休息一天

原本今個星期二三四都放假

但係好似有好多野要做

所以尋日都返左工

今日原本諗住去做體能測試

但係尋晚搵唔到相片

所以無去到比自己休息一日

下午去左還寬頻電視盒

買左個唔work既i-phone電

仲買埋布整車尾板同枱布

剪好左就拎落去架車到包好塊車尾板

返屋企仲洗下個浴屏

Joe Wedding

今日係阿Joe既大日子

一早去左順利邨做兄弟

好乾淨既井字型屋邨

中午去左尖沙咀諾士佛臺一號既「緣美傳說」註冊

走果時落好大雨

2分鐘既路都濕晒

夜晚去佐敦「逸東酒店」喜宴

今次做兄弟第一次做司儀

好彩阿Joe要求唔高所以都無乜問題

悠閒的一天

今日都係係屋企執下相

下午就落街試下新開左一個月左右既「細容記」

味道唔係話非常好味

不過價錢就一d都唔平

都係鐘意「九龍城黃明記」多d

夜晚返左牛頭角食飯

家姐今次整左唧花曲奇餅

好好味

返屋企後又去左運動場跑步

努力練下體能

今次7個圈用左20分23秒

快過上次半分鐘

家居清潔 + 預祝輝仔生日飯

今日原本要返全日工

但係早兩日老闆話以後唔係返全日

仲調埋個長短週

所以今日無約人留係屋企攪清潔

抺完窗加返張貼紙

夏天可以開窗吹下間屋

呢排天氣時晴時兩

影相可以有好多變化

例如耶穌光

夜晚一班文理同學同輝仔預祝生日

去左西灣河「泳池餐廳」食下隱世廚神既手勢

之後幾個同學仲去左「明記」食詌品

今次試左水蜜桃綿綿冰

Leo哥farewell lunch + 不倒翁

今日約左Leo哥食午餐farewell佢

佢last day係七月二

又一個人飯人離開喇

唔知下個到邊個呢？

今晚去左尖沙咀i-square「不倒翁」食飯

訂左間房最低消費6000

可以望住K11

叫左一堆肉、刺身、清酒

13個人埋單要成85xx

差不多要660一個人都真係幾貴

父親節飯 + bB Club聚會

今晚同外父食父親節飯

因為大埔公路入口交通意外

平時20分鐘車程今日花左1小時20分鐘

攪到最遲到既一個...

因為遲到左食飯

所以今晚bB Club既活動亦都遲左先去

啱啱趕到佢地出發前5分鐘到

成20架左右既bB車隊係九龍灣出發去將軍澳食糖水

因為車隊太長關係

令到有d車插入黎

攪到有兩架bB輕微相撞

被撞架bB個尾凹左... 好傷

結果去等左好耐甜品先到

食完都成11點半

所以都無跟佢地去影相就走

X-men + Pop Pop Pizza

今日中午去左海港城行下

順便影下最後一日既3D龍舟

之後用Fanny提供途徑既免費戲飛去睇X-men

套野都幾好睇

值得入戲院睇

夜晚返左牛頭角同爸爸去試新批 - Pop Pop Pizza

將牛肉丸換晒香腸

不過個批都算幾好味

夜晚仲去左跑下步

要練返好少少體能先得

7 個圈用左20分39秒

仲要多加努力先得

身體檢查+遊戲日

今日出左太子行左陣買下日用品

去左「譚仔」食野

佢地既單用埋簡寫都幾特別

重慶酸辣粉

腩肉+墨丸+頁丸米線小辣

凍檸水

之後去左佐敦做身體檢查

只係抽左血同留低樣本就走得

8月13號先可以去聽報告

下午約左Eva、子華、Alan、Emily黎屋企玩game

之前大家都好似好忙所以都好耐無玩

阿神生日飯

今朝返工見到早幾日講起既大的士

原來係豐田NOAH

仲有埋個電話印係車身

夜晚約左阿神補食生日飯

因為月頭去左旅行所以今年比較遲約

同堅堅加埋阿神一家四口去左黃大仙中心「八喜」食

計埋信用卡既優惠埋單只係280左右都幾抵食

輝仔住家飯

今日去左做義工幫手影相 - 「愛老護老不虐老2011」

又見到Ella

仲有石詠莉、羽翹、KellyJackie同一班我唔係好識既藝人

之後剪埋頭髮就去左輝仔屋企食飯

有雞有魚有菜都幾好

之後一齊玩牛頭王

仲有自家制「心太軟」食

老闆飯

今日放完假第一日返工

返到去亦都係一個困局

仍然係咁捱被人投訴...

今晚一班同事同舊老闆去葵芳「稻香」食晚飯

都有成27人都算咁上下

下個星期開始就應該唔會再見到佢

出發 - 釜山+濟州 (補回)

尋晚11點幾去機場出發去韓國
呢次旅行都算幾多波節
之前諗住4月去但係大佬又放假如
諗住5月去日本又因為地震取消
今次又遇到公司塞橋
同事們要努力呀

第一日零晨機所以7點幾就到市區
仲要因為就唔到飛機所以改埋先遊慶州
第二日先去濟州
今日到左彿國寺、普門湖、天馬冢、廣安里大橋日景（行程寫夜景）、Centum City、樂天商場
因為通宵機差唔多無訓
所以都早少少訓

無奈

尋日已經多野做到做唔晒

結果時間唔夠所以有野無人跟

今朝老闆又發偉論

見到少少野又不斷重複又重複

忍唔住彈左老闆一句「不如比d同事去跟野先」

點知又係成日捉住班大佬

攪到得個講字個個都無時間去跟野

原本諗住6點走都係走唔到

將原本既計劃推遲左成個鐘

幫爸爸買左拖板

又買返個新喼去旅行