九龍城晚餐 + 搬車位 (補回)

今日放假終於留係屋企整理下d好耐未整既野

結果攪左成日可以睇返一次d結婚相

下午又花左2個鐘抺膠水穢

忙左成日夜晚就約左小汶阿ming食飯

去左九龍城「創發」食野

每人105

之後仲去左「合成」食糖水

因為今日係月租最後一日

新月租又未用得

所以呢幾日又要日泊得寶

再見喇... 淘大停車場

轉停車前仲比太太試下揸

睇黎要試多幾次佢先有信心

壽司餐

因為月尾關係

今晚等太太收工已經9點幾

諗起附近有間日或野有特價壽司$48有6款

兩個人叫左12款都係106埋單

仲要係即叫即整

窩夫+油卡+夜診 (補回)

今晚收工去左旺角行下

發現原來三國殺有好多其他版本

唔係官方既可以叫「民間」

有one piece版、火影版、女將版、女優版...

好多都好攪笑不過賣得唔平

食完晚餐後去左食窩夫

都係之前係gobuya買落試食

之後返左屋企開業主會

仲終於等到張油卡寄黎喇

開完會見太太唔舒服

即刻上網搵夜診

結果搵到佐敦有得睇就出左去

睇完返到屋企都成1點幾

停車場

今日返馬鞍山食晚飯

試下泊爛地停車場

結果2個鐘比12蚊

如果泊返恒安可以免一個鐘

都只係13蚊

下次都應該會泊返恒安

Winten囡囡

今日約左一家人去Winten屋企探下佢囡囡

3個月大健健康康都幾好

花卉食坊BBQ

今朝陪太太返教會

中午就約左輝仔同candy去燒野食

諗左幾個地方最後都係去清水灣花卉食坊

雖然要130一個人

但係無其他什費地方又近我地多d

去到仲發現d野食幾好味

感覺良好

夜晚諗住去西貢食下糖水同行下

點知入到去好多人好多車

所以都係返左輝仔屋企吹水

馬鞍山下午茶 + 荃灣羽毛球

今日下午去左馬鞍山同媽媽飲下午茶

順道拎左個小焗爐返去比媽媽用

之後去左翠豐臺Siu Har屋企打羽毛球

樹熊兄仲送左個電烤爐比我地

復活節假期

今日開始復活節四天假期

中午清潔一下之前除去茶色玻璃紙既膠水穢

比想像中難清潔

攪左成個幾鐘先整好少少

睇黎要整多幾次先可以清理好

下午約左文軒、Emily同Alan玩

玩左一陣Magic

再玩Settlers of Catan

仲玩埋三國殺

好快就過左一日

夏天開始要拎個新風扇出黎用

原來係15倍增風

不過比想像中嘈

牛下既工程繼續進行

樓下翻新都拆晒d野

自助餐

聽日開始係復活節假期

結果都係多野做到6點先走到

收工之後去左富豪東方酒店(舊機場酒店)食自助餐

比想像之中多人

兩個人用dbs咭有65折所以462埋單

野食普通未必會再去

臨收工同豪哥講開

佢又申請左Cafe-One張會員咭

下次可以問佢借去cafe-one食好野

「健康龍城嘉年華」 + 洗車

今朝起身見到牛下已經剩下最後一座

而家既視野好左好多 :)

下午報左名去幫手影相

地點係黃埔

見停車場都貴貴地就不如拎架車去洗一洗同打蠟

不過都算幾貴要844一次雙重

之後去黃埔幫「健康龍城嘉年華」-「安全使用抗生素」其中一個參與機構

「愛+人：賽馬會和諧社會計劃」影相

第一次只係幫成個活動其中一個機構影

好多野都無需要

反而要幫佢跟住港大faculty影

唔係好似服務機構...

三國殺

今日約左朋友到屋企玩三國殺

大家都識玩又果斷

所以節奏都較快

玩左9次計分

玩完就去左珊瑚堡食飯

呢度既好處就係任坐

出菜同埋單都好慢

野食都接受到

樓下大堂已經整左5日

唔知仲要整幾耐呢

參觀天文台 (補回)

今日下午去左天文台總署參觀

雖然以前都去過一次

但係印象已經好模糊

介紹既時間唔算多

但係聽下見下都知多左野

Pizzaholic

今晚想休息多d

所以拎左之前經Gobuya買左既外賣返屋企食

Pizzaholic既野雖然係平

但係味道一般

太太話好似以前「陽光一代」

屋企數下大堂開始裝修

原來個樓底係非常高o架

SPL舊生會

今晚係一年一度既SPL舊生會

竟然有成39人出席

係攪左四年最多人既一年

平平地每人250聚一聚都幾好

我諗我識一半人左右啦

打邊爐

今日同舊ST同事係屋企打邊爐

估唔到大家都買野上黎

好彩大家慢慢食都食得晒大部份野

今日成日去廁所

尋日真係飲得多左少少...

整車 + Thomas結婚 (補回)

今日收工去左屯門搵阿棍去check下車同換油

去到都真係幾多人

有人係我地之後黎到師傅就叫佢4點半先黎

我架車就換engine油、換波箱油、換火咀、換風格、清brake粉

唔知仲幫我check過乜

共收1100好似唔算貴

不過佢見到brake碟有少少問題

會影響踩brake時個呔會震

所以提議下次諗下換brake碟同皮

下次就行多5000km先算

因為整車都攪到4點幾

返屋企放低架車就去會展參加Vanessa同Thomas既婚宴

IE同學主要坐埋一圍

大家都飲好多下

我地又係全場最遲走既一圍

D人走晒我地仲飲多5支

忠哥退休飯

今晚去左美孚富臨食忠哥退休飯

都有10圍人

亦見返唔少退左休既舊同事

今日仲聽到福康last day

唔通係因為有退休人仕去左做就要走？

「栢檔」海南雞飯

今晚落左淘大試「栢檔」海南雞飯

d野食比較油膩

38蚊既飯不過雞比較少

九龍城遊

今日下午又開車去九龍城行下

順便去吉之島10蚊店同特賣場買野

泊車去左美東邨6蚊一個鐘平好多

返屋企既時候順便入埋油

又300

又食日本野

今日返去好似打仗咁

個個都忙到無停手

多數返早既同事都留到6點先走到

收工等埋太太就去元氣食野

始終都係元氣好味d

租車位 + 大埔仔遊

今日終於去簽臨約租車位

經地產租左宏光樓2樓一個單位

月租1500比淘大平1100一個月

絶對有動力令人行多幾部租遠d

不過要5月4 號先可以用

仲要比半個月租做佣金

夜晚去左輝仔同Candy屋企食飯

好好味既肉丸同炒菜

自己開車真係快好多

比以前花一半時間就返到屋企

返大陸拜山

今朝一早6點3就出門口去東莞拜山

仲早過平時返工起身
部份墳搬到新地區

拜完山食埋飯就去姑媽屋企坐

見到佢地種左豬籠草

好大顆

因為呢個星期訓得唔多

今日仲要早左起身

所以成日都唔夠精神

今晚要訓返夠

返去搭火車既時候見到有d好靚既花樹

加埋今日既藍天感覺有d似係日本火車

愚人節

今晚收工開車去食飯

因為好攰所以又唔想走咁遠

結果選左MegaBox

停車場差不多要到頂先有位

泊左車就去左利寶閣食晚飯

有鮑魚、片皮鴨、蝦球、什菜煲

其實好近

開車10分鐘左右

自己去可能要半個鐘