放假

今明兩天消大假休息兩天

原本想去整車但車房話要時間諗如何不拆引擎燒焊

所以要等消息

與此同時今早已放相到網上放車

不過感覺唔多反應

可能放唔出就繼續用住先

下午留在家處理義工的文書

實在太多太煩

做一年可能就放棄做幹事了...

晚上天氣仍然很冷

太太整了彊母茶花生湯圓

好暖好好味

SMD + 香港冬日節

今朝9 度低溫下

bB會攪左個川龍飲早茶及幫Ka Lok慶生日活動

估唔到咁凍都有24架車34個人到... 勁

飲完茶先到汀九影相點知比人趕

再到青衣影

係川龍飲茶仲遇到YPL收工同事飲早茶

中午回家整理一下最近的義工活動

14日裏竟然有34個地方要人幫手影相

好大機會搵唔夠人幫手...

晚上約了文軒、Pauline、Cissy&Michelle到中環影相

先到IFC的Simply Life食晚餐

再到立法會外的香港冬節影相

今次的規模比幾年前真的細了很多

不過今日有迴旋木馬作招來

聖誕樹亦比以往短很多

不過幾個人嘻嘻哈哈咁又過左一晚

Merry Xmas

家姐新屋 + 維港遊 + 尖沙咀燈飾 + 月全蝕

今朝約家姐去幫手度尺

一早起身買早餐過去一齊食

叫做初步度好平面圖等1月或2月取單位裝修

下午到了旺角逛逛

看一下結婚禮物及聖誕禮物

之後便去尖沙咀幫手影相

第一次到「維港遊」的船上

船上都幾靚亦有介紹維港兩岸景點

影畢後與太太會合到尖沙咀睇燈飾

途中遇到Jess&Andy, Rita&Wilson, Bob一家人

週末大家所到的地方亦差不多

四處外都有好多人影相

回家的時候抬頭一看就到月全蝕

天色好清時間亦方便

今次月全蝕應該係近數十年最多香港人可以觀看到的一次

回到家之前還清楚看到了食甚

好紅好大的月亮

Ruby Tuesday

今晚約左小汶、Rio、Michelle、Gary去德福Ruby Tuesday

我覺得如果唔係有5-6折的話

呢間店好貴好唔抵食

一個意粉都要219

一個沙律都要78

一班人傾下講下都坐左兩個幾鐘先走

油塘行山

今朝與Ronald、Esther、文軒同油塘行山

因為時間關係

我們只是上了炮台就往藍田下山了

今Shell有優惠v能量油與普通油一樣價錢

晚上專程開車去入滿了

港、九、新界一天遊

今朝返工花了大部份時整理電郵

收工就回家食過午餐再到港大與友人影畢業相

第二次駕車到港島

走了很多錯路

港島真的很難走...

影了個多小時就出發去屯門買水果

除了於市中心停車場見到有bB

於路上亦見到

新界區真的較多bB

之後再去籃地耀哥屋企燒烤

住獨立屋真係幾寫意

最後送埋Jenny返荃灣再返屋企

爸爸出殯

今朝11點多就到世界殯儀館做儀式

大慨有舖靈柩及蓋棺

12點半左右就出發去鑽石山火葬場

送爸爸最後一程後再燒埋神位及衣紙

最後就到黃埔食「英雄宴」

雖然我到現在都唔明點解要回黃埔...

各方親友有心

現代守夜

今晚幫爸爸攪「守夜」儀式

朝早7點9出發去博愛

9點就領遺體

之後交比殯儀公司化妝

4點半才要到儀館

感動地比我想像中多朋友到來致以慰問

有文理同學、HIT舊同事、太太教會朋友及籃球波友、玩game朋友等等

亦有同事送花牌來到

過程中有不同儀式及幫手燒東西

所以時間過得很快

差不多9點半就完成所有儀式

一條巷4間房10時許已經走清

現代的守夜都算簡單

雖然簡單辦過儀式

遺憾的是爸爸享受人生的時間太短

大部份時間勤勞地工作養育我...

放假

今日開始一連放三日假

朝早清潔一下屋企

下午就出去買野

經過花園街見到火災現場好多消防車

放火既人真係無人性

結果買了上次漏買的白襪

還買了禮物給太太

舊波鞋的鞋底已報廢了

所以還買了新波鞋

經耀哥介紹仲有7折

再整車

昨天早上開車

發現車底又有偈油

所以收工再去土瓜灣交比車房再整

今朝繼民話可以搵到個$700幾油底幫我換

所以今晚可以取車

取車時與繼民談左一陣

他發現油底上面的引擎部份有裂痕 (影埋相比我睇)

認為這個是漏偈油的主因

他幫我補了但不肯定可否防漏

建議放左架車...

啓德發展區

今朝找了之前的裝修師傅梁生檢查熱水爐的電制

發現是入牆的電制壞了

花了200連工包料

連續第二日破財

之後去了荷里活享用一下三小時免費泊車

身份証共有4個1字

2個1真係無難度

原來啓德發展區辦了一個展覽

介紹一下行人區及鐵路的連接

夜晚回家煮飯

與太太及家姐一起食飯

整車

今日收工開車去土瓜灣車房搵亞民整車

初步睇話應該比石頭整凹左

令到機油箱變型導致機油滲漏

要拆機油箱整回原型人工1100

入機油要600

2條皮帶到期要換350

結果問佢可唔可以平d就減少少合共1850

要整一日所以星期一晚拎

點知留左架車係車房後

5點半又打比我話整好

結果6點左右又可以拎車

個機油箱油漬清左同回復返

機油用了全合成的

皮帶無特別影

幫我清潔了引擎倉

感覺好好多

需雖都好似好貴

但係安心左無漏油部車又靜返

只好當花錢買個經驗

其實最近都幾黑

今晚屋企個熱水爐電制壞左

結果只有少少熱水要用凍水沖涼

聽日又要搵人整...

人情味

今晚約家姐食飯

等家姐收工時點一下公司收到的帛金

估不到竟然有111位同事做了帛金給爸爸

特然間覺得公司各同事好有人情味

已將大部份帛金給了家姐

漏油？

昨晚由馬鞍山回家時

看見停車場泊位地下一片黑了

不知是否bB漏油

今晚打完籃球離開前

開前一個車位後看看地下

真的有黑色液體於地上

好大可能係漏油

要搵車房幫手睇睇了

一週年

今日結婚一週年

比去年少了一個家人

所以都無特別大慶祝

只是與太太一同去廸士尼遊一遊

雖然香港廸士尼開幕5年

今天還是第一次去

因為有一張義工贈卷

所以花了350以香港居民優惠買了一張入場卷

到入口時比我想像中少人

到之前聽很多人說香港的廸士尼地方很細

的確比海洋公園細

對從未到過任何廸士尼的我來說就無感覺

但此廸士尼給我的感覺還可以 (雖然未必會再去)

排隊亦未算等很久 (多數只是排5-20分鐘)

亦不需走很遠才到景點

還可以睇「簡單」的煙火/煙花表演

多謝太太這一年來的體諒及關心 :)

堔水埗遊

今日太太帶回林牧師的心意咭

謝謝林牧師

下午同太太到堔水埗走走

買了白事用的衫褲及鞋

亦買了香薰機

可以放濕又可以令屋企清香一點

bB會遊精品店+麗坪道影相+BBQ

今日抽不到海洋公園門票

改為參與bB會活動

先到沙田的Wilson精品店

途經科學園一條天橋

見唔多車就停於路邊影相

之後到麗坪道影Magic Hour

上山途中遇到隻狗衝出馬路

險些撞到牠

上到山花15買貼紙

HDR的Magic Hour

之後去了小欖燒烤樂園BBQ

燒畢就先走了

Tracy Wedding

今天原請了假去Tracy的婚禮

但因爸爸的事所以不去了

祝Tracy新婚快樂、白頭到老、永結同心！

一連四天假期開始

潛逃時空 + 回顧一星期

今晚與太太及家姐去了看「In Time」

故事用「時間當作貨幣」點子很好很吸引

帶出了一些內外表、價值觀、人性、本末倒置等的思考

亦不斷強調「一天已經可以做很多東西了」

可惜部份內容不太合邏輯... 有超人片感覺

不過都好看及值得推介

基本上這個月都盡量平淡些

多數時間都留於家中

所以無特別更新

10-Nov 打籃球

11-Nov 幫家姐整電腦

12-Nov 荃灣買結婚禮物送朋友

13-Nov 家中清潔 + Mega Box購物 (原來現在假日要消費400才免兩小時泊車)

14-Nov 買西褲

15-Nov 馬鞍山食飯，不幸發現好朋友的家人過身... RIP

爸爸頭七

今晚爸爸頭七

收工即刻返屋企預備燒衣

等家姐收工大約6時半左右開始燒

因為除了殯儀公司的一套還另外買了很多

結果燒左2個半小時才燒完

有街坊回家見到就慰問一下

亦有回家見到就急急腳返屋企閉門

有街坊開門見到想上香

亦有開門見到就話唔可以燒仲去管理員投訴

真係各類人都有

願爸爸一路好走

殯儀公司

今天放假中午左右到紅磡的「金福壽」殯儀公司幫爸爸的身後事定細節

基本上定左12月1號守夜2號出殯

地點於世界殯儀館

貢品用潮洲模式打本地齋

整個殯儀服務大約4萬3

後晚星期三頭七亦會燒衣...

地質公園一天遊

今天與太太、輝仔、Candy參加了公司舉辦的「西貢地質公園」一天遊

可惜文軒唔舒服去唔到

由九龍塘搭旅遊巴到西貢上船

經「吊鐘洲」到「糧船灣」行一行就11時許食早飯

之後到戲肉經過「花山」看「眼鏡洞」及「破邊洲」

不過隻船搖晃得很利害

所以影得不多相

之後到了「滘西洲」行一行

應該是有時間所以安排

最後到了「鹽田仔」

上次到沒有人介紹

原來入口那顆樹可稱「通天樹」

因為內部受真菌侵蝕所以通心

又名「通心樹」

休息

今天繼續留在家中休息

讓自己靜一靜

晚上回家與家姐談一下

星期一就去與殯儀公司談安排

繼續上班 (補回)

如果不是約了會

如果這期不是這麼繁忙

今天應該已經放假休息一下了

原來深水埗青鳥都即將結業了

不過這裏較好

可以將儲值金額退回

買書亦較平宜

30元一本的賣10

35的賣15

當然要整套買

十一生日會+爸爸走了 (補回)

今日中午同事係11月生日之星攪了個生日會
有耀哥、Rita、大添都是11月生日

食物有燒乳豬、Pizza等

第一次試了黃肉西瓜

其實昨夜已經心緒不寧

頭痛得很利害差不多整晚也睡不到

今晚收工探爸爸時

爸爸情況急轉差

需要吸4L/m氧氣而且還發燒

醫生說他的肝發大頂住了膽管導致發炎

明天要做手術加支架支撐膽管

家姐說醫生問了她爸爸情況很反覆

問如果有事時我們想盡力搶救令爸爸支持幾小時還是讓他舒適點走

眼見爸爸辛苦了幾星期所以家姐都答了舒適點走

醫生開了退燒藥但仍未退燒

爸爸亦有很多痰

7點半時當護士幫爸爸打了退燒藥時

爸爸開始呼吸困難

我們見到立刻叫護士

護士亦立刻打電話給醫生

期間爸爸沒有了呼吸動作

護士亦沒有做些什麼

只告訴我們爸爸心跳不繼下跌

手執爸爸的手不繼叫爸爸亦沒有反應

醫生到了亦看了看出來就說沒有心跳、心壓及朣孔亦放大了

醫學上爸爸已於19:44死亡

只是過了一會兒爸爸的手亦開始冷了

醫院的人幫爸爸清潔一下

等了一個多小時就陪到爸爸最後一程到殮房

家姐病了 (補回)

這個星期一家姐開始感冒所以請了2天病假

怎料今天肚瀉所以又要看醫生請病假

她亦未能到醫院探望爸爸

下午家姐打給我時

提到爸爸昨晚打給家姐問新牀怎放

看來爸爸的思緒一直很混亂

當到醫院時

看見爸爸坐於牀上吃麵包飲牛奶

但看見他很難才可以吞下麵包

手亦很難才可以將麵包及牛奶遞到嘴邊

花了差不多半小時才可以食了一小個餐包及3分之1包牛奶

爸爸的精神很差

未能跟我們談話

身體亦好像發熱

但護士探熱後又說沒有發燒

VPT Committee Meeting (補回)

今天因為之前答應了邀請當VPT Committee

所以要到西營盤開會

因為不了解港島的路

花了半小時搭電車所以遲到了

可惜的是感覺會議形式化

只有數位主力發言但意見不一

當提及活動無人參加時

亦覺得會中無凝聚力

真可惜...

休息日+醫院遊 (補回)

今天請了一天假

早上休息及略為清潔一下屋企

下午就到「聯合醫院」取回上次借的玻璃片

之後到金鐘「嘉諾撒醫院」還玻璃片

還片後就乘22元巴士到「博愛醫院」

整天到了港九新界的醫院

今天爸爸的精神很差

思緒很混亂

跟我說為何讓屋企裝修成類似卡拉ok

亦未能與我們說很多東西

國內喜事 (補回)

今天未到6時就起牀

出發到東莞參加太太表弟的喜日

之前已經註冊了今天是接出門及喜宴

回到去竟然未出發接新娘

所以一起跟了出發

到出發場地竟然見到20多架車組成車隊

各車於車牌上亦貼上揮春

亮著危險警告燈一齊出發

主花車還很誇發地佈置上很多東西

接新娘時都有不少「玩意」

有人噴汽水、擲雞蛋、用熱水澆花、燒炮杖

回男家敬茶時

亦與香港所見有所不同

一班長輩坐下新人先敬一輪茶

敬第二輪茶時長輩就送上禮物或利是

但竟然是即時開禮物及利是

讓在場所有人知到利是銀碼...

晚上的喜宴接待亦不同

新人到接待處拍照接待

差不多開席才到宴會場地

當晚有差不多50圍

雖說5時恭候6時入席

但要7時左右才開始

不過上菜速度真的很快

8時就上畢而賓客亦開始離去

食物很豐富所以很多廚餘

「老有所為」頒獎禮 (補回)

因為今個星期很多晚都到博愛

所以整個人也很累

今天早上可以休息個夠

到中午就因為之前有空報名

所以到了九龍灣為「老有所為」頒奬禮幫手影相

很多記者為港大交長徐立之不續約來訪問嘉賓梁智鴻

同場亦見到舊同事Samson與長者演出非洲鼓表演

黃昏時就出發去博愛了

今晚爸爸清神亦不太好

只可以與我們講一兩句說話

多數時間亦要休息

品酒班

今晚收工去了品酒班的下集

主要試紅酒

因為步驟與白酒差不多

所以分別只在於葡萄、產地、酒莊等

返到家中太太買了小禮物給自己

多謝 :)

今日收到Alan message

謝謝關心

Halloween Dinner

收工到博愛見爸爸情況亦不錯

但比昨天累很多

可惜的是又開始說些難聽說話...

今晚到了又一城Amaroni's Little Italy與AAA食飯

17人中有5人是10生日都幾多

主題係Halloween都幾得意

每月聚餐 - 十月

昨晚探爸爸已開始有好轉

由星期一的每分鐘4升改為2升氧氣

中午醫院亦幫他沖涼

精神好多了

雖然爸爸大部份時間都訓覺

但久不久開眼時都可以講到表達到

今晚收工再探爸爸

他己可以坐於牀上

精神更好了可以清楚表達了

希望爸爸可以食多點東西

只坐了一會兒就去了流浮山食飯

去到已經8點3已是最後一人了

大家立刻開餐

今次都有奄仔蟹食不過味道無之前咁好

狂風落葉咁食左100分鐘左右大家就好飽咁走人了

返到家中見到新聞報導曼谷水浸

估不到一個香港人經常到的城市都會有這般大規模的水浸...

Light Field Camera

今晚再到博愛探爸爸

爸爸比昨天好多了

今天好像可以飲食

不過我們到的時候只是不斷的訓

久不久開眼講數個單字

希望爸爸身體越來越好

今晚看回之前的新聞

看到之前的Light Field Camera已有實物

亦有這些「光場照片」可以試

http://www.dcfever.com/news/readnews.php?id=5832

https://www.lytro.com/living-pictures

第一次買Apps

今日下午家姐話爸爸整日無食任何野

連水也沒有飲

所以身體非常虛弱

爸爸身處元朗所以叫救護車送到博愛醫院

因為上次更新IOS5所以沒有了Papago

又怕害權仲被多收錢所以沒有再叫他裝

回家有wifi就花USD14.99買了再出發去博愛

見到爸爸時神智不清了

食不了飲不了聽不了講不了

連眼晴亦要很花力氣才可以掙開...

想法做了不孝子......

bB車仔 + 中銀咭禮品

今早3時許收到家姐電話話爸爸於廁所跌到

家姐話唔夠力扶爸爸起身

即刻換衫返屋企睇睇

好彩爸爸無撞親

扶他的時候的一句「對腳無晒力」

百般感受湧上來...

扶他起來坐一坐就抱他回牀休息一下

因為要返工所以返屋企想息多一陣

結果都係訓唔到

今早8點幾再收到家姐電話

爸爸想到廳坐但不夠力抱他出房

但係公司要返去都成半小時

後來家姐只是扶他坐於牀上

爸爸只是想食口煙

收工諗住返屋企睇下爸爸

但家姐話爸爸被接到元朗

所以自己出外走一走

買了兩架bB鐵車仔

還到油麻地取了信用卡禮品-26寸旅行喼

還於禮品中心買了118的紅外線溫度計

前一晚諗住睇但今朝取消的「3兄弟」

回家之前見爸爸不在家所以去買戲票

比想像中好睇

有緊張、有笑位、感人劇情

值得推介

品酒班

今日收工買粥回家比爸爸食

始終胃口不好

只是食了半碗就不食了

體重仍然下降

之後去了九展上「品酒班」

第一次參加這類課堂

兩小時很緊湊地試了5種白酒

課堂提到了葡萄種頪、握杯方法、釀酒地區及方法、聞/飲的步驟及表達方式

亦沒有好hard dell賣酒

210兩堂值得推介

指骨扭了

今晚打藍球的時候

突然間尾指好痛

一看之下發現尾指指骨第二節向外扭了60度左右

之後休息時拉下尾指「拍」一聲指骨回位

只是聚了瘀血於第二節已經算幸運

川龍飲茶 + 龍門郊遊徑 + 鐵甲鋼拳

今早九點半就約左朋友去荃灣

一齊搭小巴去川龍飲早茶

原來全自助形式

包括搵位、茶具、茶、點心

味道尚算不錯

之後開始步行2km去「龍門郊遊徑」

郊遊徑全程5km

期中會經過三條小橋

亦會見到荃灣及青衣地區

亦會有不少昆蟲

亦有不同種類的植物

下午行畢後回九龍灣睇「鐵甲鋼拳」

之前聽其他人說好睇

自己睇完亦覺得不錯

有緊張、笑位、父子情、人生目標

值得推介