打波

今日又打波，其實最近真係好唔夠訓，個人好攰走唔到，成場都係行，哈哈...
雖然輸左，但係都係笑住黎打，敵隊就真係打得好緊張，但係又打得唔好，好攪笑。因為我地個隊得五個人，有一個foul out，結果四打五都只係輸幾分，哈哈...

燒錢

今日收工好急咁走左，因為約左朋友去燒錢，打三國志大戰，如是者一打7局，再打3局，咁就用左150大元，勁！
有用既卡係周泰，都算幾勁，哈哈...

休養

今日可以早d訓，休養生息，因為上個星期每晚都只不過訓左5-6個鐘
今日又打返電話去交錢，又去睇返有無一d漫畫未download，又去睇下個m&m bid發展成點，點知一睇就嚇親，竟然有野會去到17000分，咁樣要幾多包m&m，要食幾耐先食得曬？
我果36xx分，都係參加即刻buy，唔好同d人去傻

成像

其實有時d人話鏡頭成像高與低，我都唔係好明，昨天問朋友借左支50mm、F1.4 ，所以就可以用三支唔同既鏡，同一個設定睇下有無唔同...不過呢度post睇唔清楚，都係係自己部機post

今日派花紅信同加人工信，在於花紅同加人工幅度黎講，應該係滿意既，但係好可惜既係，最近實在做得幾唔開心，越黎越覺得點做都係咁，其他人都係鬥耐性，睇下邊個睇唔過眼出手去做先，咁樣做真係好灰

十二月飯團

今日中午出左去元氣食野，夜晚又去左深水埗食海鮮，返到屋企就疴，其實昨晚都好似有少少腸胃炎，今日仲食埋d咁難消化既野，等疴...

昨晚臨急買左份禮物去交換，心諗可能會比人話「行」，點知原來咁受歡迎，仲有人問我係邊度買，哈哈...

世貿會議

今日係世貿會議完結倒數第二日，又係星期六，返到公司既時候已經聽到好似有事發生，原來示威終於都變成動亂...

赤口！？

今日都唔知乜事，先有開會兩個同事對街外人講唔同野，後有同事大聲向另一位同事投訴，再有兩個同事高聲不和，結果都係麻煩。

早左返工開會，結果得唔到結論
原本已經多野做，又要介入投訴
諗住收工，返到屋企仲要跟不和事件

唉... 今日仲利害過赤口

休養

好耐都無update過，其實上個星期去左台灣，返黎之後要繼續做返之前d野，成個星期都無整理過d相同張枱，今個星期返中班，終於可以整理一下。

埃及個遊記都未寫完，遲d仲要寫台灣，點算？
台灣相昨晚開夜車終於整好
部電腦個harddisk又滿左，要燒碟放返d位出黎
今個星期都好似有d野做

(原本重要的日子都變得不重要)

旗海

呢張係食完飯，去左錦田鄉村俱樂部，佢地剛完左十年一次既太平清醮，好有特色

濕地

呢張係去流浮山食午餐去海邊濕地影魚仔

公司旅行

今日去左公司旅行，原本八點半要到荃彎出發，但係唔知醒，結果差d去唔到。
第一站係想去左好耐既廸欣湖，但係去到勁多人，d野雖然保養得好好，但係d花就謝曬，天色又灰暗，都唔係好歡樂既景。
跟左仲去流浮山食午餐，錦田鄉村俱樂部，元朗恒香餅廠，跟住自己一班人去左大榮華食野，四點九去到等五點派飛，又係勁多人，不過幾好食，仲好低食，食到個個都好飽咁走。

Photo Imaging Asia 2005

I have gone to Photo Imaging Asia 2005 after work. After suffering from traffic jam, I have arrived there at nearly 1900. There are not many people inside and I can walk freely. Perhaps it is not many attractive shows and products at night and most people had completed their visit at that time.
That is also a good chance to experience many new DC such as Canon EOS 5D, Canon 1Ds Mark II, Ricoh GR Digital, Olympus E-500, Panasonic FZ-30, Panasonic FX9, Sony R1. Most of them are quite new that I only saw their picture before.
Three gifts that I like most from the show is speed-light bound, 2006 calendar, memory card holder.

市場研究

今晚去左幫人影相，個講者原來係最大既市場研究公司高層，講左五個佢覺得好重要既要點：
1, Customer Centric
2, Business Model
3, Positioning
4, Substainable Competitive Advantage
5, Powerful Analytics
都幾認同

仲定議到何為市場研究同佢既目的：
問題->解決
機會->把握

中奬

平時無抽奬運既我，今日竟然中奬，仲要係人地幫我填好野，我寫返d資料就中左$50現金券，真係奇怪

突然間

話說上個星期影完相，突然之間發覺自己好似多左朋友，哈哈...
原本聽日會去「龍躍頭」影相，但係唔夠人去所以要取消，真係慘

最近

終於有時間寫返最近幾日既野

過去左既星期六，終於有大學同學結婚，一早就去左做實況攝影，仲早過返工添，不過都值得既，人家一生中既大事件嘛，如是者由九龍去港島、再去九龍、再去新界，再返港島，終於去到紅棉道影下相，但係成日都超勁熱，著住套西裝真係熱到傻...
一路影到四點幾，大家都好攰既情況之下收隊，我就返九龍換衫，再去新界同中學同學燒野食，嘩...一日來來回回，點知去到d人仲話過夜，呆左

星期日起身都成十一點，離開個site就一齊去飲茶，仲講話會去旅行，首選日本，次選台彎，今個星期落實，飲完茶兩點幾返到屋企，過埋之前一日既相，就換衫出發去飲，繼續影下相，一大班舊同學都好開心，好多人都飲好多，過程仲有幾個人開心到乜都做曬，大家感情都好好，好開心！

星期一一起身都成十二點，去左就幫手還衫，跟住返中班，返到屋企就開始睇下台灣之旅既野

星期二都有諗過整下d相早日比人，點知個harddisk滿左，要將d野backup左先有位整相，如是者又整到夠鐘返工。結果個晚已經比人追睇相

今日約左人開會，又食飯之後即刻返到去，結果幫家姐整下部成日有問題既電腦，咁就要出門口，所以又係無時間整相，而家打完最近發生既事，就要開始整相lu (連icq都唔敢開住) 。仲有，終於都定左日子去台彎，但係欠一個人，點算好

文武廟

行完中環個半山，就去左上環文武廟，果度好多香火，學人影左幾張「香相」

中環行山

好耐都無去影相，今日去中環「行山」，行到半山就回頭，唔係好識有乜影，只係影左好少相，呢張係中環警處

Halloween

Our English Club held a Halloween Lunch Party today. Only 15 members joined our party but we still have fun with our Pumpkin Design and Pumpkin Bowling after a light refreshment.

今晚仲係十月飯團，去左栢麗酒店個cafe one食自助餐，食左兩份半邊龍蝦仔，三份刺身，點心同一大堆甜品，勁飽咁食足兩個幾鐘，都只不過係$166，超勁抵食

食好野

好耐都無打過波，今日終於再打下，一去到竟然見到讀書果時既floor-mate，原來佢去左船公司做，其實我都唔係好肯定係佢，只不過佢認到我，哈哈...

打完波有人請食好野，今次又可以食聖子王，真係好好食，仲有今日見既花螺係食咁多次最大隻既一次，感覺好食好多