最後一天

終於到2006年最後一天
起身就去左鯉魚門打羽毛球
打左個半鐘左右d人就開始唔追波
原來我d體能都唔算最差果d
哈哈...


今晚去左睇傷城
原來真係有d血聲o架喎


睇完23:40由新世紀衝去奧海城倒數
剛剛好趕到倒數
祝身邊既所有人係2007年身體健康！


(奧海城都好多人呀！)

終於無咁勁

今晚再去靚煲皇食野
雖然打邊爐本應好heavy
但係個個點野都好留手
所以都唔算好勁
可以比個肚休息下

聖誕大餐三

今日雖然要返工
但係收工就一大班人去左增輝食飯
食飯之前仲去左朗豪坊飲野


今次「話」有「清淡派」同「種/縱肉派」之分
結果真係比以往清淡左少少
但係都有象拔蚌、蟹肉翅、三角蚌、鮑魚、黃金蝦
最特別都係老闆送既生果盤
勁好食！


今次抽奬同上年一樣
又係個人護理用品
哈哈...

聖誕大餐二

今晚去左小汶屋企整野食
好唔好彩咁佢返唔切屋企一齊食
但係我地都整左好多野食
我仲抽到佢份禮物添


大家都要身禮健康呀！

聖誕大餐

今日同文軒去左買電子防潮箱
$700一個都唔算好貴
不過要搵地方放就真係一個問題

下午就去左輝仔屋企整野食
上年整左薑餅
今年試整餃子同pizza
仲第一次開菠蘿
跟住仲要打邊爐
個個都食得好飽咁返屋企

呢個就係我地整既芝心批

見證

今年平安夜去做左次有關耶教既野 - 睇人洗禮
感覺上好簡單
亦都令我回想起以前去佛堂「入道」儀式
都係覺得宗教儀式好特別
但係睇就得... 要做就真係...

今晚仲去左大購物
係咁多年以來花最多錢既一個聖誕
可能係因為經濟好左
氣氛令人捨得花錢
雖然無係街渡過聖誕日
但係都好開心

放假

今日係三日半假期既首半天
好耐無試過七個人一齊玩
真係要長假期先約到
仲去睇埋「滿城盡帶黃金甲」

無乜戲情
只係有d大場面睇下
有d位無乜理由同有d無聊
為拍戲而拍
但係鞏俐既演技真係幾好

冬至

今日冬至加聖誕假前一天
好奇怪咁有兩個唔係好熟既人叫我做一d低調野
好輕鬆咁去左兩sections既聯歡會
攪到今晚食冬至飯唔係好食到野

失

今晚終於知道「切膚之痛」既內情
未肯定都唔一定係失去既
無論結果係點
健康生活先係最重要
仲有好多機會
努力！

今晚突然被人話
勁唔開心
唯有話比自己聽
失望代表有期望
被人話代表緊張
有壓力代表活著

休息

放左兩日假個人都係好攰
收工就返左屋企寫返呢兩日既野
但係泰國既相都係未攪
都係休息多d
過幾日先整

K Lunch + TST影相

今朝一早就去左K Lunch
係旺角街頭都有咁大隻聖誕熊


夜晚再去海港城
今次有攞腳架同闊鏡
點知去到突然感冒
結果影左好少就走


仲有影自拍(第一次post自己既相)


仲竟然比我地係光害咁厲害既尖沙咀目視到獵戶座


其他相係呢度
http://picasaweb.google.com.tw/mmcity/061217TSTNight

LEGO展 + 工展會

之前一晚搭車見到鑽石山有LEGO睇
今日就去左影下相
一去到見到有個小型頒獎禮
有衛蘭、鄧穎芝、吳雨霏等等


d LEGO多數都係大型
都影左少少相


夜晚仲第一次去工展會
感覺有七成都係賣野食
有少少似美食博覽



d相就放左係度
http://picasaweb.google.com.tw/mmcity/061216LEGOShow

冬意

今日天氣轉涼開始有冬意
夜晚去左大角咀「靚煲皇」食野
果度個「美濃骨」湯底雖然要成$138
但係好甜好香仲好大煲
一面打邊爐一面飲佢d湯
d豬骨好似食極都仲有咁
野食大部份都好食
可以再去食多幾次

聖誕歡樂小鎮

尋晚去左聖誕歡樂小鎮
今年好懶咁無返屋企攞腳架
所以用ISO1600係咁影
d noist都好勁
哈哈...


仲去左舊天星碼頭同海港城門口
但係都唔係好影到相
因為太多人同無腳架
其他相可以睇下
http://picasaweb.google.com.tw/mmcity/061209Xmas

墨攻

今晚去左睇墨攻
都算幾好睇
仲可以影下奧海城聖誕樹


仲好勤力咁寫返少少澳門同泰國既野

返屋企

好似好耐都無對過屋企部電腦
對上果個blog竟然係半個月前
前個星期無乜特別野發生
上個星期就先去澳門再去泰國
兩個地方都係影左唔多相
都係過幾日先post返上黎
寫返發生左乜事...
今晚都係訓多d先

泰國遊

29/Nov/2006 - 03/Dec/2006
去左泰國五日
團費$1399
保險、稅、導遊費合共付$2399
洗費$1951+$120
合共$4470
原來呢個價好基本

先去芭堤雅兩日
再去曼谷兩日
全心諗住去輕鬆
所以帶左好野影左好少相
d相都未整理好
感覺上泰國都算熱
買野平過香港
但好似大陸咁要講好勁價
泰皇係泰國人心目中地位真係好高

再遊澳門

今次相隔很短時間再遊澳門
比上次走馬看花睇多好多野
第一日有...
勁影觀光塔 (原來仲有忍者屋)
新酒店 - 利澳 (又抵又新值得推介)
日間漁人碼頭 (感覺又好唔同晚上)
晚上漁人碼頭 (今次去返去次無去既地方)
賭場遊覽 - 星際+永利 (永利個感覺真係好高貴)
第二日有...
氹仔大利豬扒餐包 (今次既豬扒比上次既好食好多)
澳門特色屋 (原來圖書館無左)
瑪嘉烈萄撻 (比想像中仲好食喎)
添發煲仔翅 (好有人情味既老闆)
議事亭買手信 (今次買好少野就算)
再遊漁人碼頭 (到一到就走左)
回程



d相放左係
http://picasaweb.google.com/mmcity/061126MacauAgain

黃雨

今日竟然有黃色暴雨信號
大雨過後我地既維港又有好靚既景色


尋日同今朝去左F&A
知道多左好多Finance既野
仍然都係見到有好多掛名「經理」
不過竟然遇到一個感覺好好既經理
如果公司多d呢類人就好好多

心情好無聊
食左大半盒麥提沙
勁飽...

2006和黃家庭同樂日

今年係第四次去做幫手
一日裏面既天氣有晴天、陽光、陰天、雨天
第二次見到成哥
成日係度四圍派雪糕券
結果都係剩低好多食唔晒

舊生會

今日去左尖咀皇上皇個舊SPL飯局
去到見到寫住「HIT舊生會」
感覺好有趣又好親切
大家都放低公司、部門、職級既分別咁吹水
雖然有大約四分一人
都係係我做之前走左所以我唔識
但係個感覺都好好咁
大家都覺得半年或者一年攪一次都好好
見到「朱仔」、「蔡仔」同「昌仔」都玩得好開心

蒲苔島

尋日再去蒲苔島
今次行左好多地方
有全港最南既「南角咀」

仲有個人幾鐘意既「靈龜上山」

今次比上一次行多好多地方
除左「海螺石」同「佛手崖」
有去埋睇「棺材石」同「巫氏別墅」
行左三個鐘個個都好攰

失算

PDC最後一日
海逸既感覺都幾好

今日去YICT同HIT參觀
YICT人專程安排新排試操作比我地睇

仲送杯比我地
反觀我地就乜都無
仲要無乜人招待佢地

上堂既人都好參差
有一d好senior好有經驗既人
有一d title好好但係完全無能力既人
個course節奏可以再快d再講多d野會好d
總係覺得咁既價錢應該要更加好

原本諗住中午左右離開YICT
所以約人去游水
點知原來要二點先走
返到去成三點半
結果無得游...

新聞

今日都算幾多新聞
明年加薪 (唔知加幾多)
西部通道 (出年回歸記念真係用得？)
恒指又迫近萬九點 (竟然仲反彈升咁多)
陳太被提名世衛總幹事 (只等通過同意)
美國大選 (共和黨終於失勢)
昂平纜車開幕 (我都去左而家先開幕)
水星淩日 (下次係香港睇要2032年)

今日阿sir話behind schedule
遲左落堂
有野要返屋企做
聽日仲要八點開始...

第三天上堂

尋日個lunch原來係扒房食
主菜個雞扒都幾好食

今日一返去就有得選午餐
又係唔知係乜
結果今日問人
選左個吉烈石班
又幾好食喎

除左食
呢兩日上堂既內容都比較悶
好似year1上d物流堂咁
自己睇都得

餐牌

今日上堂食自動餐
下午個tea break完左就派聽日既menu
等我地選定好就d
點知見到個menu「好似」分左頭盆、主菜同甜品
「好似」係因為第一個字係唔係頭盆都唔肯定
跟住個menu就...
全張紙大約有60字
明白既大約有15個
勁無奈... 勁文盲...

今晚睇左地海傳說
同影評一樣差
故事唔完整
節奏無緊張過
內容都算悶
吾朗都要努力d學習

死亡筆記 - 最後的名字

今朝去左睇死亡筆記2
感覺上好似有少少長
大慨係因為監視期間要花一d時間去交代
比1差少少
但係都算係一套唔錯既戲
返屋企前仲去左大掃貨
買左一大埋野返屋企食
哈哈...

返到屋企仲整埋上個星期去大嶼山既相
http://picasaweb.google.com/mmcity/061029360

身體檢查

尋日跟公司去左做身體檢查
結果...
血壓 149-83
脈搏 81
BMI 20.4
脂肪比例 11%
骨質量 -1.6
血糖(飯後) 8
膽固醇 Lo

原來有高血壓同骨質疏鬆
等我飲返多d奶同食多d豆先
哈哈...

重陽節

今朝一早七點就去飲早茶
話晒都係幫阿爸做生日
跟住返屋企再訓過

下午兩個人走左去游水
第一次之去佐敦谷嬉水池
第一次玩水滑梯
都幾攪笑

夜晚去左九龍城創發食飯
一湯、一魚、一雞、一菜、鵝片、蠔餅、糖水
埋單$975
做左水魚比人劏...

大嶼山一天遊

今日去左大嶼山一天遊
08:00出門口搭巴士
09:25到昂平纜車車站 (比想像中少人，無需排隊)
09:40昂平纜車出發！ (都幾定幾靜，不過有少少熱)
10:05到達昂平
11:45寶蓮寺食齋 ($60位)
13:00到達大佛
13:50搭巴士去大澳 (原來之前去過一次)
14:05到達大澳 (炭燒雞蛋仔好好味)
16:10搭巴士去東涌
17:15去東薈城outlets (好無誠意既outlets，一d都唔覺得平)
17:55再見大嶼山

感覺上昂平纜車都幾好
成日都唔算話好多人
可能d人去左登高
之後見到有local tour都要二百幾
其實差唔多...
(d相唔攪好，遲d補返)

渣打紅利出糧戶口

之前見到渣打有出糧戶口優惠
今日終於去左開新戶口
主因係...
-係公司用渣打出糧會早一日
-戶口優惠可以係22次免費搭地鐵或者$300百佳現金禮券
(仲有比儲蓄戶口高0.5%利息)

原本諗住要NDS Lite所以申請信用卡
但係無帶入息証明所以申請唔到
都係諗多諗$8800簽賬又真係唔易

最近覺得個blog好似好慢
尋晚直頭係post唔到comment同new post
結果打完既post就係大空中消失左...

eIPO結果

今朝一早返公司就即刻睇下工行抽股既結果
再一次抽唔到添...

今日收工有免費普通話堂上
點知去到勁多人
機本上教唔到野
只不過係一班人係度一齊讀野
讀錯左都唔知

世貿中心

今晚去左睇「世貿中心」
成套戲如果要總結
可以話係睇兩個人係度傾左一日
怕悶就唔係好建議去睇...

再練

繼星期六朝去游水
今晚再去多次
結果都係覺得好似唔係好識游咁
好似要重新學過咁...

食野既時候仲見到DRM
唔知係乜就可以去睇睇
http://defectivebydesign.org/en/node

今晚仲試過circle-K既巨峰提子味軟雪糕
都真係幾好食喎

練習

好耐都無做運動
今晚去斧山跑圈
原來八點係咁多人
跑左七個就收工
睇黎真係要練返多d

今日係公司竟然又有蛋糕食
有時office既人都真係輕鬆d

食飯

今晚同小汶、阿ming、Rio、Gary、阿展、Michelle、Fony同Alan係意粉屋食飯
好攪笑咁有個連隻錶都未除保護貼既侍應走黎話想推介
跟住只係推介左「先用黑椒後用蜜糖整既雞亦」就無其他推介
食完飯竟然有蛋糕切
仲好開心咁收到個袋
即時記得自己其實想買個袋好耐
咁啱收到勁開心:)

eIPO

尋晚諗起工行招股
今朝返工即刻填
用eIPO都幾方便

廣告

今日睇到一d新戲既廣告
呢兩套都幾吸引
地海傳說 (26-10-2006)

http://tv.sina.com.hk/cgi-bin/nw/show.cgi?id=e45ba4449945a5eb

死亡筆記：最後的名字 (03-Nov-2006)

http://movie.sina.com.hk/cgi-bin/mv/movie/main.cgi?id=2078

係公司既存在感越黎越弱
聽日都真係要追一追野做

美夢齊源

尋晚去左聽任賢齊同黃品源演唱會
舞台好簡單
但係有車、有船、有鴛鴦 (..")
唱既歌都係舊歌為主
亦都有彈結他同吹sexphone
仲有請聽眾上台

多謝

雖然都係覺得無乜特別
但係都多謝各方朋友
Sharon, Cherry, Hazel, Cherry Chan, God, Ming, Ada, Kin (依時間序)
仲有Amy, Ivy, Fai, Karen, Pong 同無意間發現既Polly

今晚食左兩次飯
仲終於買到套衫
哈哈...

貓巴士

今日竟然收左架貓巴士
雖然唔肯定係乜野歌


星期六去左南生圍影既相終於整好
http://picasaweb.google.com/mmcity/061007NamSangWaiPhotos

追月

訓左四個鐘就去左南生圍影相
感覺無特別
唔會點建議人地去
如果想影景(湖、天、草)
去濕地公園好d
如果想影雀
聽人講米埔會好(雖然南生圍都算近影雀地方)



行到一點半左右先到巴士站
好急咁帶住訓左四個鐘同行左一朝既身體
返一返晊企又再出發去海洋公園

今次係第一次去哈佬喂
去左太凶異域、荒廢校園、血獄地府、吸血殭屍舞會、猛鬼衙門
只係去唔到幽靈焚化場
感覺果幾個鬼屋既排隊時間都幾長
但係屋入面既時間好短下
值唔值就睇唔同既人
仲玩左跳樓機
感覺上上次去韓國果個好玩d
整體上都算幾好


返到屋企都成一點幾
都係影埋個追月先

中秋

(終於有時間寫返之前d野)
今日中午人地老闆請食飯
去左陶源酒家食個中式套餐
不過好似都幾貴

原本收工約人去買相機遙控
但係朝早屋企人先話成中秋飯
所以五點好準時就返屋企
去左觀塘廣場一品香食上海野
好食又好抵

出到去好急咁去睇遙控
點知發現部機一撥去遙控mode就無b快門選
上次問人都好似話得
都係要問多次先得

之後去左打機同睇書
所以無係屋企影月亮
改左係旺角街頭影

睇相

今日收工去左睇人地d相
歐洲既風影都好靚
不過有d國家好似多數都唔好天
去果時要碰碰運氣

今晚追月
月亮光度又強左
所以要呢張 - 1/125s, F8, ISO200

夾時間

想去個短線旅行都好難
兩個人既時間都好難夾下
九月講到十月
十月又要改到十一月
而家可能要改到十一月底
真係希望個training滿曬
咁就可以十一月上旬去到 .."

家姐部電腦又死
都唔知係底板定harddisk有事
今晚買個新harddisk返去諗住一定得
點知隻牛又無SATA power out
又要再去買線...

今晚個月亮又圓多左d
仲要夜左
影左幾張都係覺得少少under先睇到多少少details
結果係... 1/60s, F8, ISO200

第一天

十月既第一天工作日
唔洗打卡既感覺實在太好
中午仲有人請食飯
叫左勁多野又食剩好多野
下午仲有冰皮月餅食
不過就因為要執埋以前個位
攪到遲左先走得

今晚個天頂幾清
影左月亮相...

國慶假期

趁住國慶假期
一班人返左大陸玩兩日兩夜
差唔多乜都無做過
只係返去食同訓
玩都好少玩
不過最唔好就係攪到人地無得訓
都係自已太執著一d唔應該執著既人同事

軒友飯

今晚同朋友食飯
原本真係唔知每個人點諗
個個都好似怕好多人唔好咁
都係叫佢地想去就去
結果都有8+2個人食
都幾好
主角仲比人「整」左野
影埋相今次一定有排講
哈哈...

今日中午原本諗住同班同事一齊食飯盒
但係之前都無同oic食過飯
結果都係做衰仔自己走左去食飯
仲有兩日
但係仲有好多野要做...

小組飯

今晚去食gang3小組飯
上次因為腸胃炎所以去唔到gang2果個
原來連大大佬都有去上次果個
今次都有小風波
有個不太受歡迎既人今日話去
但係最後都臨時唔去
見其他同事不斷咁幫佢改花名都幾攪笑
不過點都好
都係過多三日就唔會再對住呢個吃力不討好既地方

今日公司仲發生左一件幾大件事既野
件事大到係有機會出唔只一張warning
更嚴重可以係有人事變動
但係... 其實都係一個遲早發生既事
作風同處事手法真係需要改變一下

小聚

今晚約左個差唔多成年無見既朋友食飯
吹左一個鐘左右
佢真係上進好多
性格上真係幾唔同
但係都好講得埋
但係竟然都話想開報紙檔
同我爭飯食
哈哈

九月廿三

唔經唔覺昨天又係九月廿三
咁又o係公司過左一年
原本諗住搵以前個阿頭食餐飯
結果又搵佢唔到
聽日返去搵下老闆秘書食飯先

今日同班朋友玩settler
仲有五星期咋
努力！
http://www.boardgamegeek.com/game/13

充實的一天

今朝八點半就起身去左游水
游左一陣已經覺得好攰
大慨係體能仲未完全回復

跟住約左朋友去玩三國志大戰
不過勁輸又無特別卡...

玩完食完野之後就返工
點知返到去見到勁多人返工
想搵個位坐都無
攪到要去飯堂坐
但係之後又有好多野要做
攪到又要成八點半先可以食飯

收工仲同班同事去咖啡灣燒野食
佢地買左勁多海鮮去燒
仲叫左個船公司既人去
有成十二個人燒
結果比我想像中遲走
返到屋企己經四點九...
都幾攰，哈哈...

哈勃太空望遠鏡

今晚終於睇到「哈勃」
可以係佢十一月落之前睇都好


今日終於聯絡到個朋友
聽落都幾辛苦
可幸都算樂觀
希望時間快d過去
佢快d好返

聽晚開始又返b
可以搵下料去旅行
哈哈...

放假

今個星期因為腸胃炎關係
差唔多日日都返屋企食飯
比平時留係屋企既時間應該「多」左三倍
不過好多時間都係訓覺
感覺好似放左一個星期假咁

昨日有朋友打黎話去唱k
結果去左剛開但係仲未裝修好既瓊華neway
間房竟然有三個電視同四支無線咪
都幾好喎


今日仲去左幫手影相
好耐都無影過野
仲見到三間電視台既錄影隊

仲有半個月

今日已經十五號
仲有半個月就「可能」會參加一個兩年既培訓
雖然未收到正式通知
但周圍既人比我仲早覺得已經落實
點都好
係而家呢個小組已經年半
雖然唔係話好有感情
但係可以睇到既野有好多
面對既人都好唔同
雖然得到既都唔係一d對resume好有用既野
但係對自己既眼界黎講都唔錯

再一次

昨晚諗住早d訓
但係訓訓下就要起身
要再去睇醫生
又係急性腸胃炎
四個鐘疴左六次
疴到有少少脫水
結果攪到今日要攞假...

冬眠

今晚都係選擇冬眠
要快少少好返先可以去探病

真係覺得自己無盡力
如果唔係就可以去睇戲同整個好少少既blog

今日發現黑玉子唔見左條毛巾！！！

美食團

週未又去左大陸食野
今次去左「忍者居」食鐵板燒放題
食到一個個殼好軟既蟹


第二日個晚餐仲豐富
去左「創鮮」食自助餐
好多野都好好食
值得推介！
最令人難忘既係個湯

閏七月十五

今晚係閏七月十五
如果唔係閏月已經係八月十五

落街見到個月亮又圓又大
不過理論上要到十二點個月亮先到頭頂
屋企向西
要到成點先可以影到...
都係訓多d算數

平靜

今晚去左同朋友食飯
大家都好似無發生任何事咁
吹下水玩下magic
盡量輕輕鬆鬆咁玩
七個星期既時間
一定要輕鬆去面對

個感冒都幾重
成日坐左係位都唔知做過乜
真係想攞日大假想息下

電視劇情

昨晚十二點幾收到個好友既電話
原來有人得左重病
今日收到既消息更加突然
完全唔覺得會係現實中發生既事
上個星期先食完生日飯睇完戲
今日竟然係咁
心情沉左一沉...

今日去左順發食生日飯
個粥同個湯都好好味

又係華碩

今次又比華碩玩
上次係CD-rom
今次係底板
呢個係我繼samsung後
又一個唔鐘意既電腦品牌
可惡的ASUS A7V8X-X

http://www.asus.com/products4.aspx?l1=3&l2=13&l3=62&model=227&modelmenu=1

生日飯

最近真係比較多人生日
今晚同人食生日飯
可以以低價買到想買黎玩下既filter
遲d可以試下玩人造藍天同日落
加上又係星期二
可以睇平既death note
套戲比我想像中好
但係就夜左少少
哈哈...

電腦展

今日去左電腦展
比起上年感覺上多人好多
有時想行都行唔到
見到部Kodak V570只係賣2390仲送1GB卡
又諗起家姐想買部相機
問完佢就幫佢買左部機
又細又係黑色感覺幾好
http://www.dcresource.com/reviews/kodak/v570-review/index.shtml

王力宏蓋世英雄演唱會

今晚去左睇王力宏演唱會
對上果次去睇演唱會都超過五年
雖然有好多王力宏既歌都唔係好熟
但係現場氣氛好好
多才多藝既佢表演左好多樂器
有電子琴、結他、鋼琴、鼓、小提琴、二胡
感覺都幾好