E&M開倉 + 清潔

今日中午去左新蒲崗行下

見到文理門外連安全島都無左

之後去左工廠區睇E&M開倉

去之前都諗緊約唔約埋Ivan

點知去到遇到佢地... 都幾啱

仲知到埋Chris都攪緊結婚

最後睇下買下都買左200蚊野返去

到時可以裝飾下接待枱面

之後返到去仲清潔埋個浴屏

睇黎真係要2、3個月清潔一次

星路歷程 + Cafe TOO

今日食完飯去幫手搬野

跟住就去左尖沙咀睇天象廳節目 - 「星路歷程」

其實原本想睇「史前海怪」多D

但係就唔啱時間

點知呢套又比想像中好喎

之後行多陣就去金鐘等人食自助餐

之前聽朋友講過話Cafe TOO幾好食選擇又多

所以見到有優惠就約人去試下

唔知係咪次輪晚餐既關係

所以無龍蝦仔同長蟹腳

野食都有星級酒店既水準

但係感覺上又唔係太特別

不過都算平... 215一位

Sogo + 屯門 + 荃灣K

今朝連續三日假期

朝早去左睇下電腦相簿既排版

之後就去左Sogo行下

25週年全場有折

不過都係唔想拎所以無買野

中午去左屯門同婆婆飲茶

之後去荃灣睇下金

金價回落小小去到11,xxx

都係時候留意下

晚上約左去唱farewell K

自己買左一打啤酒上去混埋一齊飲

除起上黎都平返少少

不過都要成232一個人

都係星期四

星期一有人話見到天文台預計星期四落雨

所以改約星期三打波

結果星期三落大雨

反而今晚無雨... 可以照打

打完波收到文軒婆婆消息

唔太辛苦都不算太差

部門Farewell

今日下午突然被通知將要去BA接手

竟然係只剩下日半既時間先講

仲要未清楚邊個接返我d野...

今晚部門組別同Sharon食Farewell飯

去左屯門三聖食海鮮

好多野食又好味

先黎一隻燒鵝

再黎油鹽水煮蜆、豉油王煎蝦、豉椒炒聖子

跟住仲有6斤既海斑炒球+蒸頭腩

一人一隻8頭鮑

鹽焗掩仔蟹

下午開始落左好耐大雨

返到屋企見到被清洗完既維港天空

初步慶祝

好耐都無去食壽司

今晚去左「元氣」大食一餐當初步慶祝

跟住仲有食海鮮、自助餐...

葉問2

今朝去左睇「葉問2」

同「葉問」都有笑位、打鬥位、做人道理等

今次多左少少舊香港特色好似以前既貪污同報紙加圖等

無第一次睇既新鮮感但係都算唔錯

APM大型翻新

唔知係咪整大電視睇世界杯呢？

下午就係屋企玩下game

海盜game開始時有新鮮感

但係一局都玩幾耐下

今日都係無去投票

社會太多矛盾同衝突都係唔係咁好

仲要花左我地太多錢

小汶生日飯

上個星期density又高、渡箱又有問題、ITT Platform又唔夠人

所以短週都返左工

今日3樣野都無問題

原本諗住唔返

點知又因為無人返所以要返

唉... 一個部門做黎做去都係果30%既人

真係可以長久？

原本約左去睇電腦相簿設計

又攪到去唔到

收工約左小汶補食生日飯

希望佢隻眼快d好返啦

之後仲去左太古行左一陣

Sony NEX-5 & NEX-3

繼Olympus同Panasonic之後

Sony都出4/3 System既可換鏡DC

仲要一部比一部細部

不過Sony呢部好似細得有少少過左火

加左鏡頭之後有少少「頭大身細」既感覺

NEX-3仲誇張

運動

呢幾日又好似涼返少少

見無落雨就走左去跑下步

對上一次好似係半年前

之前因為太多工作

所以個人成日好似好攰

都係要做返多d運動先可以神精d

荃新天地

中午去左太子食點心

點心唔算特別好味

但係即整幾好

之後去左金都租褂

睇左三間之後

最終都係選左成日參加婚紗展既「榮華」

650都算中下

最重要都係合眼緣

之後仲去左「荃新天地」買「東海堂」八折現金卷

第一次去個中庭都幾大

忙

今日原本係短週休息

但係density太高亦有好多野要跟

所以訓左5個鐘都要返工

下午做義工又臨時提早左45分鐘

攪到無時間食野

影到overrun少少都要走先去食野

可能太攰關係

所以影相都無乜心機

之後去左麥記食野換左隻FIFA杯

返屋企前見到個幾warm幾「開心」既場面

夜晚小汶同阿ming黎開九龍灣

順便講下柬埔寨既資料

仲試下玩隻新海盜game

Farewell Bowl

今晚同IE同學食飯

主要係Farewell即將出發去「以色列」

都約左成17人

同時亦同五月份生日既人食壽桃同蛋糕

五月之星有Mandy、Siuman、同Chi

無下雨的星期四

今日終於無落雨喇

但係都係無去打波

因為原本諗住落雨所以約左去探人

大家都好似睇得好開

但係想得太多反而會負面

希望大家開開心心咁過埋餘下既日子

安心

終於可以係七月前成功安心

朋友請辭後可以確保有足夠收入

年尾肯定可以去旅行

貼紙

今日有時間就係浴室貼返之前買左既貼紙

買左唔係好多

所以只係夠貼少少點綴下

雖然呢兩日天氣好返好多

但係煙霧都算多

打藍球

因為連續幾個星期四都落雨

所以今朝大家都頂唔住波引去打波

結果都係只有6個人

打左兩個鐘就攰到頂唔順

仲要比野咬左30口左右

下午就一班九個人一齊玩三國殺

多人玩都幾好玩

Eat Smart

今日收工前去聽左個talk

主要係因為上次同事話內容幾好

聽完感覺真係唔錯

提左食野次序、份量

又舉出邊類食物較好

仲講埋穴位同特別 keep fit 既運動

好實在

呢幾日突然又有一堆project要做

仲要係忙既日子做... 想做死人咩

九龍城食記

今日去左九龍城食野

首先係好鐘意食既「黃明記」

佢裝修左好似高級左好多

之後去左「豪華餅店」食蛋撻

最後仲去埋「公和荳品廠」食豆花

呢兩日都唔舒服

又多鼻水又勁肚瀉...

考試 + 酒樓

今日收工去石硤尾考MC

比想像中難

可能係因為太耐都考呢d野

之後仲去左深之都探下阿珠

見到深之都都越開越多呢類有關結婚既店舖

夜晚去左觀塘「聘珍樓」影幾張相參考

個樓底應該都有最少13呎

同埋確定到佢既基本佈置都唔錯

所以唔洗整好多野

住家飯

今日有朋友黎食飯

5個人可以煮飯招呼下人(都係要去買外賣餸)

華浩都差唔多要影pre-wedding喇

都係叫佢地當去玩就得

佢仲有興趣學影相

所以都講左d基本野比佢知

第二次team building

今晚部門組別第二次team building

比上一次時間控制好少少

不過都係over-run

「魔王」臨走前既team building其實都有d諷刺

雖然佢抄我之前講既debriefing內容

不過見佢就走算啦

有人講唔洗我講仲好

試新game

今日開左個新game黎試下

個game都算簡單

同埋有好多figures好得意

不過要花幾多時間玩

新大壽

今晚同Joyce、文軒同Ronald去左尖沙咀新大壽食飯

試左佢出名既箱壓壽司

第一口真係腥

但係之後腥味就無左

不過間野d野食都算貴味道算普通

星期六晚都唔算好多人

新玩具

今日第一次去YICT新大樓開會

感覺真係好大好新

但係唔算方便

係舊大樓過去車程都要幾分鐘

部洗衣機個拉門係上星期六爛左

星期一約大昌結果晚上時間要約到今晚

十分鐘換左個拉門收60

唔平

之後仲去左搵傑夫拎玩具

佢留左好多玩具比我

見到都覺得好多

唔怪到佢叫我拎個「喼」去啦

拎到唔好意思

拎返屋企之後勁攰

原來佢遲d要轉行賣貢茶

經過去幫親下佢先

Team Building

今晚組別第一次Team Building

竟然有兩個人都話自己唔會「抽後算賬」

果然係要騙人首先要騙自己

唔知有無人信佢地呢？

今次個Team Building雖然好似唔多Deliverable

又要大家留堂

但係見到一大班同事都玩得幾開心都算唔錯

魔王的下場

今日食飯收到風「魔王」終於要走去YICT

以後既日子終於可以好過d喇

新既阿頭點都應該好過佢

黃埔復活節 3D 立體綠色之旅

前日見到係黃埔有立體畫展出

因為之前只係睇過相

所以今日 (最後一日) 特地去親眼睇一睇

親眼離遠睇既話好似無乜特別

但係去到正面一睇或者影低

感覺完全係兩回事，幾特別

去到黃埔剛好遇到「世界衞生日2010」

係美食坊既蛋

好多人食野經過都無留意

是次展出最大型既南非大瀑布

好多人係度玩、影相

VPT迎新會

今日下午係新一屆VPT既迎新會

由於上年只係有19位義工離開VPT

所以今年新員會比較少

攪到迎新會幹事多過新會員

經過灣仔又有香港舊建築 - 和昌大押 (而家係「祇月」食店)

今次地點改左係灣仔溫莎公爵社會服務大廈

散步

尋晚終於完成晒English Editing Program既功課

可以輕鬆少少

今朝竟然搭唔到公司車 (以往會等到07:02先開)

未到7點望過去有架陽光巴士都覺得奇怪

跑過去差不多到既時候佢竟然開走

無奈咁行去搭小巴先聽到收音機「do」報時7點

搭小巴到葵芳諗住轉小巴

等既時候竟然見到葵芳車

第一次搭葵芳車返工

今晚約左Ada食飯比手信佢

食完飯見仲早就周圍行下

而家先發覺尖沙咀既地下通道己經好方便

睇戲

出發去旅行之前一晚去左睇「歲月神偷」

故事簡單感覺有少少似彩色版既粵語長片

主要關於一d親情同以往現實生活的苦與樂

今晚睇返套舊片「六樓后座2之家屬謝禮」

都係有少少關於親情

成套戲開頭都幾悶但係後尾都算唔錯

Happy Funeral 既概念同「善寧會」有少少相似 - 珍惜現在，積極面對人生

阿珠wedding planning

今日去左深水埗睇下阿珠間舖

見到有d姊妹裙都唔錯

可惜姊妹各有想法

行左半日都未有共識

放假

放左十日假

今日終於有時間整理一下

等我補返之前既野先

返左黎之後... 前日約左玩boardgame

尋晚就同AAA去左唱k慶祝阿朱生日

後日就要返工

好似好快咁

可以咁就好喇

曼谷遊 (補回)

今次去曼谷主要都係去輕鬆幾日

全程都無「一定」

無一定去既地方、一定食既野

只係好輕鬆咁周圍行下買下食下

兩個人只係花左4437

Package反而比較貴花左約7000

出發之前都諗治安無乜大問題

好彩係平日去所以去到都無特別

返到黎第二日原來8大商場都閂門

我地幾日都係係果度行黎行去 . ."

出發前行左去T2影下相

其中一日去左做Treatment

做左個Mononoke V3 (Foot Bath, Body Scrub, Body Pack, Body Massage, Herbal Ball)

半價所以大約HKD500一個人3個鐘

http://www.coranbangkok.com/en/aroma.html

老實講買左唔多野

油麻地警署 (補回)

今日去左油麻地拎特區護照

雖然己經預約

都係要排隊入去拎

好彩早到左20分鐘

所以唔洗點等就可以拎到

之後仲去左油麻地警署影左幾張相先返屋企執野

預備旅行 + 善寧會生命列車 (補回)

今日成日都係屋企睇曼谷既資料

晚上就去左坑口幫手影相

善寧會既生命列車展覽比我想像中大

Dic Wedding (補回)

今日中午去左參加阿Dic既緍姻眾餐

幫手影下相

第一次參加人地既中午眾餐

由於阿Dic之前註冊

所以整個過程只係影相同食野

都算幾輕鬆

祝佢地永遠開開心心！

忙亂

近期都比較忙亂

身體唔算太好

睡眠又唔算好

快d過埋呢兩日就可以放返11日假

終於upload左d花展相

有興趣可以去睇睇

http://picasaweb.google.com/mmcity/1003212010

黎緊要努力多d

花展2010

最近真係幾懶

攪到好似變左週記咁...

星期三起大感冒成個人都呆呆地

幾晚都係早睡早起

星期六原本諗住收工去影相

但係都係太攰無去

今朝十點出發去影

去到十點幾都已經好多人

主題花既感覺一年比一年平凡

太陽花->秋菊->富貴菊

其實路邊都有好多...

對比起以往

今年既花無風吹雨打所以完整d

人... 亦都因為相機普及所以好多普通既野都好多好多人圍住

最近 (補回)

呢排比較多野攪
所以都有一陣子無乜更新

11/Mar (Thu)
收工唔知醒遲左落車
即刻順便拎部電話去整 (前一日開始個display反白)
無電話用既時候往往係最多電話既時候
晚上去左打波 (一陣子無去喇)

12/Mar (Fri)
日頭係公司捐血
原來對上一次係2007既事
夜晚同一班IE同學去唱K
好耐都無唱過K所以有好多歌都未聽過
同時亦好耐無見過一d人
久唔久攪下呢d活動都幾好

14/Mar (Sun)
係淘大搬返去牛頭角住一排
返到屋企要幫自己張牀大掃除

16/Mar (Tue)
午飯前突然覺得感冒
跟住個人就成日都wingwing地...
今晚係第六堂輔導
亦係今年最後一堂
主要講返生活習慣同回顧
下次就係2011年頭既真正最後一堂

第二次 Pre-wedding 相

今日去左澳門影第二次 Pre-wedding 相

事先賣藥同「現代經典」既人講話香港攝影師無教post

所以影既時候攝影師教多左好多post

攝影師影相亦比較有heart

化妝亦比香港好

影完相即睇相 (感覺好實在) 發現比香港既相好好多

無乜out focus相之餘相既變化亦多左

整體黎講好過香港影好多

睇黎遲d選相多數都會係澳門相

係澳門影相既景點都算幾靚

加埋「萊斯酒店」晚餐都好好味

呢個「影、享，世界」都幾好

酒店內景亦比想像中好

Annual Dinner

尋日上Crisis Management

內容都算唔錯

可惜課程組織唔係咁好

所以好多野都吸收唔到

今晚係Annual Dinner

野食比以往差左 (除左個翅好左)

活動同禮物都差左

個主題係中國服

司儀係朱凱婷

拆利是

原本應該十五就拆

但係呢兩晚都多野攪

所以到今晚先拆

今年既數目的確少左好多... 得80封

因為係而家個組別到做左一年

所以避免周圍走無乜去其他組別拜年

另外今年可以話係最後一年收咁多利是

出年仲要派比其他人添

100 x 5

50 x 2

20 x 61

10 x 14

大數都有1960 :)