倒數一年

尋晚去左攞份正式保單

保險比左個福字曆

今年唔洗周圍搵

係朗豪坊見到聖誕燈飾好靚

今日係大日子倒數一年

中午去完飲茶就去左鑽石山買野

之後仲去埋樂富吉之島睇衣櫃同書櫃

點知唔肯定個尺寸要度完再去

補相

最近天氣都比較凍

天色都唔算好好

但係之前定左既活動都如期實行

星期六日去左西頁過夜

係西灣亭出發經過水塘

個水塘d水好清

尋日去左昂坪+大澳一日遊

有人唔想坐水晶車箱

唯有一班人扮野

成日只有一個鐘既藍天

係昂坪新設既指示牌

好多相都未整理

都要搵d時間攪攪

裇衫 + 花球

今日放假去買裇衫

原本聽朋友講諗住去尖沙咀買

點知遲左15分鐘先到間舖就無人

打電話去佢話要十幾分鐘後先返

等夠半個鐘都唔見人

結果走去左金都買

買完裇衫就買埋花球

又係好求其咁睇左相就買

選左個感覺高貴少少既馬蹄蘭拖尾花球

露營準備+會展

今朝去左借野預備下星期露營
今次幫手拎個6人營同兩個電營燈
加埋睡袋就已經好似好多野

食完野去左會展睇展覽
結果係TSL買左對戒指
睇埋Modern Classic既package同之前報既一樣
之不過係個sale提早比左個會展價我地
係裏面仲遇到凱威
加埋佢話遇到eddie
都有d朋友差不多期結婚

之後去左大決活食日式火鍋
d野食都算ok

單車+BBQ+新電話

今日朝早去左踩單車

踩左2個鐘就去大埔交車

跟住又去大尾篤燒烤王食野

不過天氣都幾熱

夜晚仲去左大埔食糖水

仲參考埋阿ming意見

買左部雙卡雙待既電話 - K-touch A665

近況

呢個星期都比較多野攪
所以之前既相都未整理好

星期二去左跑步
好耐無跑所以要慢慢加圈數

星期三食公司飯
聽返原本係諗住攪馬生飯
但係攪攪下變左公司感謝宴

星期四去打波
去既途中跌左部電話落水
第二日都開唔返
無晒d電話同行程
遲d仲要去買機

今晚拎左副新眼鏡
今次試下用膠眼鏡

之後仲去左睇下peggie試妝
好彩佢話感覺都唔錯

挪亞方舟

今日參加左週年員工旅行
先去左「挪亞方舟」

個人覺得比較吸引既只係其中一個展館 - 「方舟多媒體」
入面有4D影片同比較多資料睇
不過唔比影相
「生命教育館」係一d簡單既互動活動
「地球館」主要比小朋友睇
「方舟花園」d模型好普通
「跨越奇園」要預約
所以... 未必會再去


下午就去左流浮山食飯
之後去左「朗原濕地」行一行

原本有得任食既豆腐花
因為無牌經營取消左
要自己比錢先有得食

又過一年

今日放假輕鬆一下
點知都係要做公司野
好彩都做左d自己野
配左新眼鏡
仲要左好味蛋糕返屋企食

魂@香港 + 重陽節

今日下午去左奧海城既模型展 - 魂
上年係尖沙咀既感覺唔錯
但係今日搬左去奧海城
展出既野都少左好多
所以行10分鐘就行晒
「紅蓮可翔式」


除左今朝同阿爸去飲早茶
夜晚仲去左「陵發」打冷
4個人叫左5餸1粥
不過好似多左味精同胡椒粉

教堂+影相公司

今日去左澳洲牛奶公司食野
第一次要排隊
不過都係等左5分鐘就有得食

之後去左佐敦睇下間教堂
雖然好似細少少
不過交通就好方便
可以的話都會選呢間


下午就去左睇影相野
上到「羅浮宮」佢就係咁問book左酒席未
跟住話酒樓送既現金卷要用原價
用完仲無野送
結果仲貴過佢任何一個package
服務態度冷淡
所以放棄現金卷都唔想係果度影
最終選左去葉sir間野到影
雖然都幾貴...

之後就去左經過幾次話想試既「香之香讚歧烏冬」食野
d烏冬都算幾好食


之後搭車見到個廣告
除左唔睇字唔知佢賣乜外
重有好重既不協調感

秋泳

星期二約左文理同學仔去食飯
之前去左新世紀廣場睇一睇個鬼屋
都幾多人排隊


今日去左科大游水
天氣開始轉冷
可能係今年最後一次去游水
見到hall3既宣傳都幾靚

一家人

今日原本係「一家人」黎坐下
點知由三點改到差唔多六點
大家都好忙
「團年飯」真係好重要


今次又係食唔晒
下次要預少d野食

決定日子

今日終於決定左日子好地點
跟住又有排預備喇...

D9異形禁區

今晚同文軒、Carinna去左睇戲
基本上係一套卡通片
簡單既理念加埋外星死光槍
都算不過不失


第一次去Element睇戲
張椅會係大聲既時候震
幾特別
睇完戲仲見到Jessica
原來大師將會係11月結婚
其實上次約食飯得4個人
都好難再約到好多人喇...

準備

今日比人問起一d好專門既問題
差唔多全部都唔識
只可以怪自己準備唔夠
以後都要努力d準備多d

補相

星期一去左聽Hocc演唱會
紅館裝修後第一次去坐
外面都整左


入面d椅好新 (不過都係頂腳)


Hocc出場

整體氣氛都幾好
不過佢既歌真係唔夠商業
所以好多歌都唔熟識

星期二同黃生黃太去左增輝打邊爐
88蚊任飲汽水任食部份食物
雖然選擇唔多
但係比起佢既海鮮真係平好多
送既一人一隻聖子王

一年一度 - 壽司正

今日同上年一樣去壽司正食野
雖然好感覺好似舊左
但係野食都算唔錯


仲收到鏡頭清潔套裝同M&S既小食
多謝晒 :)

無間道之 洗腦

好攪笑既發展
竟然叫個同事交名做無間道比佢洗腦
佢自己既固執竟然期望其他人改變主意
6對1都仲要堅持
自己唔啱心水要攪到其他人出爾反爾
又話要synergy要多d人但係又唔包某d人

無人交名又要捉我去洗腦
印像只會越黎越差吧

飯局

今晚同Fony, Jeep, Gary, Ming, Siuman去左德福意粉屋食飯
仲食左個幾好味既朱古力慕絲蛋糕


呢排老闆short左
成日發脾氣又迫人改野
又講人地公司辦公室好多政治
佢自己對我好已經好好
點解梗係有d生活o係自己思想世界既人係高層

休閒日

尋日放假好休閒咁去左「翠園」飲茶
比想像中細不過d野食好好味


夜晚同班同事出左去尖沙咀影日落加夜景
仲順便影埋花燈

中秋節快樂！ Bonny & Leo Wedding

祝大家中秋節快樂！

今朝去左文軒屋企坐下玩下卡卡城
之後就去左薄扶林既「伯大尼教堂」參加Bonny同Leo既婚禮
係去既途中巴士有問題所以全部人都遲左先到
最後因為要趕返屋企食飯所以同唔到對新人影相
個名比較記

入面都幾靚

佢地只係租左個場地
婚禮都係無宗教既儀式
原來可以係咁

原本諗住夜晚去影舞火龍
但係因為比較攰
都係明年先去
有興趣可以去睇下人地講解
http://www.fotobeginner.com/986/tai-hang-firedragon-2009/

國慶60週年

今日全部活動都同國慶有關
朝早08:50就去銀行排隊買銀紙
今次比上次回歸銀紙好既係假期開賣
所以我都可以去買
仲多大多左兩隻小遊戲玩


之後下午就因為國慶
所以10月生日既人都可以拎到兩張免費戲飛


晚上就係國慶煙花
今次既「中国六十」好難影
最好都只係得呢張

轉貼「主管欣賞的人」

好少轉貼，但覺得呢篇野幾好
原本可以去葉sir個blog睇睇
http://hk.myblog.yahoo.com/alain-yip

===========================================
在職場上，苦勞不會成功，其實企業最欣賞的人才，是具有高度 common sense 的人，就是要 work hard, work smart, work happy 特質的 A 級人才。
小芬與小美畢業於國立大學企管系，同時進入一家中型企業，擔任企劃專員的工作。小芬做事努力認真。小美每天嘻嘻哈哈。
1年後，小美獲得主管升遷，委以重任，小芬則只獲得象徵性的加薪鼓勵。

這讓小芬非常不平，認為小美工作又沒自己認真，反而落得一場空，於是遞了辭呈。
就在小芬工作的最後一天，總經理找小芬晤談。公司正在考慮該買什麼中秋禮送給客戶？
總經理說，「小芬，可不可以請妳到南門巿場跑一趟，看看有沒有賣大閘蟹？」小芬搭計程車到南門巿場。過了20分鐘，小芬回到辦公室，向總經理報告，「南門巿場有賣大閘蟹。」總經理接著問她，「南門巿場的大閘蟹怎麼賣？算斤？還是算隻？」小芬一臉茫然，無法回答。於是又跑了一趟南門巿場，30分鐘後又回來報告，「南門巿場大閘蟹算隻賣，每隻350元。」
總經理聽了之後，當著小芬的面，把小美找了進來，並吩咐小美，「麻煩妳到南門巿場去一趟，看看有沒有賣大閘蟹？

小美立即出門。過了1個多小時，小美回來了。見她拎著兩隻大閘蟹。向總經理報告 「南門巿場有兩家攤位賣大閘蟹。第一家的大閘蟹，每隻平均4兩重，每隻賣350元。第二家的大閘蟹，每隻平均6兩重，一隻550元。我建議，如果總經理自家食用可以買4兩重的，肚白、背綠、金毛，看起來很新鮮。如果總經理要送人，我建議買6兩重的，看起來比較有分量。我各買了一隻帶回來給總經理參考。」

總經理向小芬進一步說明，「小芬，妳很認真沒有錯，但是妳並沒有思考這項任務的需求是什麼？只是一個口令一個動作，得來來回回好幾趟才能把一件事情做好。而小美呢？不用我多交待，一次就把事情搞定，她不僅蒐集了完整的巿場情報，甚至也提出建議與分析，協助我做為判斷的參考。」

在埋怨自己際遇比不上別人之前，大家會不會檢討一下，問題是否來自自己？
============================================

自己上進心真係唔多，唔會為左不平而請辭，只會為身體健康，唔洗咁激氣

國慶節目

今日全港都有好多慶祝建國60年活動
去左黃大仙幫手影相
竟然見到之前係工聯會攝影班既Sam Lau
之前都有見佢參加左東亞運攝影義工
原來佢都加入埋攝影義工隊
仲叫埋DCArea既師兄去
所以今日好多好多人影相

在晴朗的一天出發

今成終於出發去計劃左一段日期既山頂影下相
出發前係office影返張藍天


以前凌霄殿天台係唔洗錢既
不過而家改左名叫「凌霄閣摩天台」就要收錢


不過我都係覺得係山邊既景觀好d
雖然有煙霞不過都算過得去

Justin 生日飯

今晚臨時參加Justin生日飯
去左深水埗既「小菜王」
叫到成枱都係野每人都係90蚊
抵食過增輝好多
成班人講下笑食下咁開開心心又一晚
仲有「娜姐」紅酒飲

免費電影 + 中秋採燈

最近係電腦雜誌見到有個新建網頁
提供合法免費電影
雖然而家唔算好多戲
但係都可以去睇一睇

http://www.goyeah.com/index.php

好耐都無去影過相
就黎中秋就應該去影返多d
睇報紙有：
日期：即日至10月4日
地點：西九龍海濱長廊

日期：即日至11月1日
地點：尖沙嘴文化中心露天廣場

日期：10月3日 晚上8時至11時
地點：維多利亞公園

有無人有興趣？

UST午餐

今日放NPL約左以前科大department office既人食午餐
之前仲去游水
天氣好好

係呢個咁熱加埋d人唔鐘意留係度既地放播野？

佢地都無乜點變
不過以前小數既TM
而家變左多數
反而EM唔夠人講野寫野
同埋而家改變到可以有1/4人去exchange

Hazel生日飯

今晚同Hazel補食生日飯
兩個月之後又見到Hari
精靈左好多
不過仲未識講野
飲奶都眼仔look look

未識講野
不過手腳就係咁動

游水班聚餐

今晚同以前學游水班同學食飯
原來有人已經係呢兩年結左婚仲有個1歲既仔
恭喜晒
佢地既話題已經轉左為小朋友生活同名校入學
果然生活層係有分別

八號風球 - 巨爵

今日係呢年第一次掛八號風球而又影響到大部份上班人事

之前兩次都係晚上掛零晨除下

不過呢個風都令到我地公司有損失

支出都好大

佢行得咁快令到好多人都手忙腳亂

游水

星期四同今日都去大游水
今日仲係科大撞到阿水同家裕
估唔到係唔算多人去既泳池都可以撞到識既人
原來阿水隻耳仔有d問題
希望佢可以快d康復啦

休閒星期天

今日返左科大游水

游完之後好休閒咁行下科大

見到d學會收緊會員

仲見到百佳同co-op shop都搬左去LG7

LG4除左個band room仲多左個音樂房

影印房都搬左去大門口

火氣 + Micro新機

唔知點解
最近好多人火氣都好重
好容易就會發火
大家都係小心d

當Olympus既EP1吸引唔少人想買之後
Panasonic都出細部既Mirco機GF1
仲要Leica同時出埋支微距
d發燒友又要破財喇...

http://www.dcfever.com/news/readnews.php?id=3299