KinKin生日飯

今晚同KinKin、肥妹仔、peggie、Choi Chu、輝仔食飯
去左雅蘭6樓既「常悅素食」
食落都幾好食唔算油膩
五個人406埋單都唔算貴
仲要送糖水添


之後仲去左Pixel玩Uno
因為唔夠十舖所以結果壽星仔算左

臨收工比老闆叫左去講野
講返太直唔係太好
返工都係要交返多d戲先得

大埔海濱公園

今朝去跟「同學會」去左大埔海濱公園影相
以前久唔久踩單車會經過
原來入面都幾多花
都值得去
有機會再去影下相都好
係「回歸塔」後面有個少花田

係「昆蟲館」前面有個荷花池


有興趣可以睇多幾張
http://picasaweb.google.com.hk/mmcity/090215#

朋友終於好返好多
有時會問下自己
究竟應唔應該周圍話比人聽佢入左醫院
唔知佢介唔介意人地去睇到佢既病容
周圍講人唔舒服都好似唔係咁好咁...

今晚花多左時間睇其他人既blog
發覺其他人既blog都唔算好多人回應 (除左一d出名既人)
諗返起其實自己係怕「半支煙」發生
所以無人睇都繼續記低自己做過d乜

踩單車

上年講左成年都無去踩單車
今日終於去左沙田踩單車
點知落雨
好彩唔算好大


夜晚去左觀塘大盛食野
之後仲買左個Cova半磅蛋糕Sacher返屋企食
http://www.cova.com.hk/

Annual Dinner

今晚係公司Annual Dinner
可能因為受經濟影響
禮品比以往更唔吸引
活動亦比以往少
司儀就請左湯盈盈
不過佢好悶...

台奬人人有份
我抽中左4GB Flash Drive
因為之前已經有
所以同人換左2GB Mirco SD
仲好貪心咁拎埋人地既插頭 :P

尖沙咀花燈

今晚經過文化中心外面
見到放左「神鵰俠侶」既花燈
有興趣可以去睇睇

休假一天 + 點利是

因為上星期太多特別野
所以今日休假一天休息一下
今年到十七先開利是
點一點有76封
比以往少左好多
但比自己估計都多左好多 :)

100 x 8
50 x 7
20 x 48
10 x 18

崖上的波兒

今朝又去睇早場 - 崖上的波兒
感覺故事比較短無感緊湊
未必好似天空之城或龍貓咁吸引
但作為一套卡通都算過得去

奇幻逆緣

今朝去左睇「奇幻逆緣」
個人覺得有少少悶
呢套都算係激勵片
叫大家唔好放棄、唔好自怨自艾

受傷

今晚同朋友去左打藍球
點知開波無耐朋友就比其他人撞開左
頭撞到地下受傷
結果要去急症室仲要留院
希望佢快d好返

飯團開年飯 - 八月居

今晚飯團食開年飯
去左尖沙咀海港城「八月居」食
叫既餸都比較普通
d飯全部偏過硬
最開心係食甜品
雖然貴貴地但係每人一個好開心

續繼拜年

尋日去左阿恩屋企拜年
700尺既村屋感覺真係好大
租又平
只不過元朗真係太遠喇


今日中午同阿棍、Ka Fai同Henry食飯加拜年
都成4個月無一齊食過飯
試左個龍蝦仔pizza
唔算太突別好味...

今晚同黃生黃太食飯拜年
去左油麻地「金船長」餐廳
雖然唔算平野
絶對值得提介
一次過試左好多突別野
黑松露pizza、大蝦意大利飯、火炎雪山、心太軟雪糕蛋糕
有機會再去下都好

下白泥

今日收工同文軒、Kenneth、Michelle、Jack去左下白泥
第一次去天氣都算唔錯
少少可惜係日落時有少許雲
所以落唔到全日落

仲有既係環境唔算好靚
都幾多圾垃...
整理好先再post多d相

拜年

尋晚收工去左Pauline屋企拜年
可能因為d房既尺寸比較大
個廳既感覺唔係好大
呢樣第時都要留意下

今晚收工去左小汶屋企拜年
一去到就好似蝗蟲咁係咁食糖果、果仁
之後又係佢度「黐餐」
最後仲要有糖水食
又食又拎咁攪到勁似蝗蟲
唔知佢下次會唔會怕左我去 :P

簡單既裝修
但空間感好大

參觀

今日去左朋友屋企參觀
間屋交由室內設計師去設計
感覺上都唔錯
但係之前有兩間屋由朋友自己設計都唔錯
所以第時真係有間屋既時候
花多d時間去設計下都幾好

家貓 - 小虎

恭喜發財！

祝大家牛年行好運！
身體健康！生活愉快！

幾日都無時間坐係電腦前面
寫返呢幾日做大乜先...

22/Jan - 一家人團年飯
「一家人」去左尖沙咀食團年飯
舅父同龍虎哥都黎唔到
希望下次見到佢地啦
第一次收到家姐旅行既手信 - 菲律賓芒果乾 :)

23/Jan - CCK團年飯
一班文理人去左新蒲崗食飯
有成14人咁多！
好耐都無見既sam都係外國返左黎過年
希望下次再多d人

24/Jan - 東莞
六點就出門口返大陸
成日都迷迷糊糊
最後拎左好多野返黎
仲收到3封利是


25/Jan - 決戰天下
一班人去左睇赤壁II-決戰天下
感覺上比第一集好睇好多
可以寫到瑜、亮既智慧
拍到赤壁大戰既浩瀚同戰場震撼感
雖然都有一d唔同理地方
但係都值得一睇
之後諗住同Austin去「廁所」餐廳食生日飯
點知佢歲晚收爐...

PSL Annual Dinner

今晚去左APS既annual dinner
原來個名係Port Service & Logistics
真係太多唔同既名喇...

主持係以前明珠台既主持
d同事竟然一聽個名就知係邊個
我就見到都唔知...


搭車去九展果時竟然撞到Yuki同阿pan
當然係約下開年飯啦
打比阿寶佢電話已經停左... 失去聯絡

第八堂 - 最後一堂

今晚係最後一堂深度班
主要講同學既提名
花左10分鐘諗既提名比阿sir用10秒改善左好多
佢連九聲都考慮埋真係望塵莫及

仲有講「攝影眼」同「攝影觸覺」、橫度直度效果
所以「能見人之未見；能觀景之未然」
要多嘗試多考慮先可以體會多d

仲有野要注意：
-濛瀧前景要有少許色彩，否則會似敗筆
-數碼機影紅/藍色花較難，要(1)側光(2)超出少許曝光(3)加CPL
-嚴肅/氣勢強的相用直度；開朗/寬宏的相用橫度
-多數前留視線，不留的話可帶出速度感(e.g.快艇)，亦可帶出離別感(e.g.飛機)

接炸彈

今晚一班舊同學同柳豬食飯接炸彈
黎緊已經有兩個同學快結婚喇
今年會有機多個呢？

好耐都無見過Miss
程程都大個左好多
同Miss好似樣
成個餅印咁

Controller Seminar

尋日去左Controller Seminar
今年已經變到一日團
內容變得有少少形式化
Functional Head太多的內容係短時間內不繼跳版
Team Building無討論時間
YICT同事佔大部份令「行動形」佔大部份
感覺上得著比以往少左好多

第七堂

今晚上尾二果堂
主要講題名
- 題名可說成相之靈魂，好的沙龍沒有題名亦欠完美(e.g.無題)
- 題名應引起別人共鳴，不能尖酸亦不直太直接變為標題(e.g.雨中的天鵝vs風雨雙伴隨)

葉問

今朝去左睇「葉問」
感覺上同之前既「霍元甲」有少少似 (連個台都似、又係佛山)
唔算太差
不過續集可以講既野好似唔算多


今日開始農曆年前執野
不過仲要執多幾次先攪得掂

好彩日

今日VPT攪聯歡會
非常好彩地收到三份禮物
- 攝影比賽得奬 (仲要係想要既Flash Drive一個)
- 大抽奬得奬 (以往係完全無抽奬運，竟然收得一把Golf Umbrella)
- 分組遊戲大奬 (係最後回合由包尾變到第一，收到個裝飾物連相架)


之後去左「德福」搵人幫手買「洗牙機」
買完之後抽奬仲中左包冬菇
德福已經有農曆年裝飾喇
買野既時候仲撞到兩個收工既同事添

高效日

今日班manager去左semianr
成間公司靜左好多
好多野都變得更有效率
今日時間好用好多、做多好多野

今晚同Hazel、Rita食飯
聽到Hazel有左既喜訊都替佢開心
又到另一個人生階段

今晚阿爸整親隻手指
屋企一地都係血
第一次要用「平安鐘」
去左醫「聯」左兩針
留老人家係屋企真係要小心

第六堂

今晚講「抓拍」
麥sir演繹為「抓住一殺那」
提到：
三角對焦 - 利用相同距離物件對焦
等區測光 - 利用受著同等光量物件測光

今晚仲填左表參加左個攝影同學會

吸血新世紀

今朝去左睇「吸血新世紀」
感覺個故仔有少少老土
因為劇情無乜驚喜
行過信和估唔到佢本少說會賣斷

新玩具 - Fujifilm F100fd

今日終於忍唔住買左個新玩具
作為09年送比自己既禮物
原本諗過買Panasonic既25mm
不過試過之後發覺佢反應太慢(特別係變焦速度)
跟住諗過Canon既870IS
但係後來睇睇下富士既機都唔錯
一樣係28mm但係價錢平d
1780包卡同相機袋都算係咁(相機同袋都係水貨)

新年快樂！

可能係因為年紀越黎越大
開始好多時都唔想出去同人迫
留左係屋企休息下影下相

可以去睇多幾張
http://picasaweb.google.com.hk/mmcity/090101#

相信08年尾對大家都有一定影響
希望呢d日子快d過去
09年大家都可以萬事如意、生活愉快！

第五堂

今晚上第五堂
講我興趣不太大的油畫、雕塑攝影

影油畫可用平衡測光
用中距離鏡避免變形
選光照平衡既畫

影雕塑同影人可用重點測光
利用偏光鏡保留層次質感

聖誕快樂！

今晚平安夜
祝大家工作平平安安
聖誕快樂、每天都開開心心


最近都比較多野做
令到個人脾氣更加多
放4日假都可以比自己輕鬆一下

第四堂

今晚主要講Pan鏡、Zoom鏡、影浪
重頭戲係講影浪
快速快門影驚濤，要選有裂痕的大岩石
慢速快門影意境，要選較圓滑的細少石，可以做出雲或雪既效果
最好用上側光，逆光有機會光線照不透厚浪而失去層次
灰天可以用漸變灰，可以令天不會反白
多重曝光亦可以整體曝光不足，視需要而調節

Rebecca 結婚

今晚Rebecca結婚
有好多人都去唔到
令到個場比預期中少人
「大舞臺飯店」個場都幾靚
但係放唔到太多圍
野食都唔算差
整體都算可以

創意散景DIY

今日DCFever教人自制創意散景filter
唔算好難整
極力推介
有時間有興趣就去睇睇

http://www.dcfever.com/news/readnews.php?id=2602

少說話、多做事

今日開會又同大佬頂嘴
真係唔明係咪佢太得閑
定係佢對有關自己既事有要求
竟然花左成個鐘都唔講重點
只係不斷要點仔細而完全無諗過時間同複雜性
都係要忍多d

第三堂

今晚上第三堂攝影班
有提及過：
- 相機未動，意念先行
- 不用相機去構圖，要用眼睛去構圖，再用相機去確認 (同葉sir講既冷靜去感受相類似)
- 重提四處從不同角度睇主體，令主體更突出
- 嚴緊構圖-樹/枯枝不重疊
- 如相片以灰色為主，一定要有黑位及白位令相片加強對比
- Before you press the shutter fully down, try to think what to be decreased, NOT what to be increased (Michael Busselle)

新聞一則

今晚睇返新聞
最令我注意既係一則「恐怖」新聞
昨晚八點幾係北大嶼山快速公路發生意外
一輛貨車司機於路肩後下車迷糊地走往中線求救
竟然比多架不同車輛撞至重傷至死
最後只有兩架車停低
香港人真係咁趕時間？
真係咁冷血？

第二堂 (後補)

等我補返之前上堂既野先
弱光下拍攝的技巧
- 用繩自製三角架
- 著重攝影意念，如影教堂要表達遠及近的裝飾->即使暗亦要用細光圈(F8以下)
- 弱光場景要留10%光位或鮮色位，另改變白平衡可增加白位/白色感覺
- 偏光鏡會減低反差，有陽光則好，陰天則要留光位加強反差
- 慢快門時拍攝是呼氣後停止呼吸，因吸氣後停止呼吸會令心跳加快
- 火車上影相
1, 打開窗
2, 快門先決 (1/500以上)
3, 手動至無限遠減少少
4, 等構圖

電腦節 + 尖沙咀燈飾

雖然今年無諗過去深水埗電腦節
但係今朝一返工就好多人講
下午搭車亦因為佢令我等車耐左
去到亦塞左半個鐘...

今晚去左尖沙咀影下相
去左中港城、模型展、海港城、海傍、新世界
仲見到阿海
不過反方向所以無一齊影
自己一個行下行下都成2215先走
d相都要d時間整理下

好奇心

今晚突然想搵下一直係心既問題 - 蓮花、荷花既分別
有位老兄話其實係同一樣野 - 蓮科植物
硬要分「荷」指花、葉 (荷花、荷葉)
「蓮」指果實及其他部份 (蓮蓬、蓮子、蓮藕)
但「睡蓮」就不同
睡蓮葉不會高出水面，有裂口並浮於水面
蓮花/荷花沒有裂口並會長成突出水面
http://tw.myblog.yahoo.com/purple-zone/article?mid=152&prev=245&next=3

另一個問題係兩個國家名
(1)埃及 - 音(哀) e.g.塵埃
中大開發既網上字典只得一個發音
http://humanum.arts.cuhk.edu.hk/Lexis/Canton/
(2)希臘 - 音(立) e.g.臘肉
與打獵的音不同

深度攝影 + D3X

今日開始逢星期一又上麥Sir堂
見到佢教人既熱誠同對影相既要求真係自己都比心機左
今日唔算講左好多野
- 沙龍=客廳，沙龍攝影重美感、深度攝影重同鳴
- 攝影為平面藝術，要靠 1,景深或 2,前景 帶出立體感
- 攝影觸角=能知境之未然，可以預見可能發生既境像

見到Nikon又出新相機D3X
將像素提昇到24.5 megapixel既代價係快門速度同ISO值
係唔想價錢提昇太多
定係留空間比下一部相機？

http://www.nikonusa.com/Find-Your-Nikon/Product/Digital-SLR/25442/D3X.html

月色

最近既新月亦因為天朗氣清而變得吸引
其實好多時我地只係留意到滿月
可能因為滿月比較光比較大
但係我地自小就會覺得
月亮係彎彎的

今日原本想去影模型同燈飾
可惜個感冒越黎越嚴重
結果留左係屋企休息
http://www.danielco.com.hk/tamashii_2008/temp/index.html

米埔自然遊 + 元朗燒考

今日參加左「米埔自然遊」
由WWF人員帶領去觀看得益比自己行多好多
係三層觀鳥屋見到十幾隻「黑臉琵鷺」降落

日落時既三層觀鳥屋

如果大家有興趣參觀米埔
可以去睇下
有全年、秋冬、春夏各種導賞團
http://www.wwf.org.hk/chi/maipo/publicvisit/guidedtour.php

今晚去左元朗同黃生黃太燒野食
假日88蚊任食唔限時間
野食種類多又好食
有時間可以再去食過

東北風

呢幾開天氣開始轉冷
大家都要少心身體
但好其怪東北風可以有咁清既維港景
究竟係東部比較少工廠？
定係工廠排費量降得好利害？

張相唔清係因為無用腳架...

Jos生日飯

今晚同肥妹仔食生日飯
好唔好彩收工前比人捉住左傾野
所以有d急野做唔切要返去攪所以走先
阿珠仲宣佈埋怇既婚期
又多一個舊同學結婚喇...

今日特然起感冒
唔通又開始多病？

無奈

今日放完假返工
出門口竟然唔記得拎袋野返去
無野食派...

返到去仲見到同事之前幫我搬返櫃筒返T4
但係我之前唔記得取回匙
今日見到我個櫃筒竟然比人放左係會議室
任人攪足成個星期
O晒嘴
下次都係靠自己好d

柬越之旅完成

今日留左係屋企執野
結束左七日六夜既柬越之旅
機票+稅+簽證要4339
洗費要2142(USD275)
大約花左6500

總括黎講
柬埔寨(暹粒)既感覺都幾旅遊區
無乜出名既商品
地方亦很窮(當地一個4人家庭每日支出大約USD5)
遊覽主要係森林裏面既皇城
當中以「小吳哥」最出名
仲有好多大大小小既古蹟/古寺
柬埔寨 - 吳哥窟


越南(胡志明)既感覺同中國主要城市有d似
有好多電單車(差不多一人一部)
仲有好多街邊食檔同髮廊
旅遊點有Tourist Secuity感覺幾好
札肉、河粉出名
越南 - 統一宮


d相未整好
今次影左2200張相左右
比以往少左
主要因為天氣熱有時唔係好願拎相機影相

海洋公園 + 出發

尋晚同Kin、Peggie同Keith一齊去左海洋公園
上年因為朋友喜宴所以去唔到
今年就有機會去下
只係拎左部壞左既相機仔去
結果179張相只有幾張睇得下
控制唔到既相機真係好難用
海豚頂球

新大熊貓館


今日出發去旅行
柬埔寨+越南之旅！

氣溫急降 + Interview II

呢兩日其實絕對唔算「凍」
試諗下12度左右既時候大家都係咁
只不過氣溫降得太急
所以大家都覺得好凍
如果之前係12度
今日係20度
大家都會覺得好暖
不過呢次20度都令我有感冒...

今日見第二個人
亦都係今年最後一個機會
結果今次既人出奇地好
要數唔好只可以話怕佢做唔長會走

Austin 畢業相 + 神女15個月喇

今日收工就同Austin佢地去左PloyU影畢業相
不過佢好似唔係好鐘意同我地送比佢既Mickey一齊影相
係PloyU好多人影相呀
仲遇到工程部Ka On同以前安全部既Fanny


今晚同亞神一家人食飯
神女15個月大喇...
識行識走喇
不過未識講好多野

馬生退休

今晚係馬生退休前最後一個工作天
回想六年前我第一日返工就覺得呢個部門GM唔錯
呢六年裏面佢都提醒左我好多野
如果無佢既話我好大機會已經唔係呢間公司工作
佢退左落黎之後既一年「顧問」環境會點
大家都係持觀望態度
主要原因都係新老闆人情味無咁濃
最近EES既「仁慈」事件
有時都唔可以話係唔好

Interview

今日第一次見人
原來有時都要自己努力諗下問題
感覺上有d問題應該係人力資源部問但係又無問
佢地係咪因為經常做所以無乜感覺？
不過呢個時勢要求都應該可以高少少

收帖

今晚約左Rebe食飯收炸彈
佢張請帖好豐富有好多野
(仲另外送左兩張亞洲成人博覽半價飛比每個人...)
今次仲係第一次收到嫁女餅禮餅券
不過唔知點解... Rebecca Forever... 只係得佢個名
佢另一半無英文名？定係叫Forever?


今晚去左尖沙咀Rice Paper食
有部份飲品1930前叫有買一送一
5個人叫左好多野食
所以埋單都要240一個人
不過都幾好味
大家講下笑又好開心

意外

今日睇報紙發現有間中學外面發生交通意外

早上09:20有輛巴士上左行人路

原來係自己母校

好彩無嚴重傷亡

其實報紙既工作人員都幾利害

d模擬圖都造得好真

呢排返工都比較攰

都要休息多d先得

萬聖節 + 文軒相展

尋晚收工返到屋企見到個天都仲好靚
即刻影返張先


跟住食完飯就去幫下文軒個相展
去左油塘一陣就過去將軍澳站既君薈坊睇set up
結果都要攪到成02:45左右先走
其他人仲攪到成四點添


今朝一起身就已經12點幾
即刻過去睇開幕
仲有人送左個大花牌比文軒
兩點鐘開幕都有40人左右


過多陣就去左中環觀禮
以我地所知
繼小汶、阿奶之後
阿鵬係第三個結婚
都好替佢地開心
因為有少少誤會
所以無去到佢地喜筵...

部門飯

今晚去左食部門飯
感覺大家都幾好
其實就部門黎講呢個部門唔錯
可以話係最好添
但係非常可惜既係比人拆開左
仲要轉埋老闆...

米埔相

終於整理好米埔既相
有興趣可以去睇睇

http://picasaweb.google.com/mmcity/081026#