打蠟

今朝原本諗住去睇「變形金剛」

不過遲左起身所以睇唔到

結果去左「荷里活廣場」食午餐

仲可以去Cars打埋蠟

之前問墨魚借左張咭

原本諗住蒸埋個籠

但係張咭無我名要收原價988

所以只係打蠟就走

打完蠟仲貼埋個bB Club貼紙

夜晚仲清潔埋司機位隻窗

松仔園夜攝

今日下午要去天水圍考試

但係又調唔到短週

攪到好趕咁收工

夜晚約左攝影義工隊既人去大埔松仔園夜攝蟲仔

第一次夜攝

原來用燈照住d蟲佢地就唔會走

不過佢地帶既燈真係好光好光 (126頭LED x 2)

問左文軒借微距鏡

用落又幾好玩

原本有成25人既團結果得返8個

可能好多人都怕落雨

結果無落雨之餘天氣未算好熱

不過都有兩車旅遊巴既人去睇螢火蟲

可惜係睇唔到既...

可以睇多幾張

https://picasaweb.google.com/mmcity/110730

操作每月聚餐 - 頂好海鮮酒家

今個月既晚餐聚會結果要攪到最後一日先攪

去左尖沙咀「頂好海鮮酒家」食野

套餐都要4900

仲叫多左一碟蟹

好彩Alex同Terry升職所以每人資助2000

野食都幾好味不過我覺得太貴

自己應該唔會去

上門汽車美容

今朝返工終於遇到晴天帶雲

影到呢張想影好耐既相

今晚睇雜誌既時候

仲見到有上門汽車美容

價錢比想像中平

如果仲係無人係停車場洗車就試下

SauBenny Home

今日同老婆去左SauBenny屋企開生日會同house warming

佢地隻貓好怕羞唔肯出黎

17個人分兩邊玩遊戲

佢地既「三國殺」係晒所有牌 (連EX都有齊)

食完野仲有個自家制芝士蛋糕

好好味

山頂日落+夜景

今日約左文軒一班人去山頂影相

一班人行慢左少少

未到目的地就日落

不過都算開揚

仲第一次用三色filter

不過都係未掌握得好好

同埋雲唔算多

下次影流水再試

仲可以影埋magic hour同夜景

當然magic hour既色彩靚好多啦

行到8點半就已經好餓

所以行左返山頂廣場食野

食完野就一班人影light painting

有幾張都算成功

鹽田參觀 + 相機袋腳架

今日下午去左鹽田參觀

原本應該搭公司車去

但係book車有少少意外

結果搭左200蚊的士去粉領轉車

天氣好好

鹽田比高峰期少左好多箱

夜晚仲跟左佢地去食飯

食完飯仲飲左一陣野先走

係dcfever睇到介紹個相機袋腳架

好似好方便但係亦會重左同唔知work唔work

http://www.dcfever.com/news/readnews.php?id=5426

晴天

經過幾日落雨今日終於放晴

不過收工龍翔道有嚴重交通意外

所以公司車改行旺角去黃大仙

夜晚因為有幾個人唔舒服

所以打波取消左

老婆返黎仲買左cake

個樣好睇不過味道一般

大羅榮休

今日係大羅最後一個工作日

中午有個茶聚

下午有散水餅食

晚上就有晚宴

祝願大羅身體健康，生活愉快

晚宴仲有比較特別既Photo Show

可以分享返佢同朋友既舊相

平時無乜抽獎運既我

竟然第一個抽中奬

九龍城下午茶

今日休息一下

下午接埋老婆去左九龍城食「黃明記」

跟住仲去埋「金滿堂」食冰消暑

天文莊聚

今日約左天文莊既朋友黎淘大打保齡球

等lane都等左成個鐘有多

138蚊一個鐘任打或者30蚊一局

玩左兩個鐘就去左屋企坐下玩下

夜晚去左稻香食飯

最後仲返去玩多陣三國殺先散

新風隔 + 吉之島掃貨

今晚收到電話話之前訂左既K&N風隔有貨

九點去左九展裝

希望可以好力d同慳油一d

花左430

順便買埋清潔套裝

加130

之後同老婆去左mega box掃貨

買左好多零食

小禮物

今日又收到公司既小禮物

因為父司係「安全管理」由原本既第二級提高到第三級

所以派呢隻4GB既人形USB Drive比每位同事

膠味好重

休閑的一天

今朝終於休息返夠

訓到10幾先起身

整埋d野就出去食野再周圍行下

好似好耐都無星期日去旺角行西洋菜街

依舊都係好多人

仲分別有「能得利」、「鴻福堂」同「高路潔」擺檔玩遊戲派贈品

唔通興左好耐？

夜晚返左屋企食飯

又有曲奇餅食

返屋企仲見到淘大商場有「高達」睇

今日仲係用開部升降機最後一日

跟住成個星期都無得用等佢翻新

夜晚仲同老婆睇返「新少林寺」

雖然制作用左好多人

但係個古仔好似無乜新意

旅行 + Mo生日飯

今日跟左老婆去教會旅行幫手影相

先去粉嶺「鶴藪水塘」+「薰衣草百花園」

中午去左錦繡花園食「九大簋餐」

下午再去河上鄉「美味棧」買野

最後去粉嶺「寶生園」參觀

天氣好熱但係一班人去旅得都唔錯

之後去左尖沙咀同Mo食生日飯

去左i-square既「Key-west」

再去漢口道「麻布茶坊」食甜品

阿Jeep生日飯

今晚同阿jeep食生日飯

有小汶、Rio、Fony、Jeep同我出席

去左北角「粵華酒店」既「和田日本料理」食放題

仲有任飲汽水同麒麟啤

d野食都ok

仲可以有免兩小時泊車

不過之前唔知所以無揸車去

禮物

今晚返屋企收到老婆送既叉電器

據稱可以叉到兩次電

多謝 :)

自制冷氣去水

星期一比管理員上門話睡房冷氣機滴水

要盡快處理

口頭覆佢話星期六日先有時間攪

佢都話ok

點知今晚返屋企就收到管理處+食環署既信

洗唔洗咁快...

即刻落街買野自制去水系統

初步整到咁樣

開左冷氣唔見滴水

都唔知係唔係比人屈

點知開左兩個鐘之後發現係條邊滴水

所以又整過

整完之後條水喉係咁流水...

Ben RIP

今日約左玩game

夜晚要出席同事安息禮拜其實約尋日好d

但係諗住就好多時黎唔到既人所以約左今日

試左用one piece既三國殺都幾得意

夜晚第一次出席基督教教既安息禮拜

比較靜同埋有回憶

感覺好似較佛、道儀式容易明白

bB Club聚會

今日下午去左參加 bB club聚會

今次唔算好多人

不過都有成12架車

今次既活動係助慶Porte會會慶

有好多Porte

好似展銷會咁

仲訂左個K&N風隔

希望d油可以燒得好d

夜晚去左大埔街市食飯

仲撞到天文大師

摘荔枝

今朝早過返工6點半出門口返大陸摘荔枝

去到東莞都9點

好彩今日唔算好熱又無雨

第一次去摘荔枝咋...

荔枝有高有矮

當然矮果d無咁靚啦 (因為比人摘晒)

仲有好多龍眼

不過未係時候所以無摘到

大樹波羅都未熟

不過都好大個喇

仲見到一群狗仔雞仔同鴨

佢地都成日食荔枝o架

因為地下好多

拎左一袋返屋企都幾重

應該都有5kg