公司禮物 + 想... 跑步 + 轉按

今日收到公司新「企業文化」吉祥物既禮物

由一個小環保袋送到各同事手

裏面裝左好多野

有水樽、環保袋、利是封、證件繩、座枱月曆、memo紙、筆

都幾誇張

收工諗住唔煮飯去跑步

點知去到遇到一個月有3日既租場... 無得跑

跟住去左KFC食新既「鮮魚柳飽」

比之前m記既日式魚堡無咁好食

去k記都係食雞好

去跑步之前其實仲約左citibank做轉按

雖然要罰錢但係都想搏一搏

而家轉按做Hibor Plan

H+0.8%, Cap P-2.95%

個Cap同我個浮息利率一樣

所以一定唔會輸

不過因為仲係第2年要罰2%

因為都係citibank做轉按

所以佢「好似」比d優惠比我50% off

如果個Hibor無乜點變

一年就可以罰息返本

聖誕禮物

今日返工收返之前飯團交換禮物既收穫

可以係AMC睇戲 :)

小人國大歷險

今日返工好似打仗咁

轉下眼就收工但係仲有野無做...

收工去左睇小人國大歷險3D

故事好簡單咁得個笑字

個3D效果好弱

如果唔係就地方就唔會選3D

放假

今日比自己休息一日訓返多d

有時間執下屋企辦下年貨

買左最鐘意食既曲奇餅同蛋卷

中午仲返左牛頭角執下野

希望係農曆年前執返好少少

返屋企仲見到日落

經過牛下見到個「風車」

雖然係國內會多d呢類野

但係係香港就幾特別

輝仔結婚

今日係輝仔結婚既大日子

六點起身就準備出門口做兄弟

仲有件幾得意既兄弟衫

因為要就吉時9點出門

所以接新娘時間比較緊迫

之後去「皇家太泙洋酒店」時間就變得較充裕

主要負責坐接待處

所以影既相唔多

午餐自助餐之後去左九龍公園影相

影完相就返屋企休息下

仲有時間煮飯食

沙嗲王 + 補禮物

今晚應該返屋企食飯

但因為天氣太凍

所以一家人出左去沙嗲王食晚飯

有紅豆味雪糕做甜品

之後去左APM行下

仲補反份聖誕禮物比太太

APM開始攪農曆年裝飾喇

打邊爐

今晚約左Ronald同Esther去打邊爐

係結婚前已經講不過之前好似無乜時間

所以都要等到今日

不過遲d應該多d機會

去左西灣河興東村$98任食

d野食唔係好突出

但係都唔算差

不過唔記得影d野食

天氣冷

最近天氣都幾冷

攪到周圍好多人氣管都唔舒服

大家都係休息多d補重身體

今晚返左去馬鞍山食飯

新界果然凍好多

都係返屋企暖d

返到屋企仲試埋之前小汶同阿ming去澳洲既手信

好好味！

輝仔婚前再聚飯

今晚收工去左旺角「常悅素食」食飯

今次終於齊兄弟

仲加埋幫手攝影同錄影既朋友 :)

創戰紀

今晚收工同文軒、田少去左旺角嘉和睇「創戰紀」

因為係3D關係所以比較貴要成85

星期二都要75

不過套戲比想像中好睇

雖然故事比較舊 (好多年前既故事再拍)

但係都算緊湊

值得一睇

IE 同學歡聚

今日約左IE同學聚會

先去MCL睇早場「愛情戀上癮」

不過套野都幾悶無乜內容

之後去左夏麵館食午餐

再返屋企玩game

竟然撰左「三國殺」

玩左一舖就轉玩「Monopoly Deal」

玩兩舖又轉玩Pictionary

最後竟然大家都去到終點

不過都係算左

玩完去左得寶食晚餐

不過間野d野食唔算特別好味

所以下次未必會再去

Gundam Expo + Andy Concert

今日成日留係屋企清潔

夜晚就返左屋企食飯

之後去左紅館睇劉華演唱會

見睇之前人仲有少少時間

所以去睇埋個高達展

大會預備左星型閃燈比人玩

個演唱會簡簡單單

不過劉華係咁扮型

好似過火左d

嘉賓有好攪笑既吳君如同唱歌好勁既林子祥

除夕

今日大除夕

老闆竟然可以放假

真係比以前馬生差好遠

好難令人賣命做野

收工等埋太太就去左堅堅屋企打邊爐

佢地屋企整得好靚好trendy

不過我都係鐘意warm既感覺

今次唔算好多人

可能遲d先攪house warming

我地就送左套杯比佢地

祝大家新年快樂！

聖誕節

好快就過左個聖誕節

今晚同 Rita & Eunice 係別府食飯

之後仲去左買果汁飲

有d時間update返呢兩個星期既事

飯團Christmas Party (補回)

今晚收工去左銅鑼灣「Meet Lobo」攪飯團Christmas Party

今次比較貴要338+10%

不過收埋禮物同抽獎費

要成405-495一個人

個成地都唔大

17個人唔多地方玩遊戲

個羊架好好味

個大奬($351)由Karen抽中

佢加埋Jo同CP仲成為下年既攪手

返到屋企睇email見到紅十字send左個email黎叫人捐血

而家好似欠O同A型血

不過最近唔係好夠訓所以都係遲d先去

http://www5.ha.org.hk/rcbts/

花鳥蟲魚展 + AAA Christmas Party (補回)

今朝起身去左睇早場 (其實都係10:50)

「借東西的小矮人-亞莉亞蒂」

故事比之前既宮崎駿故仔簡單同短

之後去左粉嶺火車站旁睇「花鳥蟲魚」展

不過由於太多人

所以無排隊睇左一陣就走

下午去左p仔屋企開christmas party

一班人玩下Q版三國殺、牛頭王、黑幫

嘻嘻哈哈玩左晚

今次現金大抽獎由太太中左 :)

CC Band 10 週年音樂會 (補回)

今朝去左教會聽野同睇人洗禮

中午同華浩&魚返左別府食飯

見佢地間屋進展良好

遲d有機會去睇下先

下午就去左睇電話plan

結果都係唔想比違約費

所以都係等個約完左先買電話轉新plan

夜晚就去左聽文理管樂團表演

感覺好舒服

不過就唔多熟識既面孔

Christmas Party @ 文軒&Hugo Home (補回)

今朝起身拎埋個「德國寶」同PS3 Move做禮物

就出發去左文軒屋企玩

(不過送車尾又塞左一陣車所以遲到)

同文軒隻狗玩又一陣

試完PS3 Move既game又等埋肥king就去Hugo屋企

Kinect比想像中有趣

一班人玩下運動會好攪笑

不過需要既地方實在太大

唔係好多人有咁多空間

之後玩左等三國殺就夠鐘走lu

Christmas Party @ 草屋 (補回)

今晚收工去左阿may同阿草屋企參加christmas party

差不多有20個人

打邊爐、交換禮物、三國殺

一班人有講有笑就12點幾

(出門口太急無帶相機所以無相)

冬至 (補回)

今晚收工返左屋企接爸爸去左PizzaHut食野

可以一試新野「帶子火山批」

呢個批幾好食

有機會再食多次先

太太唔舒服仲無返工...

聖誕禮物

今日收工去左買聖誕禮物

出發之前第一次去食「板前」

d野無特別又唔平服務亦唔算好

總之感覺就差

最終買左大部份禮物

但係都仲欠幾份

所以要搵時間再出去買

仲買左份比自己

休息 + 影夜景

今日終於可以休息返日

好耐無試過訓到成1點半先起身

訓返12個鐘

起身之後都係執下屋同執下電腦d相

入夜就出去同文軒佢地去影相

先去1881

但係太多太多人

所以影左唔係好多

之後去左海港城

但係覺得今年唔係太靚

所以影左幾張就走左

之後仲去埋海旁影

不過太大煙霞喇...

Ivan Wedding

今日係Genie同Ivan既大喜日子

幫手做兄弟所以8點就要到旺角朗豪酒店接新娘

早到20分鐘結果都係要等到8點3先齊人

由於over-run關係

我地都唔洗點玩遊戲

所以都追得返個schedule

去埋深井男家之後

中午去到左黃金海岸遊艇會行禮

可以見到Genie之前安排既華麗細節

行完禮之後新人原本諗住去果欄影相

但係遇上大塞車所以都係取消左

晚上到米芝蓮二星餐廳「明閣」

回禮禮物亦好花心機

我都有分排好佢地o架

因為取消左下午攝影

所以都有足夠時間同全部18既圍賓客影相

自己既感覺得新人好有心機去預備細節既裝飾

亦花好多時間去令婚禮感覺高貴典雅

少少可惜既係令到自己太攰

所以當日唔算太自然

仲有少少「商業化」既味道

花紅

今日公司派信出花紅

成間公司都充滿開心氣氛

今年比上年好

好多同事都有得加薪 (當然亦已經加左好多好多辛)

平均好似都有4%

自己都意外地加左少少

花紅預計都比上年多少少

不過都係分兩次出

一月底先出晒

Anita Wedding

今晚係Anita返香港擺酒既日子

雖然8圍唔算好多

但係都見到anita花左心思係安排度

可惜既係雖然只得8圍

但係都無乜機會同佢影好多相

亦都無機會講到野

Controller Seminar

星期一部門食飯

但係因為太攰又唔舒服夜晚又停電

所以都無參加收工就返屋企

星期二就去左同阿Ben食飯

今次見佢比上次更瘦

不過好彩佢有返d胃口

希望佢食返多d野健康返d

今日係controller seminar

呢次係第一次只係HIT攪所以得8枱

仲要outsource左好多部份

同以前分別好大

禮物亦因為今年既復甦豐富左

夜晚仲安排左表演

Emily & Alan Wedding

今日係Emily同Alan既大日子

中午係屋企食埋野就出發去「以馬內利浸信會」幫手

佢地既程序係買紙黎印

都幾靚

過程比預期中長

所以影相時間唔算好多

夜晚就要全力幫手做統籌

成晚真係比想像中忙

over-run得好利害

所以差不多無時間影相

好彩最後都有時間對對新人影兩張

聖誕氣氛

今日放埋最尾果日大假

所以朝早有時間就去左做service

因為之前攪結婚野

所以都差唔多半年無做過義工

今次係去探訪獨居老人

感覺都幾開心

今年經濟好轉

所以好多商場都放多左錢去攪聖誕裝飾

淘大都多左d燈飾

原來仲有地質公園同剪紙展覽

今晚仲約左Rainbow公司黎示範佢地既除塵清潔器

好似都好用但係價錢要2萬蚊

對一般人黎講都太貴喇

所以我都無買

可以叫佢幫我清潔一次張牀褥都好

都填左其他朋友既名

都可以睇一睇個示範知多樣野

Ada生日飯 + 聖誕裝飾

今晚同Ada補祝生日食飯

原來意粉屋會員生日有75折都幾抵

仲收到佢去台灣既手信

返屋企仲有時間整埋聖誕裝飾

聖誕又到喇！

晚餐

今晚試下用個焗爐

焗左雞翼、香腸、豬柳

仲炒左個菜食

下次試下焗魚柳

放假

今日終於可以休息返一日

可以執下屋

清潔下個浴室

返下屋企食飯

寫返之前幾日發生既事

整理下d旅行相

阿鼻生日飯 (補回)

今朝大老闆又係10點幾先返

11點10先黎睇個局

攪到Perry同我又走唔到...

之後去左沙田同阿鼻食生日下午茶

之後仲見到有人試玩Kinect

夜晚去左吉之島行下

結果買左成200蚊野返去

Ivan兄弟姊妹飯 (補回)

今晚去左尖沙咀上海老正興食飯

班姊妹睇黎辣好多

班兄弟個個都好和善

睇黎當天都幾大鑊

另外Ivan暫時既安排都較特別

攝影crew有4個

化妝crew有3個

仲係安排坐私家車

所以到時可能會係有5架車走黎走去

之後仲去埋其中一個兄弟 (Cuz) 既office

佢係做wedding planning

但係我覺得佢比我既感覺較商業

之前睇Genie既blog見佢地攪左好多野

但係細節原來仲有好多野未定

離12月18號仲有2個星期，努力

輝仔兄弟姊妹飯 (補回)

今日放完假第一日返工

返到去仲係咁多船

睇黎今年都係無乜機會停一停

收工去左又一城既Pizza Express食飯

嘻嘻哈哈咁一齊睇下相食下飯

都係姊妹們多野講d

兄弟既工作比較輕鬆

仲有d細節未見到

不過距離1月9號仲有時間