微波焗爐 (補回)

去旅行之前買左既微波焗爐今朝送到

成部冷氣機咁大

真係好大部

可以當微波爐亦可以當焗爐

所以要成2千幾

多謝文軒支助 :)

馬爾代夫 (補回)

最後一日其實無乜野可以做

因為12點要check out

只可以食埋個早餐就差唔多check out

臨走果時又見到魚群黎左我地間房下面

又見到兩隻鯊魚仔添

落水又怕d野唔乾

所以只係周圍影下相

跟住就係等喇

因為下午4點先有水上飛機去馬里

所以係沙灘同酒吧等左成個下午

今次坐水上飛機多d野睇

到機場之後都只係4點左右 (因為酒店同馬里有一小時時差)

所以我地都去馬里市個島行一行

仲試下搭佢地d慢船渡輪

可惜既係政府部門2點關門

私人公司 (包括超市) 就5點關

所以我地去到都只係可以到門口影相

個當地人帶我地去左一間超貴既手信店

好多野都係中國、泰國、馬來西亞、斯里蘭卡等地既產物

所以無買過...

總統辦公室外到此一遊

行左只係1個鐘就走

係機場由7點等到8點幾先check in

等既時候發現機場既手信店價錢竟然比馬里市既手信店平5成

但係都係完全唔值買外地野

所以都係無買

仲係個機場小賣店發生被騙事件

大家如果去既話要小心問價

呢間野問完價錢之後都可以貴8成

再等到10點9先起飛

所以最尾一日主要係「等」

馬爾代夫 (補回)

雖然尋日險象環生

但係今日都想再落水影下相

但係今日比尋日更大浪

不過有左尋日既經驗

今日有信心睇多d珊瑚同魚群

果然比我地見到更靚既珊瑚同魚

之後仲去踏水上單車

係海度望返我地間屋

呢個就差唔多係我地落水影相既距離

玩完食飽飯返房

見到間屋下面有一大群魚

睇睇下仲見到有隻鯊魚細游黎游去

左睇左一陣魚就去做spa

入到間房原來都係大無敵大海景

張床下面仲可以望到海

有珊瑚仲有魚仔

做完spa仲食左個下午餐

之後諗住返房睇下日落

點知等等下有舊大黑雲

所以見到一邊日落一邊落大雨

仲要係勁大雨

夜晚book左晚餐 (個package包一晚西餐其他自助餐)

食左一個3courses加dessert既晚餐

返房仲影埋個星空添

馬爾代夫 (補回)

食完野仲放低部相機影左張相

個天空實在太多星星喇...

釣魚既時候可以肉眼睇到銀河添

第二朝起身食完個早餐就係酒店房落水

行太約30米左右就可以睇到珊瑚同魚群

因為水不太深浪唔大

所以能見度好高好清楚

之後周圍行又睇到寄居蟹

下午參加左酒店既出海浮潛

今日好大浪

出到海就咁跳落海都幾驚

落到水食左幾啖海水

諗住跟住個instructor掂住個浮波

點知有兩個國內遊客唔識玩又唔著救生衣

所以個instructor叫著左救生衣既我自己游

之後係咁飲海水之餘仲要唔見左個instructor同成班人

果時有「唔通要命送馬爾代夫」既感覺

好彩我地兩個人都一齊支持住

結果一齊游返去隻船度

仲係咁按相機

好大風大浪

所以覺得唔係好清

反而酒店外面清d

馬爾代夫 (補回)

今朝起身可以食埋個早餐先出發

不過要六點起身7點check out

之後就搭快艇返機場轉搭水上飛機

第一次搭水上飛機

最大分別係細架又得低

坐15個人左右

飛到好似高樓大廈咁高左右

無冷氣唔密封同有d嘈

仲可以低空睇到馬爾代夫既島嶼

10點幾就到Moofushi

未有得check in就圍住個島行一個圈

行到去沙灘屋對出比我地見到蜥蝪

一影相就即刻走

之後去左酒吧坐左陣

未到12點酒既人就話有間

當然睇下間房先

有Mac Mini包括VOD、MOD同電腦上網

點知間水上屋竟然完全係沙上面

所以我地要求換房

等房就係沙灘坐一陣

仲見到一條水蛇

換左房之後就即刻有返條真係落到水既樓梯係房度

之後即刻出發去sunset fishing

可以見到一個水平線既日落

不過安排唔係咁好

唔知係隻船停既地方無魚定係我地唔識釣

船上既工作人員亦無落手釣

成隻船17人右左竟然得一條魚獲

比聽返黎既經驗差好遠

落船就去左食野

因為係All inclusive

所以所有飲食都免費

開左支白酒

但係覺得唔係太好飲

所以飲左半支就走左

出發 - 馬爾代夫(補回)

剛剛做完Spa

返左resort上下網update下

今日終於出發喇

去Maldives前要去KL轉機

所以14:35機搭3個幾鐘去KL

等一等18:40機搭4個幾鐘去Male

去到Male已經係夜晚10點 (同香港差3個鐘... 香港1點)

Male個機場都好細

出左黎有一堆resort既接待

我地跟左Holiday Inn就去轉快艇去另一個島

原來主要城市係另一個島

國際同水上飛機場就係落機個島

落船行幾步就到酒店

不過個名唔係Holiday Inn而係Trader Holiday

見佢係新開又幾靚都無所謂啦

繼續婚後工作

今朝去左入錢

跟住就要準備旅行物品

換外幣、買太陽油等等

原本想睇埋相機

原來已經斷市...

聽日出發

下星期一12:55返

婚後工作 (補回)

可能因為飲得唔多同之前一日精神過度集中

今朝好早(約9點)就醒左

起身睇下d禮物

比想像中多好多呀... 多謝晒

食埋個早餐就出發去還衫

之後去酒樓拎埋隻回門金豬就去左馬鞍山食飯

返到去仲派下餅咭同心意果比隔離屋

原來1室係姓劉既三姊妹

6室係玩音樂既陳家

7室係吳家

之後係屋企拆禮金

一拆竟然花左2個幾鐘先攪掂

數埋都已經1點幾

親戚同街坊既人情好大封呀!!!

其實之後一日都幾多野做

大日子 - My Wedding (補回)

今日終於到我結婚既日子

之前一晚搵唔到d兄弟呔

所以今朝6點2起身去左淘大搵

搵唔到返到去發現係屋企

好彩

今朝好早去到女家

班姊妹亦好好咁對我地

所以都算輕鬆咁接左新娘

準時11點半返男家

中午因為唔想咁趕

所以係樓下食小菜都算唔錯

準時去到教堂

好彩班兄弟姊妹好幫得手

所以都總算順利

反而酒樓時段問題多少少

之前訂左5點送到既蛋糕要到成6點幾先送到

6點開始既席前小食好快就派晒

令好多遲左少少既人都無得食

留多少少比人拎可能好d

d人想飲特飲都派晒

個蛋糕切完之後又係無左影

有人話見到有人話無見過

最奇怪就係酒樓無留野比我

全部分晒碟就算

浪費晒... 連我都無心意果 (回禮禮物)

整體黎講成日好似過得好快咁

原全唔知時間

有好多細節都唔知

好依靠兄弟姊妹幫手

好多謝兄弟姊妹... (不分先後) 輝仔, 阿神, Ronald, Ming, Ivan, Eva, Emily, Fanny, Jane, Tracy

仲有好深刻既就係人數變化

180人話黎既教堂最終只係150大左右

原本24圍加7張13人枱最終23圍都有吉位

真係有好多人會臨時失踪

好可惜當初因為唔夠位而無請一d人

衝刺

今日行程緊密

朝早入利是

將物資入好袋袋

跟住再去旺角換野買左個微波焗爐

(好多謝文軒送既電子相架，不過我都唔想長著一d電器)

之後去酒樓再試野同比海報佢地貼

再去太子拎褂、禮服

再去尖沙咀拎婚紗、晚裝、禮服

好攰...

試野+派帖

今日繼續去酒樓試野

結果都係唔識攪vcd

又要燒隻dvd去播幾分鐘既野

好唔環保

之後去左遊地鐵河

去左葵興派帖比Vivian

再去香港派比Season

夜晚仲去比埋Bosco

吹水吹到11點幾先走

座位表

尋日同今日都諗住去跑步去一身汗

點知都係為左個座位表攪到行唔開

由星期一開始不斷收到有人之前話黎

但係而家又話黎唔到

攪到日日都要改...

今晚去左睇Gundam

估唔到咁多人睇... full house呀

後來睇返原來唔係好多日有得睇

套戲感覺上都唔錯

不過係d高達好似弱左咁

訓免飯

今晚再約左教堂幫手訓免既Paul Sir食多次飯

之前約左係新世紀返工既Gigi派帖

又見到商場攪左宮崎駿工作室既展覽

當然又影幾張相喇

之後見仲有時間

去買埋對聯同埋雙喜

等星期六晚開工

放假

今日開始放假

不過朝早都係比屋企人吵醒

結果早起身就整理返d帖

呢兩日派埋佢先

跟住去左拎埋條鏈

之前搵豪哥幫手85折訂

可以係當天比家姐送黎影相

派帖 - 天文

今日係今個月最後一日返工

之後就12月1號先返工

將計數交大比同事

船期交左比老闆

但係結果都要攪到7點半先走得

今晚約左天文莊員派帖食飯

結果大家都無乜聯絡

好開心Hoi Wai同Chi Ho得兩個人都黎

多謝

派帖 - 一家人

今晚約左「一家人」出黎派帖

大家都臨時有事

最終都只係得Chris同Winten黎到

希望星期日大家有時間到喇

度身 + 訂結婚蛋糕 + 司儀準備

今日去左現代經典度身

結果都係選左有銀色邊既禮服

好似影相突出少少

多謝Eva出席幫手

之後去左德福東海堂訂結婚蛋糕

到時送去酒樓就唔洗兄弟走黎走去

德福已經好多聖誕裝飾

好靚既二期走廊

一期都好有聖誕氣氛

今晚仲約左Fanny同阿Ming準備一下當晚司儀稿

大家都好認真

多謝晒

Mandy Wedding

今日去左參加Mandy既婚禮

可能大家都比較忙

所以只係得8個IE舊同學出席

唔知下星期大家又有無時間出席呢？

之前借出鏡頭一支

借的時間有點猶豫

但朋友話旅行返黎即刻還

點知都係要等到一星期後自己問先有機會拎返

仲要借他人之手還

影不到兩位朋友的婚禮...

樓價

今晚經過地產舖既時候

八掛睇下個樓價

發現好似比之前再升左d

返屋企再睇下個價...

恒生：236 (47%)

物業估價網：229 (43%)

中銀：239 (49%)

星展：245 (53%)

原來都升得好利害

之後仲見到個email講樓價

真係好貴呀

相簿

今晚終到收齊d相簿

朋友果本個封面雖然只係一張張相咁放到整整齊齊

但係個效果都幾靚

拎花

尋日開始要d部門經理留到8點

第一日我呢d打雜都要留係幫手

今晚唔理佢地走先

夜晚約左阿神食飯

講下結婚當日行程

佢都比左d議見

都幾好

食飯之前仲去左拎花車佈置

香檳色和紙加紫色花

仲拎埋襟花同手花

都係紫色為主

試Video

今朝幫文軒搬少少野入新屋

間屋既裝修好靚呀

個景觀都好開揚

不過屯門對我黎講都係太遠

尋晚返屋企都好夜

但係都燒左隻成長片段同結婚相今日拎去酒樓試播

成長片段ok但係結婚相播唔到

再燒過去試下先

好日 (LaiLai & KowkHang wedding) + (Amy Wedding)

今朝唔見老闆返工

都估佢會11點左右返黎叫人留低

真係攪到有人要留到3點...

今日應該係好日子

因為一日要走兩場

中午去左LaiLai同KowkHang既婚禮

第一次去大圍「道風山」觀禮

個場好光猛好靚

夜晚去左Amy既婚宴

佢地7點証婚

8點9進場

所以完場時都10點8

第一次見人個菜譜用料咁好

可惜既係個帶子唔算好熱

亦都無帶子既鮮甜

有少少似魚蛋