凱悅Tea Buffet + 純美新娘攝影

今日下午約左小汶佢地食Tea Buffet

之前係網上既評語唔算太好

但係食落都算ok

不過如果多d款會吸引d

去既途中經過土瓜灣意外現場

Cafe既裝修都幾relax

味道唔錯既熱食

之後去左金都「純美新娘」join左全日攝影錄影

乜野禮品都唔要只要平

結果4960定左「阿雷」同「Pat姐」

又攪掂多一樣野

VPT新春聯歡

今日收工去左VPT一年一度既新春聯歡

已經無交待過任何葉Sir既野

不過佢都送左d禮物比我地

今年都算幾好彩咁抽到張8GB既SD咭

意外

今日下午開會既時候聽到呢個新聞

簡直係唔敢相信會係香港發生d咁既意外

久唔久搭車都會經過

雖然覺得佢好舊

但係都唔覺會咁樣...

飯團 - 團年

今晚去左LKF既Favaca食飯

原本都只係得9個人覆可以到

點知埋尾都只係得7個人

但係今次既感覺都唔錯

可能較少人所以個個都可以一齊講同一個話題

個頭盆既螺同生豪好鮮好好味

呢個甜品好正... 個香蕉pancake同朱古力勁好味

好多謝Woody教左d分生豪既方法

仲有飲紅酒方式

港大

今日同Tracy去港大影畢業相

好耐都無去過港大

其實去既次數應該唔過十次

感覺都仲好有書卷味

領導Wedding

今晚去左領導婚宴

第一次參加只係男家請既飲宴

都見返某部份既舊同事

又係一次小型舊生會咁

補食飯

今晚同Hazel補食返餐飯

講開其實父母對自己子女真係好緊張

收工都好想快d返去睇睇

小朋友亦都係一個家庭既話題

真係好似以前咁諗

話題會由工作-投資-小朋友咁改變 :P

業主委員會

今晚大廈重選業主委員

唔知頭唔知路咁諗住去睇下

原來戶數只有264不過業權有成5304份

計埋我都只係得4個人出席 . ."

有二個大代表分別代表44戶及14戶

所以己經有成60戶22.8%業權夠人數開會

個主席話呢種業主委員會唔同立案法團無乜話事權

亦唔似一d受薪委員

所以每橦大廈都唔太多人出席

今晚仲見到dcfever介紹點樣叫model擺甫士

有興趣可以去睇睇

http://www.dcfever.com/news/readnews.php?id=3694

運動

好耐都無乜點做運動

今晚去左跑下步

體力退至只可以跑7個圈

要做多d運動練返好個身體

都算幾多人去跑喎

電腦節 + Austin Birthday

今朝去左長沙灣遊樂場行下電腦節

今次比以往係腦場外面好行好多

不過行到1點左右都會好多人

感覺上唔係特別平好多

買左個無線keyboard+mouse同usb喇叭

價錢同我係觀塘見到既一樣

之後返左去淘大玩

今次係食飯之前先食蛋糕

又食多次75度蛋糕

真係好好味

夜晚就去左以前牛下既「金利來」食飯

佢搬左去megabox附近仲改埋名叫「利來」

有埋七人專車係淘大接送都幾好

Woody Wedding

今日收工去左中環2號碼頭伊甸園參與Woody既婚禮

第一次去呢個場

原來佢可以serve食野

不過佢個証婚場地大背光

帶機仔無外閃比較難影

Management Seminar

今年既Seminar比以往更簡單

簡單到可以話有少少花時間

全日最有用既presentation只有朝早個一個鐘多d

跟住就係一d無結論又無take away既吹水

下午既小組活動亦係無結論

真係覺得佢半日都夠

仲有既係... 第一次覺得seminar既野食唔好食到食唔飽

九龍灣展貿中心既野係真係幾唔得

返屋企果時見到近期難得既藍天白雲

整理相片

今日留左係屋企整理下d相

上次去南丫島既相都攪掂

http://picasaweb.google.com/mmcity/100106#

有時跟下人去影相都幾好

可以比人既熱誠感染下影返多d相

之前去灣仔影既相都整理好

http://picasaweb.google.com/mmcity/091213#

不過都係尖沙咀既相變化多少少

http://picasaweb.google.com/mmcity/091218#

另外... 結婚當日既攝影

見到攝影義工結婚相都影得幾好

都可能會搵佢地幫手影

第三堂輔導

今晚上第三堂輔導

主要講「原生家庭」

尋晚睇新聞先見到「誠哥」話九成人有人工加

大家都只可以覺得自己係果一成人

或是佢只係講母公司所以子公司唔包？

不過最突然既係... 公司今日竟然又派信送走一班人

南丫島

今日原本諗住同班同事去南丫島影下相

結果天氣唔算好所以當左去行山加食飯

之後仲去左採阿良

見佢面色較蒼白

可能之前全身麻醉令佢心氣運行無咁好所以咁

Avatar

今晚收工去左睇Avatar

雖然都係有好多「卡通」成份

都算幾好睇

不過3D眼鏡太重喇...

飯聚

今晚同Alan去左荃灣「意粉屋」食飯

原來Ada改左名叫Wilkie

佢地都預大約十月結婚

上星期六去左工展會

覺得果度d野唔特別平

同平時買特價野既價錢差唔多

所以只係買左少少野就算

Happy New Year - Ronald House Warming

祝大家新年快樂！

身體健康！

今日去左Ronald屋企玩

尋晚無買到咖啡機

攪到今日買貴左10%真係唔好意思

去到Ronald屋企真係幾大

個廚房都好大

三國殺既新Expansion好好玩

好耐都無既肥King都有到

仲買左個斑蘭蛋糕請大家食

終於都試到喇 :)

無我想像中咁好食

除夕

今朝返工個個team都比老闆丙

成日都好似無做過野咁不繼補鑊...

今晚雖然係除夕

但係之前實在訓到太少太攰

所以只係行左一陣就返屋企睇電視倒數

仲食左龍島朱古力片

飯團Christmas Party (補回)

今年飯團聖誕餐係灣仔S.A.E食日式私房菜

Dodo、Woody、Sidney比大左好多心機攪活動

有「調轉講」、「飛機師+雞仔」、「Pictonary+Actionary」玩

d野食仲好好味

阿Sum Wedding (補回)

今晚收工去左尖沙咀「百樂門」參加阿Sum既婚宴

順便影下尖東燈飾

不過間酒樓既服務真係一般

佢地既禮物都幾得意

派帖果陣阿sum仲話想攪下場

婚宴敬酒同送客果時都仲講話要留低飲

結果成班人等到12點

不過Pauline醉左

所以都只係影多幾張相同飲左一杯

跟住就一班影下相飲下野攪到12點9先走

結果仲遲過之前小汶結婚果次先走...

模型

今晚原本約左Hazel食飯

但係天氣實在太凍

都係另訂日子好d

終於砌好個模型

但係個燈泡都係唔著

攪唔掂...

今日仲知道左有個同事過左身

今年都有好多人身體有d問題

希望大家身體健康

聖誕快樂！

呢幾日都好少坐係電腦前面超過15分鐘

補返呢幾日d野先

24/Dec

收工就去左「元氣」拎之前訂左既壽司

跟住就去小汶屋企食

8個人要食10個人既份量

個個都好飽咁走

仲有Italian Tomato既聖誕蛋糕

之後仲玩埋大富翁先走

今年收到既聖誕禮物 :)

25/Dec

朝早跟人去左聽野

食埋飯打左一陣藍球

跟住就一班朋友返屋企玩

分別玩左Monopoly Express、Monopoly Deal、三國殺

仲係樓下食任食火煱

每位107

26/Dec

第一次去間咁大既屋玩

二千幾呎有五房兩套廁另加兩廁

一大班人分開玩Monopoly Deal、大格鬥、Pictionary

之後玩到抽奬金太開心嘈到比人投訴

令屋主比人話真係勁唔好意思

27Dec

中午去左+0屋企食野同坐下

原來大埔跟火車站都可以有呢個價錢既村屋

雖然細少少

但係都唔錯

呆滯

今日成日都好呆滯

呆呆滯滯咁買左好多朱古力請人食

感冒

尋日一起身就覺得個鼻勁辛苦

中午食埋飯就食藥訓左陣

結果今朝起身都仲係咁

睇完醫生都係要勁訓先得

好彩老闆出trip可以輕鬆返兩日

尋日ronald借左d新Wii game比我抄

有Super Mario Boss Wii, Mario and Sonic Olympic Winter Game, Virtual Tennis 2009

有興趣可以一齊坃

尋晚仲去左打一陣波

因為天氣凍所以有好多人都無到

約廿個到11個，勁！

尖沙咀夜攝

今晚收工去左上第二堂既「婚前輔導」

只係一個鐘多少少

輕輕鬆鬆就過左3分1

食完野就去尖沙咀join返文軒佢地影相

第一次去1881影相

超勁多人

海港城既花仙子都幾得意

可以去睇多幾張

http://picasaweb.google.com/mmcity/091218

睇相

今晚收工去左睇pre-wedding相

發現好多post都差唔多

所以係影樓同香港選20-30張都可以

應該唔洗點加相

之後去左「正壽司」食晚飯

原來佢地做到25號就唔做

入到去同一年前既感覺差好遠

d人無乜服務

d野食縮水

最後一個月既水平真係差

IE飯局

今朝唔記得幫電話換電

攪到中午就已經無電話用

今晚同IE同學去左奧海城食飯收帖

連帖都有分別

到而家對唔同人都係咁有分別

見到今年顆聖誕樹好似簡單左好多

睇黎商場都要cut cost

入邊個台都簡單少少

Ada生日飯

今晚同Ada補食返生日飯

大家都講返可以keep到咁耐既朋友都好少

唸返真係一個小學朋友都無再聯絡...

有好多台灣既手信

會展

今日又去左會展睇展覽

買左兩本頪似Apple同富士既相簿

遲d花d時間整下先

之後係會展附近影下相

不過都幾大煙霧

返到屋企見到d相先發現d相有塵點

應該係ccd有塵

好彩今次唔係影左好多相

東亞運籃球Final

今日攞左日假去支持香港主辦既東亞運

一去到睇到女子季軍賽剩下7分鐘

比數係南韓48:75日本

點知南韓手風好順勁追

結果最後係77:86

只係7分鐘就追到呢個地步

勁精彩

之後既中國對日本

中國代表得個高字

無組織無傳球亦好少籃板球

成場都好悶

感覺連二隊都不如

好彩都有日本隊入樽睇下

跟住既女子金牌賽

中國隊表現好過男子好多好多

有快攻、組織攻勢、個人技術

最後一場真係精華所在

之前睇南韓既分數場場都過百

親眼睇佢地既速度真係好快

比人入完波旁述都未講完就已經入返台北波

2個速度勁快既球員竟然個人獨取29同27分

不過高度輸晒比台北

全場佢地只係得一個入樽

比賽最後仲變成犯規賽

好似NBA咁緊湊

中場時候東仔同阿妹都會出黎

佢地既表演都幾好睇

有一字馬、倒立、側手翻同後空翻

如心廣場

今晚同ACT食飯

第一次去如心廣場

個外圍好靚好新

但係個商場十室九空

可能係因為啱啱開掛

食飯時候睇到香港隊係完場前幾分鐘失手比北韓追返1比1

返到屋企竟然仲可以係新聞台既角仔見到補時完要射12碼

點知一開始射就廣告

搵左11-16台、81-85台都無得睇個12碼

d免費電視台真係...

定係整個香港傅媒都唔係太重視呢個香港第一次既東亞運呢？

東亞運

收工諗住去跑步

去到運動場竟然因為東亞運借用左所以唔比人用

但係去到只係吉場一個

感覺係... 如果真係有運動員要用

作為香港市民暫時唔用都無所謂

但係如果係因為安排上方便就全部運動場都hold起晒就有點兒那個

係運動場外圍跑左一陣就去左試一試新既滋味蝦堡

Ronald 大日子

今日幫Ronald手做兄弟

比之前做兄弟既經驗輕鬆好多

真係好似佢之前咁講一大班人輕輕鬆鬆咁玩

睇到Ronald好比心機咁為Esther預備左好多野

成日既感覺都好好

「聖瑪加利大堂」好靚

佢地親自設計既裝飾品

經過佢地既大日子

對佢地既認識多左

收到佢地既利是又係呆左一陣

75度比利時朱古力蛋糕

今朝起身食完個豐富早餐後

就著手做諗左好耐既事 -- 洗廁所

個浴屏真係勁污糟

睇黎以後最少都要兩個月洗一次

下午阿神一家到訪

kinkin買左個75度蛋糕上黎

超好食

另外阿神封左封超大既入伙利是

開完之後呆左一陣

Pre-wedding

今日去左影第一次pre-wedding

10點到左影樓

化完妝11點半左右影個半鐘

之後就叫飯盒食

食完仲要等個半鐘先執野

無帶野去做真係悶到傻

4點出發去石板街、中環碼頭同立法局外影

整體感覺比我想像中無咁累

不過真係完全唔知要做乜post

影完先記得未幫個花球影過相

傢俱到齊

之前訂左既書櫃同衣櫃終於送到

書櫃都算唔錯

不過都整花左面牆

個衣櫃就差少少

送貨臨時話唔夠位裝

所以要收多300蚊拆牀板

裝櫃既手工仲要麻麻

個櫃門斜左之餘開閂都有d聲

下午仲去左中大觀禮

個場好大d人又好多

充實的一星期

今個星期都算幾充實

星期一晚去部門組別食飯

星期二晚要頂人去部門飯局

今朝就一早去左「佑靈堂」見牧師

基本上佢都同意借出教堂

又算攪完一件事

之後見時間仲早就去睇早場

最近因無線的「第綠感」

睇多左關於環境既野

雖然套戲唔係講環保

但係唔知全球暖化既結果會點

大家都可以要留意、環保多少少

之後仲想睇既戲有「忍者剌客」(3級) 同「風雲II」

有興趣睇就一齊啦

星期日買左既書櫃同衣櫃

星期一竟然話星期二送貨咁有效率

可惜約左人食飯又要頂人去公司飯

所以收唔到之餘食飯仲要改到星期四

又打唔到波

而家仲要努力做星期五去輔導既功課

整水龍頭 + 收貼 + 買齊傢私

早上約左裝修師父換水龍頭

計埋今次屋企每個有水出既地方都整過

先整洗衣機水龍頭

再整厠所水箱

跟住到廚房水龍頭補膠

今次換廁所面盆水龍頭加企缸補膠

下午Ronald結婚兄弟飯局

去左旺角一間叫POM Cafe既地方

禮貌唔好又限時趕人走

感覺極差

之後去返吉之島買衣櫃、書櫃同書架

終於買齊晒d野