乜鬼...」

諗住得個笑字

睇完覺得真係超勁無聊

諗諗下其實鑽石山都幾好住

不過可能幾貴下

上堂

今日上堂大部份時間都係講色溫
好彩都有講下filter
#80A, #80B, #80 代表藍色filter的不同濃度
A最濃而無字母的最淡
最常用有#80(藍)同#85(橙)
偏光鏡與太陽成90度時效果最大
#173係雙色filter e.g. BY, MG, CR
半灰filter可用於反差大的環境

我最想買既filter係半灰
終於明白點解要買半橙加全橙
下次去影相可以試下帶晒所有filter去用

今日仲知道有新同事會係五月頭返工
不過唔明點解會請一個外人返黎
仲要佢之前係trainee...

迎新會

今日去左VPT個迎新會
葉生都係講左一個鐘左右
不過有人整左70個蛋鐽返去食
都真係唔錯喎！

歐洲d相...
仲未攪掂呀...

捐血

今日公司安排左捐血
對上一次捐血係3年前
今次捐血竟然等左成個鐘
跟住用五分鐘就捐左450cc
但係都攪到遲左食飯

今日個市終於跌
都係覺得太高
跌下都好
等我有機會再入下 :)

狂風暴雨

天文台話今日會有「狂風暴雨」

但係個日落果時個天都好清好靚

結果係九點落左45分鐘暴雨

有碼頭仲吹跌左廿幾個箱...

上堂

旅行返黎見到個市升得咁勁
今朝就放左隻諗住長持既股票
今次既收益都有26.8%
向今年既目標前進左一大步

今晚上堂主要都係講下星期四晚外影既野
影人像：
影內心唔係影外表
Zoom爆：
係轉之前同之後用黑咭係防止手震
要事先留意長焦距時成像會否超出構圖
濛鬆：
同樣利用黑咭取得兩次曝光
一次對焦清楚、一次盡量out-focus並加filter
如加人像要在近焦距時對焦清楚並用閃燈補光

返來囉！

今晚終於係歐洲之旅返屋企
原來香港真係美食天堂、購物天堂...
香港有好多地方都做得好好
地方指示、各通服務效率、大部份店舖等等

荷蘭
阿姆斯特丹太多旅客
花展同風車村都好舒服
空氣好、d人都算好

德國
慕尼黑比柏林繁榮、貴、商業化
柏林既感覺比較自在
交通指示都算清楚

捷克
物價同香港差唔多
布拉格好多旅客
風景同建築物真係好靚

英國
英國人禮貌較好
白金漢宮換兵比大英博物館更吸引
英國人好鐘意睇戲同話劇

整體歐洲
飲用水係一種飲品所以要錢
夏季日照好長 (八點先日落)
好乾燥
好貴
太過商業、完全諗住搵旅客錢
外國都有好多無禮貌既人

出發

今日係中山返黎
今晚就出發喇！
15號再見！

慎言

尋日借左支sigma比同事
今日攞返發現鏡身花左少少
都係自己之前太多說話
攪到有咁既結果

聽日原本可以放假去做陪審團
但係無案件需要判
所以又要等下一次
聽日又要返工...

尋晚上堂講左
光線分類：1,直射 2,反射 3,穿透
五合一反光板用途
白平衡運用：日光偏藍-WB加黃 烏絲燈偏黃-WB加藍 光管偏綠-WB加陽紅

HIT Family Day

今日係公司既 family day

之前比人叫左去幫手攪義賣

前兩日有重感冒

尋晚仲要去飲

今日叫做好返少少就去幫手

好似條氣管有少少問題

都係要休養多d...

今日既消情都唔錯

比想像中既好

聽日家姐就去旅行

都係要多d留係屋企好

飲宴

今日Hazel結婚

冒感訓左十個鐘就出發去觀禮

影左d相跟住就去左酒樓

有d後悔無返屋企

呆等左四個鐘就開始影下相

睇下人地玩

結果差唔多成九點先開始上菜...

可能四十圍等人要咁耐掛

成十一點先散席

環球嘉年華

今日去左添馬艦既環球嘉年華

一早去到唔算多人

但係兩點開始就好多人

玩左佢連既所有代幣

竟然一個公仔都中唔到

哈哈...

個摩天輪比係屋企想像既細

玩滑梯玩到pat pat好痛

係摩天輪上面影左張會展

香港花卉展覽2007

今日收工去左維園花展影相

去到d雨落得好密

相機濕晒

哈哈...

同上年一樣都係落雨

不過感覺上今年既花比上年靚

仲遇到兩個同事

其他相可以去睇睇

http://picasaweb.google.com.tw/mmcity/0703172007

三重芝心

尋晚去跑步
因為潮濕同田徑訓練關係
跑既時間比以往少一半
但係所流既比以往多兩倍...

之後去左再食三重芝心Pizza
問左d餐之後
有個好有禮貌既人落單之後自我介紹
所以即刻攞份問卷黎填左佢個名
後來埋單之後
有個助理經理走黎話落單果個係佢地經理
仲叫我地如果覺得好的話可以打電話去讚佢地
哈哈...

門徒

今晚去左睇門徒

套戲比想像中無咁好睇

主要帶出「空虛」、錯事好難返轉頭既感覺

但係節奏較慢

中山

上個星期四至六又去左中山幫手攪野
今年攪既
人腳唔同晒、包裝唔同晒、重點唔同晒、感覺唔同晒
無左一齊辛苦做好佢、比心機做好d既感覺
所以覺得好求其

今晚上第二堂
發覺四次戶外活動有兩次係去旅行既時候攪
攪到我參加唔到
仲有洪聖活動既孔明燈同水燈都無緣參與
好慘...

今晚講左...
光圈控制光線量控制景深
快門控制光時間控制動感
感光速度影響雜訊同反差
焦距 + 光圈 + 攝距 可以控學景深
相片要... 緊湊、表現立體感、最好有回應

上堂

今日再開始上攝影堂
感覺都幾好

講左藝術照片要有 (1)主題/訊息 (2)創作性
提返 0EV係指 F1,1s,ISO100既情況
仲講返互易定律係要係1/10~1/1000先成立
否則會 (1)曝光不足 (2)偏色 (可能係偏黃)

下堂要帶d相返去

今日個市又好似上星期四咁大跌
上次大跌之後只係入左一隻
呢隻又唔會怕佢執
所以會暫時會持有一段時間先

仲收到件想買左一排既外套
:)

元宵

近幾年都幾鐘意元宵
因為可以點算一下新年的「收獲」
今年既點算結果係...
100 x 2
50 x 6
20 x 75
10 x 47

都收左126封利是
雖然無前年咁多封
但係己經好開心


今晚仲去左朋友屋企打邊爐順便收喜帖
今年都算幾多人結婚 :)

青山醫院 + 元宵花燈

今日第一次去青山醫院幫人影相

雖然好遠

但感覺上環境都幾靚

跟住搭車出返市區時見到好靚既景又影左d相

跟住去左高山劇場影年宵花燈

今次第一次去影花燈

無帶腳架所以都唔算影得好...

如果想睇多d

可以去下面條 URL 去睇

http://picasaweb.google.com.tw/mmcity/070303

大跌市

今日一開市就大跌七百幾點
之前買果隻跌到比起買入時既 -13.5%
之後set左 -8.7%沽出

雖然後來返埋位見佢升回到去 -3.8%
都唔緊要啦

叫做第一次蝕
雖然蝕唔少
但係叫做有體驗都算有得著
哈哈...

EQ

今日去左上EQ堂

雖然都好吹水

但係都提左D有用既野

有自我讚賞、欣賞別人、信任、冒險精神、「自言」概念

今晚終於睇左「翻生侏羅館」

都有提過毅力、信任、協力

好輕鬆都幾好睇

慶功宴

尋日朝早已經唔係好舒服所以遲左返工

夜晚仲要去食感謝晚宴既慶功宴

食野都唔算好貴

可以試到室內炭爐火煱都幾好

d醬料好特別

d野食好新鮮

開工

終於放完農曆年假期
前晚玩到四點幾
訓左四個幾鐘又出去拜年
尋晚又玩到成十一點幾先返屋企
今日拖住勁攰既身軀返工
不過今年好似幾好
第一日就有72封
可能可以回復100以上既記錄

豬年快樂！

踏入子時
祝大家豬年身體健康！事事順景！
恭喜發財！

掛號

尋晚返到屋企
見到封政府信都覺得不妙
點知真係好似之前發夢咁要去做陪審員
攪到個三月好似好多野攪咁...

尋晚去左會展同維園年宵
會展果個就真係無乜野睇
維園果個又真係好多好多人
結果「行」左三分之一左右就走左
其係係比人推
. ."

年廿八

今晚年廿八要洗邋遢
不過去左剪頭髮同買糖果
所以只係草草咁清理左枱面就算
真係要搵時間洗理一下屋企先得

今日終於有機會埋位沽上個星期買果隻野
點知一睇佢竟然比入果時升左 32.5%
比我目標既 10% 多好多
希望豬年可以令果d錢升值一倍

團年飯

今晚AC尼爾森團年飯
唔經唔覺一家人識左8年幾
年底仲有人預計結婚
咁今年就係第四個喜事喇
:)

路過

今日路過商場

見到呢兩位人兄

佢地都好多fans

都見到「我們相愛六年」啦！

清潔

尋晚去左同事既生日k

主題係「我們相識六個月」

好多twins既poster同相

唱到十點就一大班人仲去左飲野

結果比人圍

飲到兩點半先走

今日下午比老闆叫左去參加義工清潔

係幾唔夠訓既情況底下

幫人抹窗抹到隻手軟晒

跟住就去左睇人地之前去左苗圃行動既相

仲搭左好耐都無搭既電車兩次

又搭船去尖沙咀

重臨最出點

今日有機會重臨岸吊最出點

去左104機 boom 咀影左張相

跟住仲第一次上 A 字架頂

仲高過福祿壽頂呀！

尋晚見隻野跌到入貨價有d擔心

今日又升返6%

幾好...

救救地球

前兩日有幾則關於生態既新聞
「有專家指地球生態已受破壞，而家已經無可保救」
「特區政府相信地球還有轉好機會」
「有人於網上發放阿馬遜淘金資料，令原始森林生態受到嚴重破壞」
即使相信無可保救
盡力減輕總比放棄好吧
公民教育比相育還有用吧
但... 總有自私既人令世界失衡

今晚係升降機聽到：
母指住三角形問：「呢個係乜野？」
子答：「triangle」
母指住正方形問：「呢個係乜野？」
子答：「square」
母指住半圓形問：「呢個係乜野？」
子無回答
母再講：「加多一半呀！」
我心諗... 佢想個小朋友答乜？semi-circle？幾歲既小朋友真係識呢個字？
個小朋友都係唔識答
跟住個阿媽話：「咪circle囉！」

我即刻笑左出黎
唔通個阿媽真係以係個仔係佢肚條蟲？

Upgrade

今日終於upgrade一下
用下新verions既blogger
仲入埋朋友既blog做controbutor
可以睇多d投資既野

尋日恒指大跌三百幾
今朝入左隻毫股
而家升左2.4%
希望佢可以升到15%

wide angle昂平 + 心經簡林

今日扲住部機仔再去昂平360
今次既主題係wide angle連相
仲有就係去次無去既心經簡林
其實花45分鐘既心經簡林真係值得一去
仲有終於試過係大澳搭船仔




相睇多幾張相可以去
http://picasaweb.google.com.tw/mmcity/070128

打邊爐

今晚去左旺角「梨和圓」食野
原本都係諗住打邊爐
咁去到就話兩食
點知打邊爐d野又唔多款
d野又唔好食
日韓燒d野食都唔係好得
整體黎講果度d野食唔算好食
仲有係韓燒同火鍋係唔可以一次過食
如果唔係兩頭都唔到岸

六樓飯

今晚去左同六樓d人食飯
好似好耐都無join佢地
遲d唔知仲有無機會
究竟係咪離開左呢間公司會多d機會呢？

竟然有人幫我win左100，哈哈...