藍天白雲

今日見到久違了既藍白雲

收工食完野就返左屋企拎相機去影下野

自己太野蚊喇

結果比蚊咬到手都震晒

無陽光既相都部手震...

隻雀走黎走去

唔夠技術去處理個背景

夜左少少好多時都有黑雲

難得有陽光既一張相

之後諗住去影下日落

臨日落既時候起雲

影下雲景

休息

脫左智慧齒兩日

到而家都仲腫

食野都仲係唔係好方便

聽日返工都幾麻煩

智慧齒

因為隻智慧齒攪到個口又發炎又痛

所以好急咁星期一打去book牙醫今晚脫智慧齒

book左20:30但係朋友話早少少去排隊

所以就1900去到

結果醫生遲到要成21:20先到

最終攪到22:10先走 (我仲係第一個，走果時仲有7個人)

點解醫生咁遲都咁多人？

最主要係因為平

之前專科要5000

但係呢度全包都只係1200

平好多好多

好多謝阿良、明理、Cherry提供牙醫資料

輝家visit + 朱古力香蕉蛋糕

今日去左輝仔屋企坐下

二樓連天台都幾開心

空間感都幾好

夜晚仲試埋出既朱古力香蕉蛋糕

都幾好食

葉Sir

今日睇返先知早前葉Sir有大事要處理

原來係指「出家」

祝「常霖」大師早日收成

之前係佢個blog都見到「器官捐贈」

遲d都登記埋先

www.organdonation.gov.hk

星期一晚開始感冒

第一次感冒會周身痛

今日個身終於唔痛但係到喉嚨痛

轉睇第二個醫生睇下會唔會好d

新野

呢兩日睇返近期既雜誌

見到有d野幾得意

「夠買網」

http://www.gobuya.com/index.php

主旨係利用「團購」取得折扣

雖然之前有幾個都出名少少

但係呢個話會每日不同

「透明屏幕」

http://chinese.engadget.com/2010/01/07/ces-2010-samung-14-inch-oled-netbook/

Samsung係CES 2010發佈透明屏幕

雖然透明度唔似睇戲咁

但比起以前CG既相

呢個真實好多

展覽

今日要返全日工幫手

好彩遲d有得補假

原來星期六下午都幾幫幾多野做

收工之後去左睇展覽

其實都無咩特別野要睇

主要想睇下訂旅遊巴幾多錢

結果都比想像中貴...

結果係會場申請AE信用咭

年底酒席簽脹再比多$1600就可以換到兩張日本來回機票

仲有美心晚市75折

今日天氣仲要幾好

下星期睇下有無機會睇下相

Sigma 8-16mm F4.5-5.6 DC HSM

今日見到defever介紹支Sigma ultra wide

加埋倍大率都有12-24咁wide

定位都有吸引力

不過Sigma要$7,800都幾貴

牙齒檢查

今日去左檢查智慧齒

問下大約要幾錢

診所話因為隻牙完全橫生

所以要睇專科牙醫

要成$5000

有無人知呢個價貴唔貴呢？

今日係今個星期唯一一日走五點

訓勉人食飯

今晚約左同婚禮既訓勉人食飯

係咁比人問問題

好似上多次輔導咁...

是晚去左朗豪坊食飯

呢個鐵板叉燒幾特別

但係只得6件

Tak Ming Wedding

今晚去左BA德明婚宴

少少地6圍枱

無特別放相簿亦無主持

有少少似一班朋友一齊食飯 :)

Jess and Andy Wedding

今晚去左參加Jess and Andy婚禮+婚宴

佢地既回禮禮物係糖果

都幾靚

原本個証婚係8點

之前都預左律師可能遲到

點知個律師離譜到差唔多9點3先到

跟住話落雨唔好意思

就係佢喇...

原來仲要係公眾人物

証婚完Jess講野都講左句

「好多謝大家係落雨都咁準時黎到」

跟住全場掌聲雷動！

之後個律師每枱都去講對唔住...

海盜

今日臨收工聽到有隻船無重新拉纜

所以可能令到隔離碼頭隻船泊唔到

跟住搵人上船同大伙講

個大伙竟然問有無禮物!!!

海盜入侵香港呀...

最終都拎左d野比佢

叫做清下d公司野

Farewell Steven

今晚Mak Yu幫Steven攪左餐Farewell Dinner

其實比我就真係唔會攪

不過叫到常都會去

今次去左觀塘「龍皇海鮮酒家」

叫做係由「總師令幟哥」經營

味道唔錯不過價錢都算幾貴

10個人埋單3500

http://www.dragonking.com.hk/about_01.php

建築面積 + 實用面積 + 可用面積

其實幾年前都睇過有關報導

不過久唔久同人講起其他人又好似好肯定咁

再搵返呢段片比有興趣既人睇

http://hk.video.yahoo.com/video/video.html?id=311862

大致都係

建築面積包括會所、走廊，每戶都分擔公共建築

實用面積係單位外圍計，包括露台、花槽、牆身等

可用面積可以當地毯面積，但係唔多地方有提供呢個資料

E&M開倉 + 清潔

今日中午去左新蒲崗行下

見到文理門外連安全島都無左

之後去左工廠區睇E&M開倉

去之前都諗緊約唔約埋Ivan

點知去到遇到佢地... 都幾啱

仲知到埋Chris都攪緊結婚

最後睇下買下都買左200蚊野返去

到時可以裝飾下接待枱面

之後返到去仲清潔埋個浴屏

睇黎真係要2、3個月清潔一次

星路歷程 + Cafe TOO

今日食完飯去幫手搬野

跟住就去左尖沙咀睇天象廳節目 - 「星路歷程」

其實原本想睇「史前海怪」多D

但係就唔啱時間

點知呢套又比想像中好喎

之後行多陣就去金鐘等人食自助餐

之前聽朋友講過話Cafe TOO幾好食選擇又多

所以見到有優惠就約人去試下

唔知係咪次輪晚餐既關係

所以無龍蝦仔同長蟹腳

野食都有星級酒店既水準

但係感覺上又唔係太特別

不過都算平... 215一位

Sogo + 屯門 + 荃灣K

今朝連續三日假期

朝早去左睇下電腦相簿既排版

之後就去左Sogo行下

25週年全場有折

不過都係唔想拎所以無買野

中午去左屯門同婆婆飲茶

之後去荃灣睇下金

金價回落小小去到11,xxx

都係時候留意下

晚上約左去唱farewell K

自己買左一打啤酒上去混埋一齊飲

除起上黎都平返少少

不過都要成232一個人

都係星期四

星期一有人話見到天文台預計星期四落雨

所以改約星期三打波

結果星期三落大雨

反而今晚無雨... 可以照打

打完波收到文軒婆婆消息

唔太辛苦都不算太差

部門Farewell

今日下午突然被通知將要去BA接手

竟然係只剩下日半既時間先講

仲要未清楚邊個接返我d野...

今晚部門組別同Sharon食Farewell飯

去左屯門三聖食海鮮

好多野食又好味

先黎一隻燒鵝

再黎油鹽水煮蜆、豉油王煎蝦、豉椒炒聖子

跟住仲有6斤既海斑炒球+蒸頭腩

一人一隻8頭鮑

鹽焗掩仔蟹

下午開始落左好耐大雨

返到屋企見到被清洗完既維港天空

初步慶祝

好耐都無去食壽司

今晚去左「元氣」大食一餐當初步慶祝

跟住仲有食海鮮、自助餐...

葉問2

今朝去左睇「葉問2」

同「葉問」都有笑位、打鬥位、做人道理等

今次多左少少舊香港特色好似以前既貪污同報紙加圖等

無第一次睇既新鮮感但係都算唔錯

APM大型翻新

唔知係咪整大電視睇世界杯呢？

下午就係屋企玩下game

海盜game開始時有新鮮感

但係一局都玩幾耐下

今日都係無去投票

社會太多矛盾同衝突都係唔係咁好

仲要花左我地太多錢

小汶生日飯

上個星期density又高、渡箱又有問題、ITT Platform又唔夠人

所以短週都返左工

今日3樣野都無問題

原本諗住唔返

點知又因為無人返所以要返

唉... 一個部門做黎做去都係果30%既人

真係可以長久？

原本約左去睇電腦相簿設計

又攪到去唔到

收工約左小汶補食生日飯

希望佢隻眼快d好返啦

之後仲去左太古行左一陣

Sony NEX-5 & NEX-3

繼Olympus同Panasonic之後

Sony都出4/3 System既可換鏡DC

仲要一部比一部細部

不過Sony呢部好似細得有少少過左火

加左鏡頭之後有少少「頭大身細」既感覺

NEX-3仲誇張

運動

呢幾日又好似涼返少少

見無落雨就走左去跑下步

對上一次好似係半年前

之前因為太多工作

所以個人成日好似好攰

都係要做返多d運動先可以神精d

荃新天地

中午去左太子食點心

點心唔算特別好味

但係即整幾好

之後去左金都租褂

睇左三間之後

最終都係選左成日參加婚紗展既「榮華」

650都算中下

最重要都係合眼緣

之後仲去左「荃新天地」買「東海堂」八折現金卷

第一次去個中庭都幾大

忙

今日原本係短週休息

但係density太高亦有好多野要跟

所以訓左5個鐘都要返工

下午做義工又臨時提早左45分鐘

攪到無時間食野

影到overrun少少都要走先去食野

可能太攰關係

所以影相都無乜心機

之後去左麥記食野換左隻FIFA杯

返屋企前見到個幾warm幾「開心」既場面

夜晚小汶同阿ming黎開九龍灣

順便講下柬埔寨既資料

仲試下玩隻新海盜game

Farewell Bowl

今晚同IE同學食飯

主要係Farewell即將出發去「以色列」

都約左成17人

同時亦同五月份生日既人食壽桃同蛋糕

五月之星有Mandy、Siuman、同Chi

無下雨的星期四

今日終於無落雨喇

但係都係無去打波

因為原本諗住落雨所以約左去探人

大家都好似睇得好開

但係想得太多反而會負面

希望大家開開心心咁過埋餘下既日子

安心

終於可以係七月前成功安心

朋友請辭後可以確保有足夠收入

年尾肯定可以去旅行

貼紙

今日有時間就係浴室貼返之前買左既貼紙

買左唔係好多

所以只係夠貼少少點綴下

雖然呢兩日天氣好返好多

但係煙霧都算多

打藍球

因為連續幾個星期四都落雨

所以今朝大家都頂唔住波引去打波

結果都係只有6個人

打左兩個鐘就攰到頂唔順

仲要比野咬左30口左右

下午就一班九個人一齊玩三國殺

多人玩都幾好玩

Eat Smart

今日收工前去聽左個talk

主要係因為上次同事話內容幾好

聽完感覺真係唔錯

提左食野次序、份量

又舉出邊類食物較好

仲講埋穴位同特別 keep fit 既運動

好實在

呢幾日突然又有一堆project要做

仲要係忙既日子做... 想做死人咩

九龍城食記

今日去左九龍城食野

首先係好鐘意食既「黃明記」

佢裝修左好似高級左好多

之後去左「豪華餅店」食蛋撻

最後仲去埋「公和荳品廠」食豆花

呢兩日都唔舒服

又多鼻水又勁肚瀉...

考試 + 酒樓

今日收工去石硤尾考MC

比想像中難

可能係因為太耐都考呢d野

之後仲去左深之都探下阿珠

見到深之都都越開越多呢類有關結婚既店舖

夜晚去左觀塘「聘珍樓」影幾張相參考

個樓底應該都有最少13呎

同埋確定到佢既基本佈置都唔錯

所以唔洗整好多野

住家飯

今日有朋友黎食飯

5個人可以煮飯招呼下人(都係要去買外賣餸)

華浩都差唔多要影pre-wedding喇

都係叫佢地當去玩就得

佢仲有興趣學影相

所以都講左d基本野比佢知

第二次team building

今晚部門組別第二次team building

比上一次時間控制好少少

不過都係over-run

「魔王」臨走前既team building其實都有d諷刺

雖然佢抄我之前講既debriefing內容

不過見佢就走算啦

有人講唔洗我講仲好

試新game

今日開左個新game黎試下

個game都算簡單

同埋有好多figures好得意

不過要花幾多時間玩

新大壽

今晚同Joyce、文軒同Ronald去左尖沙咀新大壽食飯

試左佢出名既箱壓壽司

第一口真係腥

但係之後腥味就無左

不過間野d野食都算貴味道算普通

星期六晚都唔算好多人

新玩具

今日第一次去YICT新大樓開會

感覺真係好大好新

但係唔算方便

係舊大樓過去車程都要幾分鐘

部洗衣機個拉門係上星期六爛左

星期一約大昌結果晚上時間要約到今晚

十分鐘換左個拉門收60

唔平

之後仲去左搵傑夫拎玩具

佢留左好多玩具比我

見到都覺得好多

唔怪到佢叫我拎個「喼」去啦

拎到唔好意思

拎返屋企之後勁攰

原來佢遲d要轉行賣貢茶

經過去幫親下佢先

Team Building

今晚組別第一次Team Building

竟然有兩個人都話自己唔會「抽後算賬」

果然係要騙人首先要騙自己

唔知有無人信佢地呢？

今次個Team Building雖然好似唔多Deliverable

又要大家留堂

但係見到一大班同事都玩得幾開心都算唔錯

魔王的下場

今日食飯收到風「魔王」終於要走去YICT

以後既日子終於可以好過d喇

新既阿頭點都應該好過佢

黃埔復活節 3D 立體綠色之旅

前日見到係黃埔有立體畫展出

因為之前只係睇過相

所以今日 (最後一日) 特地去親眼睇一睇

親眼離遠睇既話好似無乜特別

但係去到正面一睇或者影低

感覺完全係兩回事，幾特別

去到黃埔剛好遇到「世界衞生日2010」

係美食坊既蛋

好多人食野經過都無留意

是次展出最大型既南非大瀑布

好多人係度玩、影相

VPT迎新會

今日下午係新一屆VPT既迎新會

由於上年只係有19位義工離開VPT

所以今年新員會比較少

攪到迎新會幹事多過新會員

經過灣仔又有香港舊建築 - 和昌大押 (而家係「祇月」食店)

今次地點改左係灣仔溫莎公爵社會服務大廈

散步

尋晚終於完成晒English Editing Program既功課

可以輕鬆少少

今朝竟然搭唔到公司車 (以往會等到07:02先開)

未到7點望過去有架陽光巴士都覺得奇怪

跑過去差不多到既時候佢竟然開走

無奈咁行去搭小巴先聽到收音機「do」報時7點

搭小巴到葵芳諗住轉小巴

等既時候竟然見到葵芳車

第一次搭葵芳車返工

今晚約左Ada食飯比手信佢

食完飯見仲早就周圍行下

而家先發覺尖沙咀既地下通道己經好方便

睇戲

出發去旅行之前一晚去左睇「歲月神偷」

故事簡單感覺有少少似彩色版既粵語長片

主要關於一d親情同以往現實生活的苦與樂

今晚睇返套舊片「六樓后座2之家屬謝禮」

都係有少少關於親情

成套戲開頭都幾悶但係後尾都算唔錯

Happy Funeral 既概念同「善寧會」有少少相似 - 珍惜現在，積極面對人生