wide angle昂平 + 心經簡林

今日扲住部機仔再去昂平360
今次既主題係wide angle連相
仲有就係去次無去既心經簡林
其實花45分鐘既心經簡林真係值得一去
仲有終於試過係大澳搭船仔




相睇多幾張相可以去
http://picasaweb.google.com.tw/mmcity/070128

打邊爐

今晚去左旺角「梨和圓」食野
原本都係諗住打邊爐
咁去到就話兩食
點知打邊爐d野又唔多款
d野又唔好食
日韓燒d野食都唔係好得
整體黎講果度d野食唔算好食
仲有係韓燒同火鍋係唔可以一次過食
如果唔係兩頭都唔到岸

六樓飯

今晚去左同六樓d人食飯
好似好耐都無join佢地
遲d唔知仲有無機會
究竟係咪離開左呢間公司會多d機會呢？

竟然有人幫我win左100，哈哈...

疲倦

呢幾日真係好疲倦
星期五唔想去開會
星期六睇演唱會都想訓
星期日打機迷迷糊、睇戲都訓訓地
睇黎真係要比自己休息下
有時真係好想放幾日假係屋企自閉一下...

今日睇左「生日快樂」

有少少悶...

Hocc演唱會 Part 2

今晚去左睇何韻詩演歌會
因為太攰既關係
初段同中段都訓訓地
但係尾段感覺幾好
感覺到佢未好商業
感覺到佢仲好平近



個show唱左好多歌
不過中段佢唱人地d歌自己既感覺就奇怪少少
聽人講原來同part 1都好相似

新歌

今日收到一首改歌勁攪笑
最近個市實在太誇張
放左之後都唔敢買
太高風險我都係唔玩住

《 跌 得 太 遲 ─ ─ 新 手 血 淚 心 聲 》 填 詞 ： Car4

我 過 去 ， 那 些 put ， 早 晚 共 對 ， 到 了 8K （ 國 企 指 數 ）以
後 ，沒 法 再 聚 ， 而 終 於 都 買 到 ， 但 無 言 共 對 ， 錢 似 流 水
......

日 夜 蝕 ， 見 爸 爸 ， 都 好 想 呻 ， 卻 剎 那 ， 看 出 他 ， 都
有 淚 痕（ 佢 都 買 ） 而 他 的 傷 痛 感 ， 是 來 自 未 放 ， 太 貪 心 ！
（ 唔 止 蝕 ...... 喊 都 無 謂 ）

最 心 痛 是 ， 跌 得 太 遲 ， 有 些 股 證 不 可 等 某 個 日 子 ，
痲 目 地 買 震 （ 震 倉 ） ， 忙 忙 忙 其 實 白 痴 （ 俾 大 戶 挾 死 ） 夢
中 也 遇 過 ， 有 壓 力 要 我 put 次 。

最 可 怕 是 ， 跌 需 要 及 時 ， 只 差 一 秒 ， 張 輪 都 會 變 歷
史 ， 忙 極 亦 要 試 （ 返 工 都 要 put ） ， 見 我 要 見 的 先 知 （ Uncle
6 ？ ）， 要 買 要 放 要 怎 麼 也 好 ， 不 要 推 到 等 下 一次 ......

我 也 覺 ， 我 資 金 ， 仿 似 下 降 ， 結 了 算 ， 得 到 是 ， 別
要 太 狂 ， 而 put 輪 都 掃 光 ， 但 從 來 未 放 ， 因 我 未 慌 ......

日 夜 做 ， 儲 的 錢 都 應 該 夠 ， 到 聖 誕 ， 正 好 put ， 到 佢
盡 頭 ...... （ 12 月 了 ） 誰 知 他 （ 大 戶 ） 開 了 口 ， 未 能 鋤 下
去 ， 我 大 叫 「 好 狗 」 !

錯 失 太 易 ， 跌 得 太 遲 ， 我 怎 想 到 ， 她 將 升 到 創 歷 史
（ 20000 點 以 上 ） 盲 目 地 發「 憤 」 ， 忙 忙 忙 忙 入 紙 （ 轉 抽 IPO
） ， 幸 福 會 掠 過 ， 再 也 沒 法 沽 一 次 （ 以 為 重 有 得升 ） 。

跌 一 個 字 ， 也 需 要 及 時 ， 只 差 一 秒 ， 張 輪 都 會 變 歷
史 ， 為 何 未 放 肆 ， 再 見 我 信 的 先 知 （ 沉 大 師 ， 神 6 ） ， 要 殺
要 拆 要 怎 麼 也 好 （ 『 熊 』 證 俾 人 煎 皮 拆 骨 ） ， 不 要 相 信 一 切
有 下 次 ， 想 沽 我 所 愛 又 花 幾 多 秒 ， 這 幾 秒 ......

能 夠 入 到 又 有 多 少 ？ 未 算 少 ...... 足 夠 遺 憾 忘 掉 ......

多 少 買 入 ， 多 少 要 食 塵 （ 高 追 ） ， 太 懂 估 計 ， 卻 不
懂 計 算 自 身 （ call ， put 買 齊 ） ， 人 人 在 發 奮 ， 想 起 他 朝 都
興 奮 （ 估 939 ， 1398 咁 升 法 ...... ） 但 今 晚 未 放 （ 1 月 4 日 大 市
開 始 調 整 ） 你 要 放 也 很 吸 引 。

縱 不 信 運 ， 我 不 過 是 人 ， 理 想 很 遠 ， 我 股 票 卻 在 等
， 來 日 別 操 心 ， 趁 我 有 能 力 開 心 ， 這 世 界 有 太 多 東 西 發 生
......

不 要 等 到 天 上 俯 瞰 。

重遇=dead air？

尋晚係旺角見到最後個屆第二個走既OPT
今晚係觀塘見到以前中學學生會主席
兩晚都無叫住故人
兩晚都見故人同另一個朋友一齊行
感覺上叫住佢唔肯定有乜可以講
真係要學下ice-breaking既野
咁下次見到都唔會怕無野講

(唔知聽日會見到邊個呢...)

無奈...

今日去左睇Appreciation Dinner個場同試projector
去到先知原來唔可以用PC
只可以播碟
攪到咁多人去都無乜野做
仲要夾開果個人去左北角開會
勁無奈...

今日終於收到份正式保單
原來首120危疾係要供但係無保障
都有少少無奈...

不過今晚玩Wii好攪笑

新玩具

今日終於買左部Wii返屋企
都叫做出左雙糧比自己既禮物
玩左一陣都真係好開心喎
咁既遊戲機都值得買o架

復活

今日終於試下個blog可以快返d未
好似又好返好多
話說之前聖誕較少留係屋企
無乜時間寫返d野
之後又台灣地震
攪到連線速度勁慢寫唔到
睇下可唔可以補返d野先...

今日去左睇Wii
其實都幾想買
而家睇一部遊戲機又唔係好貴
但係屋企真係好似無乜位玩
留係屋企既時間又真係唔多
結果都係唔知買唔買好

http://wii.nintendo.com/

最後一天

終於到2006年最後一天
起身就去左鯉魚門打羽毛球
打左個半鐘左右d人就開始唔追波
原來我d體能都唔算最差果d
哈哈...


今晚去左睇傷城
原來真係有d血聲o架喎


睇完23:40由新世紀衝去奧海城倒數
剛剛好趕到倒數
祝身邊既所有人係2007年身體健康！


(奧海城都好多人呀！)

終於無咁勁

今晚再去靚煲皇食野
雖然打邊爐本應好heavy
但係個個點野都好留手
所以都唔算好勁
可以比個肚休息下

聖誕大餐三

今日雖然要返工
但係收工就一大班人去左增輝食飯
食飯之前仲去左朗豪坊飲野


今次「話」有「清淡派」同「種/縱肉派」之分
結果真係比以往清淡左少少
但係都有象拔蚌、蟹肉翅、三角蚌、鮑魚、黃金蝦
最特別都係老闆送既生果盤
勁好食！


今次抽奬同上年一樣
又係個人護理用品
哈哈...

聖誕大餐二

今晚去左小汶屋企整野食
好唔好彩咁佢返唔切屋企一齊食
但係我地都整左好多野食
我仲抽到佢份禮物添


大家都要身禮健康呀！

聖誕大餐

今日同文軒去左買電子防潮箱
$700一個都唔算好貴
不過要搵地方放就真係一個問題

下午就去左輝仔屋企整野食
上年整左薑餅
今年試整餃子同pizza
仲第一次開菠蘿
跟住仲要打邊爐
個個都食得好飽咁返屋企

呢個就係我地整既芝心批

見證

今年平安夜去做左次有關耶教既野 - 睇人洗禮
感覺上好簡單
亦都令我回想起以前去佛堂「入道」儀式
都係覺得宗教儀式好特別
但係睇就得... 要做就真係...

今晚仲去左大購物
係咁多年以來花最多錢既一個聖誕
可能係因為經濟好左
氣氛令人捨得花錢
雖然無係街渡過聖誕日
但係都好開心

放假

今日係三日半假期既首半天
好耐無試過七個人一齊玩
真係要長假期先約到
仲去睇埋「滿城盡帶黃金甲」

無乜戲情
只係有d大場面睇下
有d位無乜理由同有d無聊
為拍戲而拍
但係鞏俐既演技真係幾好

冬至

今日冬至加聖誕假前一天
好奇怪咁有兩個唔係好熟既人叫我做一d低調野
好輕鬆咁去左兩sections既聯歡會
攪到今晚食冬至飯唔係好食到野

失

今晚終於知道「切膚之痛」既內情
未肯定都唔一定係失去既
無論結果係點
健康生活先係最重要
仲有好多機會
努力！

今晚突然被人話
勁唔開心
唯有話比自己聽
失望代表有期望
被人話代表緊張
有壓力代表活著

休息

放左兩日假個人都係好攰
收工就返左屋企寫返呢兩日既野
但係泰國既相都係未攪
都係休息多d
過幾日先整