賀年食品

今日收到文軒送既年糕

之前仲有馬豆糕

兩盒都好靚

多謝晒

今日仲同Rosita影farewell相

相簿

今晚終於upload返之前既相

有10-10-01既「妙法寺」

http://picasaweb.google.com/mmcity/101001#

10-12-19既「尖沙咀燈飾」

http://picasaweb.google.com/mmcity/101219#

仲有今日既「旺角花市」

http://picasaweb.google.com/mmcity/110130#

旺角年宵市場

今朝整埋上星期義工相就去左旺角年宵市場行下

黎緊兔年所以好多兔既商品

今年仲多左i-phone「兔」同 angry bird

香港人真係受 i-phone 影響得好利害

今年既天氣比較凍

令到好多年花都開唔切或者開得唔多

所以今年既年花比較少

兄弟姊妹團 Re-U

今朝起身就執屋抺野開始小型大掃除

下午阿棍打黎話經過附近

所以同佢地一家三口食午餐

之後仲試坐下佢架bB

感覺良好

下午就同兄弟姊妹團 Re-U

整左之前訂落既蟹腳食

不過要整黎食都有難度

太太仲整親手...

因為有幾位臨時黎唔到

所以之前預備左既野食都夠

無再叫pizza食

CCK團年飯

今晚cck同學食團年飯

可以有19人出席都算幾好

希望下年可以有更多人

和民 + 海鮮 + 利是錢

今晚第一次去淘大開左無耐既「和民」食野

食飯時間都唔洗等位

始終呢個舖位都唔係咁方便

今晚仲拎埋之前經Gobuya買既海鮮

佢既松葉蟹長期無貨

所以都係要左亞拉斯加長腳蟹

可以係星期六re-u既時候食

不過點食好呢？

今晚仲拎埋家姐幫手去換既20蚊紙

第一年派利是所以都係預足d好

應該會派剩掛...

傷健共融運動會 + 火煱

今日訓醒就差不多出發去將軍澳運動場幫手影「傷健共融運動會2011」

第一次去將軍澳運動場

係路上見到2009東亞運動會既地版

影完相就返左屋企同太太打邊爐

試左個麻辣湯底

幾好味

年宵？ (補)

因為唔知幾時年宵幾時開始

收工行左過去旺角睇下

結果真係無咁早開始...

好似隻雀都問點解咁早去

夜晚約左Emily、Alan、Tak Hung玩下聚下

Emily買左一大堆薯片上黎食

大家玩下吹下水成1點幾先散 :)

節日消費

今日下午感冒嚴重左

個人開始呆滯

最近感到物價真係升左好多

賀年食品貴左好多

今日仲要到戲院仲攪埋情人節套餐爭取節日消費

睇黎商界真係覺得港人消費力好強

小宗+V仔生日飯

雖然今日有d喉嚨痛

但係約左老婆既朋友食生日飯

所以都係出左去佐敦既「蘋果餐廳」食飯

比我想像中無咁好

因為d野食唔夠熱

車...

今年想試下有車既生活

開始留意下買車既野

有機會問下人先

見到開始有大陸車二月係香港開售

一手都係9萬

好似好低

Martin House Warming

今日起身去左試m記新飽

唔知係咪德福呢間整得唔好食

覺得之前係尖沙咀試過既「日和」好味過呢個「黃金」

之後去左青衣滙合Martin拎野去佢屋企坐下

700幾尺個感覺好實用好大

佢隻狗好活躍不斷咁同人玩

最後都係要留佢係籠度

5個月已經好大隻喇

當然唔少得打邊爐啦

張枱好大可以坐好多人

農曆年

今日放假經過德福見開鈶農曆年裝飾

都係傳統少少既花

今日係屋企執屋

夜晚仲整左渣喳花生湯圓

炒意粉

買左好耐既蝦今晚試下炒意粉

比我想像中好味

下次可以試埋帶子

公司禮物 + 想... 跑步 + 轉按

今日收到公司新「企業文化」吉祥物既禮物

由一個小環保袋送到各同事手

裏面裝左好多野

有水樽、環保袋、利是封、證件繩、座枱月曆、memo紙、筆

都幾誇張

收工諗住唔煮飯去跑步

點知去到遇到一個月有3日既租場... 無得跑

跟住去左KFC食新既「鮮魚柳飽」

比之前m記既日式魚堡無咁好食

去k記都係食雞好

去跑步之前其實仲約左citibank做轉按

雖然要罰錢但係都想搏一搏

而家轉按做Hibor Plan

H+0.8%, Cap P-2.95%

個Cap同我個浮息利率一樣

所以一定唔會輸

不過因為仲係第2年要罰2%

因為都係citibank做轉按

所以佢「好似」比d優惠比我50% off

如果個Hibor無乜點變

一年就可以罰息返本

聖誕禮物

今日返工收返之前飯團交換禮物既收穫

可以係AMC睇戲 :)

小人國大歷險

今日返工好似打仗咁

轉下眼就收工但係仲有野無做...

收工去左睇小人國大歷險3D

故事好簡單咁得個笑字

個3D效果好弱

如果唔係就地方就唔會選3D

放假

今日比自己休息一日訓返多d

有時間執下屋企辦下年貨

買左最鐘意食既曲奇餅同蛋卷

中午仲返左牛頭角執下野

希望係農曆年前執返好少少

返屋企仲見到日落

經過牛下見到個「風車」

雖然係國內會多d呢類野

但係係香港就幾特別

輝仔結婚

今日係輝仔結婚既大日子

六點起身就準備出門口做兄弟

仲有件幾得意既兄弟衫

因為要就吉時9點出門

所以接新娘時間比較緊迫

之後去「皇家太泙洋酒店」時間就變得較充裕

主要負責坐接待處

所以影既相唔多

午餐自助餐之後去左九龍公園影相

影完相就返屋企休息下

仲有時間煮飯食

沙嗲王 + 補禮物

今晚應該返屋企食飯

但因為天氣太凍

所以一家人出左去沙嗲王食晚飯

有紅豆味雪糕做甜品

之後去左APM行下

仲補反份聖誕禮物比太太

APM開始攪農曆年裝飾喇

打邊爐

今晚約左Ronald同Esther去打邊爐

係結婚前已經講不過之前好似無乜時間

所以都要等到今日

不過遲d應該多d機會

去左西灣河興東村$98任食

d野食唔係好突出

但係都唔算差

不過唔記得影d野食

天氣冷

最近天氣都幾冷

攪到周圍好多人氣管都唔舒服

大家都係休息多d補重身體

今晚返左去馬鞍山食飯

新界果然凍好多

都係返屋企暖d

返到屋企仲試埋之前小汶同阿ming去澳洲既手信

好好味！

輝仔婚前再聚飯

今晚收工去左旺角「常悅素食」食飯

今次終於齊兄弟

仲加埋幫手攝影同錄影既朋友 :)

創戰紀

今晚收工同文軒、田少去左旺角嘉和睇「創戰紀」

因為係3D關係所以比較貴要成85

星期二都要75

不過套戲比想像中好睇

雖然故事比較舊 (好多年前既故事再拍)

但係都算緊湊

值得一睇

IE 同學歡聚

今日約左IE同學聚會

先去MCL睇早場「愛情戀上癮」

不過套野都幾悶無乜內容

之後去左夏麵館食午餐

再返屋企玩game

竟然撰左「三國殺」

玩左一舖就轉玩「Monopoly Deal」

玩兩舖又轉玩Pictionary

最後竟然大家都去到終點

不過都係算左

玩完去左得寶食晚餐

不過間野d野食唔算特別好味

所以下次未必會再去

Gundam Expo + Andy Concert

今日成日留係屋企清潔

夜晚就返左屋企食飯

之後去左紅館睇劉華演唱會

見睇之前人仲有少少時間

所以去睇埋個高達展

大會預備左星型閃燈比人玩

個演唱會簡簡單單

不過劉華係咁扮型

好似過火左d

嘉賓有好攪笑既吳君如同唱歌好勁既林子祥